2 Webena 7:12 - mzwDBL

¹² Korowii ba o be deera ta jwaana dɛ ba ŋɔ o be ŋɔ, “N no he wesoŋa la, n sɛoh kɛŋɔ Dea nɔ binii bá kpo kwaa ɛ sarahare dɛɛ tɛ mɛ.

2 Webena 7:12 Referans Kwoze

2 Webena 1:7

Waa lɔ Gebeɔn bela la, Korowii ba o be jwaana deera ta, dɛ ba ŋɔ o be ŋɔ, “Baɡle komɛlbwa haa dɛ nyin ásɛ n kpɔ tɛɛ.”

1 Koranar 9:2

Korowii ba o be ja, ɡɛ waa la o be Gebeɔn la.

Mumpar 17:1

Abram aa di bene fifraanuanaarɛ dɛ anuanaarɛ la, Korowii ba o be deera ta dɛ ba ŋɔ o be ŋɔ, “Menee Kpeɡri Bwa Dɔɔ la. Dɛɛ no n wa, dɛɛ ɛ waa aa toɡra.

2 Webena 7:16

dɛkalkɛ n le Dea nɔ cheɡ dɛ ɡel o do ɡoroŋ, ásɛ baa tom mɛ o bini saŋ bɛlbwa dɛɛ la. Mɛɛ dɛɛ daahno n sie do o ta.

Mmarare 12:11

Korowii haa dɛ tomɔ nɔ ɛɛ baɡle heyaa bobeŋkpoŋ bela he bwa aa ka cheme dɛɛ tomɔ. Belaa chɛ kɛŋɔ hé kpɔ saraha kwaa haa fuh dɛ́ kpɔ dɛɛ jaamo, ne kwaa haa kpoa dɛɛ tɛo, ne he komɛlbwa haa dɔa bɔre fi bini bɔrbeŋkpoŋ, ne he koŋkɛɛla kpɔe tɛo, ne he nyobaɡa kwaa ɡɛ maa ŋɔ he be saŋ bɛlbwa dɛɛ la.

We-ɛɛla 10:31

dɛ ŋɔ, ‘Kɔnɛɛleɔs! Korowii no he soŋa haa dɛ soŋo dɛ na he chae haa dɛ cha nyaara la bwa.

Amanesoma Luk Aa Chwera Tɔn 1:13

Anee nyundua torome la ŋɔ o be ŋɔ, “Sekaria, dɛɛ berɛ ɔma! Korowii no he wesoŋa. He haah Ɛlesabɛt ɛɛ lolɛ bibaalee tɛɛ, ásɛ he pa o sɔn Jɔn.

Yela 66:19

Kasinteŋ, Korowii no n wesoŋa, o no n wii maa wia noo la.

Yela 10:17

N Naa Korowii, he dɛ no nɛŋɡwɛɡra wesoŋa, dɛɛ do ba ɡbemba,

2 Koranar 20:5

ó berɛ dɛ́ ka ŋɔ Kooro Hɛsɛkea waa dɛ tɔ o nɛra sie be ŋɔ, “Men Korowii he nabaa Devid fa aa tomɔ la, n no he wesoŋa, dɛ na siniire aa dɛ yɔɔre. Mɛɛ chaeh, asɛ tɔpetooro wee la he ir, dɛ́ la men Korowii Dea.

2 Koranar 2:6

Elaeja berɛ ŋɔ Elaesa be ja ŋɔ, “Korowii tom mɛ Jɔɔdan Moo la ta, kɛ so bonɔ.” Elaesa ŋɔ, “N ŋwɛɛ Korowii waa lole, asɛ he ɡe do le nɔ kɛ n ne henee.” Asɛ ba bwa kaa.

2 Koranar 21:7

Kooro Manasɛ sɛh Asera voɡ dajaŋ, dɛ kpɔ ka pa Korowii Dea, bela Korowii aa ŋɔ Kooro Devid ne o bibaa Kooro Solomɔn be ŋɔ, “Dea nɔ ne Jerusalamee n le cheɡ, dɛ le Israel deene bwa bini kɛŋɔ baa tom mɛ o bini saŋ bɛlbwa dɛɛ la la.

Malakae 3:4

mɔɔ Korowii sie lɛ dɛ́ lɛ Juda ne bwɛjen Jerusalam nɛra saraha kwaa baa kpɔ baa tɛo la, ɡɛ a fa aa doa saŋ la.