2 Webena 32:13 - mzwDBL

¹³ Hé ta ɡɛ n ne n naawa aa kpɔa ɛ harɛre nɛra noɛ kɛɛ? Gɛ harɛre la voɡare wono lɛ a nɛra le n nɔn ta naa?

2 Webena 32:13 Referans Kwoze

1 Kɔrent 8:4

Anomanta, voɡ kwaa dii maa dɛ bol a waa nɔ, ya jemɔ kɛ voɡa ta komɛlbwa ɛɛ harɛ nɔ ta, Korowii beŋkpoŋii lole.

We-ɛɛla 19:26

Kɛ taraken, he ɡbabir na waa Pɔɔl nɔ aa dɛ ɛ, dɛ no waa waa dɛ bol. Ɛfesos bonɔ ɡbo laa wɛɛ ɛ o waa nɔ. Eesia harɛ kɛrɛdɛ bwaa wɛɛ ɛa. O wono berɛ nɛndamanta bwa liire baa teŋɛ waa waa dɛ baɡle la ta. O waa waa dɛ bol laanee kɛ voɡa nɛwɛnyini ɡbaɡba aa kpɔ nɔn dɛɛ ɛa la ta kasinteŋ dɔe.

Daneɛl 5:19

Kpeɡri waa tɛo nomanta, dɛ nomɛlbwa ne harɛre ta nɛra ne wobol bɛlbwa tena dɛ ɔmɔ dɛɛ chel. Nɛra waa dɛ nyin ba kpoora la, o kpoo ba. Banɔ la waa wola ba kpoora nyin la, o ɡel ba. Nomɛlbwa waa dɛ nyin o ɡɔɔ o sɔn la, o dɛ ɛo ɡɛ. Nomɛlbwa waa dɛ nyin o ba o ne harɛ ɡe la, o dɛ ɛo ɡɛ.

Daneɛl 4:37

Name, men Kooro Nebukadnesa, n dɛ kpɛɛ Korowii waa dɛ di kora nyundua, dɛɛ tɛo sɔn ne jirima dɛkalkɛŋɔ, o waa toɡrɔ o wobɛlbwa ɡe do wer. Nomɛlbwa waa dɛ ɡɔɔ o te la, o won naate ne harɛ bala.”

Daneɛl 4:30

O ŋɔ, “Bwɛjen Babelɔn waa do kan ken nɔ, menee doo o ɛ n koobwɛ, dɛ́ kpɔ baɡle n kpeɡri kohona ne n jirima maa dɔa.”

Jeremia 10:16

Kɛ Korowii Israel tena aa dɛ tomɔ la ta do kɛ ban, dɛkalkɛ onee ta komɛlbwa, dɛ le Israel tena tɛ o te, dɛ kpɔ ba ɛ o kapɛrɛ nɛra. Koranar Bwa Kooroo o sɔn.

Aesaya 10:14

N pa ba kondɔɔh kɛŋɔ jumbie kɔr ne hala ken. Gɛ nɛn yon ka pu kwaa hala kɛŋɔ a chɔ pɛɛpɛɛ o yon pa la, ɡɛɛ n kpɔ harɛre la bwa. Bɛlbwa ta parawe kɛɛ dɛ si.’ ”

2 Webena 32:19

Ba bol waa yaɡɛ Korowii Jerusalam tena aa dɛ tomɔ, ɡɛ tenten baa bol harɛre ane voɡare nɛwɛnyini aa kpɔ nɔn ɛa la.

2 Koranar 15:29

Kooro Pɛka aa di kora Israel harɛ ta la taa Asiiria koojen Tiɡlat Pilesa kpɔ o laa tena ba yo, dɛ lɛ bwɛjena ane baa dɛ yera Ijon ne Ebel Bɛt Maaka, ne Janoa ne Kedes dɛ Hasɔ. O berɔ ka lɛ Gelead ne Galilia harɛre, dɛ kpɔ Naftale dea harɛ bwa ja, dɛ larawe Israel tena baa lɔ bela kaa Asiiria harɛ ta.

2 Webena 32:14

Harɛre nɔ voɡ besoo n naawa aa chɔɡa wona lɛ a nɛra le n be nɔ? Ɛrɛɛ voɡ haa dɛ tomɔ ɛɛ ba wona lɛ heyaa le n nɔn ta nɔ?