2 Webena 7:8 - mzwDBL

⁸ Kooro Solomɔn ne Israel tena la bwa di Kukure Tɔpejen la tɔpera anuanɛ. Nɛnlaa tenten le ŋwɛnɛ bɛl waa chɔa kaa bwɛjen Hamat waa lɔ weekaŋle nyunduabɔr, ne Ijipt harɛ jwɛh ta waa lɔ weekaŋle harɛbɔr dɛ ba.

2 Webena 7:8 Referans Kwoze

Mumpar 15:18

Awolaa Korowii ne Abram fɔwɛ fɔo. Asɛ Korowii ŋɔ o be ŋɔ, “He naanaree n kpɔ a ɡɛ harɛ nɔ dɛɛ tɛ. O le Ijipt harɛ jwɛh ta dɛ ba Yufretis Moo ta.

1 Koranar 8:65

Korowii Dea belaa Kooro Solomɔn ne Israel tena la bwa di Kukure Tɔpejen la tɔpera anuanɛ. Nɛnlaa tenten le ŋwɛnɛ bɛl waa chɔa kaa bwɛjen Hamat waa lɔ weekaŋle nyunduabɔr, ne Ijipt harɛ jwɛh ta weekaŋle harɛbɔr dɛ ba.

Amanesoma Jɔn Aa Chwera Tɔn 7:2

Gɛ saŋ la dɛ a ka tama Juu tena Kukure Tɔpejen ba yon dɛɛ do kukure dɛɛ so a bini tɔpera anuatoro la telo bá di.

Emɔs 6:14

Korowii Waa Ɛ Kpeɡri Bwa Dɔɔ ŋɔ, “Israel tena, mɛɛ ɡeloo harɛ bɛl nɛra ba yo heya, dɛ́ ba fiiɡi heyaa le Lebo Hamat ŋwɛnɛ weekaŋle nyundua, dɛ́ ba weekaŋle harɛbɔr Jɔɔdan Moo ta.”

2 Webena 30:13

Korobinɛɛte ta la, nɛra warɔ dɛ ba cheme Jerusalam, dɛ di Paanoo Iisi Aa Wola Toole a ta Tɔpejen.

1 Koranar 8:2

Ba bwa balɔ dɛ ba cheme Kooro Solomɔn sie, Kukure Tɔpejen dii saŋ, korobinuanɛ waa ɛ Etanim ta.

2 Webena 5:3

Dɛ ba bwa balɔ dɛ ba cheme Kooro Solomɔn sie Kukure Tɔpejen dii saŋ, korobinuanɛ ta.

2 Webena 30:26

Silɛɛ kohona ba Jerusalam, dɛkalkɛ, le Kooro Devid bibaa Kooro Solomɔn aa di kora Israel harɛ ta bwa, a ɡɛ waa nɔ dɔŋa ta chiɡe bwa.

Ɛsekeɛl 45:25

Kukure Tɔpejen dii, tɔpenuanɛ wee waa dɛ pa mun korobie anuanɛ, tɔpera fi dɛ anue ta la, a chɛ kɛ kooro la ɛ ɡɛ tenten tɔpera anuanɛ ja wechɔɡa kpɔe dɛ kɛ sarahare, ne saraha baa dɛ fuah, ne mea sarahare, dɛ noo waa kpɔ ba la ta.”

Ɛsekeɛl 47:20

O wee cholibɔr jwɛh la, Mɛdetereenea Mpo laanee dɛ́ ɛ jwɛh, dɛ́ kaa bobɛl o ne bela baa cheɡa dɛɛ kaa bwɛjen Hamat sie aa chaɡɛ dɔŋa. Wee cholibɔr jwɛh laanee la.