2 Webena 5:13 - mzwDBL

¹³ Bɛlhoohla la ne yelɡoola la bwa pɛo, dɛ kpɔ tabeŋkpoŋ ɡo yela kpɛɛ dɛɛ jam Korowii. Asɛ bɛlhoohla ne nɛra baa dɛ lɔ kwaa anɛ ane baa kpɔ ayaawa ɛa dɛɛ hɛlɛ, dɛ kwaa bwa soo siwi ɡe kpɔ ɡo yela kpɛɛ Korowii ŋɔ, “Korowii wer, o nyina waa dɛ nyin yaa lole saŋ bɛlbwa dɛɛ la.” Ate, bam ba tɔ Korowii Dea la ta ɡɛ saŋ sɔfore la aa dɛ le bela la.

2 Webena 5:13 Referans Kwoze

Ɛsra 3:11

Ba ɡo yela kpɛɛ Korowii dɛ jaamo ŋɔ, “Korowii wer, o nyina waa dɛ nyin Israel tena lole saŋ bɛlbwa dɛɛ la.” Asɛ nɛra la bwa moo kohona dɛ jam Korowii, dɛkalkɛ ba pa Korowii Dea la mun.

Jeremia 33:11

silɛɛ ne hɛɡra lɔŋɔre dɛ hanfalwaa mune ɡbɔɡa. Hɛɛ noo nɛra ɡo yela dɛ́ kpɔ jam sarahare dɛɛ ba n Dea, dɛɛ ŋɔ, ‘Hé kpɔ jam tɛ Koranar Bwa Kooro! O waa wer, o nyina waa dɛ nyin yaa lole saŋ bɛlbwa dɛɛ la.’ Mɛɛ ɡeloo harɛ nɔ berɛ do wer ɡɛ o fa aa doa wubwa la. Men Korowiirii bola.”

2 Webena 7:3

Israel tena la bwa aa na nii la ne Korowii jirima la, ba ɡuŋo, dɛ kpɔ sie pi harɛ bobɛl baa mao bwea ne o ir nyundua, dɛɛ kpɛɛ Korowii ŋɔ, “Korowii wer, o nyina waa dɛ nyin yaa lole saŋ bɛlbwa dɛɛ la.”

Aesaya 52:8

Nɛra baa dɛ daah bwɛjen la pɛo dɛɛ do lɔŋɔre silɛɛ ne! Ba na Korowii ba siwi ne kɛ waa bera dɛɛ ba Saayɔn!

Yela 100:5

Korowii waa wer, o nyina waa dɛ nyin yaa ne o kasinteŋ lole saŋ bɛlbwa dɛɛ la.

2 Webena 20:21

Kooro ne nɛra la bane bol wa, asɛ o le yelɡoola bane ŋɔ bá ɡo yela kpɛɛ Korowii, o ɡoroŋ waa doa dɛ do kan kohona la wa, asɛ ba tɔ laa tena la sie dɛɛ ɡo yela ŋɔ, “Hé kpɛɛ Korowii o nyina waa dɛ nyin yaa lole saŋ bɛlbwa dɛɛ la.”

Tɔn Pɔɔl Aa Chwerɛ Rom Tena 15:6

ásɛ he pɛ dɛ́ kpɔ nyopɛo kpɛɛ ya Dɔɔ Yeesu Kristo Mɛɛ Korowii.

We-ɛɛla 4:32

Dɛ nɛra baa yarada Yeesu waa la dɛ ɛ asɔre tena la bwa dɔ nyopɛo ba liire bwa ɡe ɛ beŋkpoŋ. Bɛlbwa ta o ɡbaɡba kondɔɔla kpɔe ɛ o ɡbo kwa. Dɛ bɛlbwa dɔ kon aa, o dɔŋ konee.

Jeremia 32:39

Webeŋkpoŋ ɡboo mɛɛ ba kpɔe tɛɛ ba ba soɡa bini, a chɛ kɛ baa tɛ mɛ duure saŋ bɛlbwa, ba naanar ne ba ɡbaɡba wer doe wa.

Wepila 15:8

Korowii jirima ne o kpeɡri ɡelɔ chuu su o Dea la bini, nomɛlbwa aa wola won jo bela, atane kɛŋɔ hɔhɔrɔwa bele anuanɛ nyundua toroma banuanɛ la aa kpoŋa la aa ɛa tonɛ mɔɔ.

Yela 106:1

Hé kpɛɛ Korowii! Hé kpɔ jam tɛ Korowii dɛkalkɛ o wer, o nyina waa dɛ nyin yaa ta jaɡa dɔe.

Yela 107:1

Hé kpɔ jam tɛ Korowii, dɛkalkɛ o waa wer, o nyina waa dɛ nyin yaa lole saŋ bɛlbwa dɛɛ la.

Yela 118:1

Hé kpɔ jam tɛ Korowii, dɛkalkɛ o waa wer. O nyina waa dɛ nyin yaa lole saŋ bɛlbwa dɛɛ la.

Kaala 29:43

Bela tentenee mɛɛ ba n cheme Israel tena, ásɛ n jirima tɔ bela bwa, dɛ́ ɡel o do ɡoroŋ.

1 Webena 16:4

O berɔ le Lewi dea tena la bane ba baa ɛ toma Korowii Ne Nɛwɛnyina Fɔo Daka la sie, dɛ baa soŋe dɛɛ jam, dɛɛ kpɛɛ Korowii Israel tena aa dɛ tomɔ la.

2 Webena 7:1

Kooro Solomɔn aa soŋe Korowii tonɛ la, nii le nyundua dɛ ba fuh kwaa baa kpoora ne kwaa bwa soo siwi baa kpɔa dɛɛ ɛ sarahare la, asɛ Korowii jirima su o Dea la bini bwa.

2 Webena 7:2

Korowii jirima aa su Dea la bini nomanta, sɔfore la ta wone jo o bini.

2 Webena 7:6

Baa taa kpɔ Dea la dɛɛ do Korowii nɔn ta la, sɔfore kaa che ba chebɔr, Lewi dea tena ka che ba chebɔr, dɛ kpɔ kwaa baa kpɔa dɛɛ hɛlɛ Kooro Devid aa kpɔa tɛ la, dɛ ɡo kpɛɛra yela dɛɛ kpɛɛ Korowii ŋɔ, “O nyina waa dɛ nyin yaa lole saŋ bɛlbwa dɛɛ la.” Gɛ Kooro Devid aa do ba la. Sɔfore la sie chaɡɛ Lewi dea tena dɛɛ hoh bɛle, asɛ nɛra la kabora ɡe che.

2 Webena 20:22

Baa pa mun dɛɛ ɡo yela la, Korowii ɡelɔ Amɔn ne Moab, dɛ Edom laa tena baa dɛ ba ba lɔ tɔ Juda tena nɛɛ dɛ́ yoo ba la wili.

Nehemia 12:27

Baa dɛ ba bwɛjen Jerusalam danjwɛɛ baa maa baro kpɔe dɛ́ do Korowii nɔn ta la, ba yerɛ Lewi dea tena le bobɛlbwa baa soɡa ba. Asɛ ba ba ja, dɛ ɡo jam yela, dɛ kpɔ kwaa bwa soo siwi baa kpɔa dɛɛ hɛlɛ lɔ yela lɛ ba sie.

Yela 22:4

He nɛɛ ya naawa hwɛɡɛ, ba kpɔ ba te dawɛ he nɛ, asɛ he lɛɛ ba.

Yela 81:2

Hé pa mun ɡo yela, dɛ́ yiiɡi loŋa, hé kpɔ janjela lɔ yelsoma.

Yela 150:3

Hé hoh bɛle kpɛɛro, dɛ́ lɔ janjela ne kwaa bwa soo siwi kpɛɛro.

Yela 150:5

Hé lɔ ɡboŋri kpɛɛro. Hé kpɔ ayaawa kwaa anɛ dɛ́ɛ lɔ dɔŋa, dɛ́ɛ hɛlɛ kohona.