2 Webena 26:8 - mzwDBL

⁸ Amɔn tena kpɔ harɛ la ta kwaa baa tɛ Kooro Ussia, asɛ o sɔn le dɛ ba Ijipt harɛ ta bwa, dɛkalkɛ dɛ o dɔ kpeɡri kohona.

2 Webena 26:8 Referans Kwoze

2 Webena 17:11

Filisti tena bane kpɔ harɛ la ta kwaa ne suuɡapoŋa ba kɛo, Arab tena ɡe ba tɛo peera kaɡboŋa anuanɛ lafraanuanɛ, dɛ boohna kaɡboŋa anuanɛ lafraanuanɛ.

2 Samoɛl 8:2

O berɔ ka yo Moab tena ɡe dɛ pɔ ba nɛ. O ɡelɔ nɛra baa laɡ ba laa la ta la chɔ harɛ bɔre atoro, asɛ o maɡ ba ŋwɛn ne. O kpoo nɛra baa chɔa teŋɛ nɛɛ la, dɛ ɡel banɔ la baa chɔa teŋɛ tooro la, o ta ban kpoorɛ. Gɛɛ a do Moab tena ba do Kooro Devid lɔɡa, dɛ kpɔ harɛ la kwaa baa tɛo.

Mumpar 19:38

Bechala la ɡe lolɛ bibaa, asɛ dɛ pa o sɔn Bɛn Ami. O ɡee Amɔn tena bwa naa.

Matiu 4:24

O waa perɛ Siiria harɛ bobɛlbwa, anomanta, bela tena kpɔ ba weela tena baa dɛ we weela bwa soo siwi dɛ ba o be. Banɔ la kwaa aa dɛ ir ba nɛ, ne banɔ la baa dɛ we ɡbuŋɡbuŋri, ne banɔ la ba nɔɔra ne ba nakpale aa serewa bwaa ba kpɔ ba Yeesu be o chaah ba.

2 Webena 20:1

A habɔɔ la, Moab ne Amɔn dɛ Meuni tena vɔrɔwe laa, dɛ́ ba yo Juda Kooro Jehosafat ne o nɛra.

1 Koranar 4:31

Dɛ o jemɛ waa ɡwaa nomɛlbwa. O ɡwaa Etan waa ɛ Esera te ne Mahɔl bibaala Heman ne Kalkol dɛ Daada. O sɔn leɔ kohona harɛre aa bar ba la bwa ta.

2 Samoɛl 8:13

Kooro Devid aa le laa ta ba dɛ kpoo Edom tena nɛra kaɡboŋa fi dɛ banuatoro Yar Fɛlembɔjen ta la, o sɔn leo kohona.

1 Samoɛl 11:1

Dɛ ɛ korobie beŋkpoŋ habɔɔ la, Amɔn Kooro Nahas tɔ o laa tena sie ba ka bar bwɛɛ Jabes waa lɔ Gelead harɛ ta dɛ́ yoo ba. Anee Jabes baala bwa ŋɔ Kooro Nahas be ŋɔ, “Gel ya ne he fɔwɛ fɔo, ásɛ ya do he lɔɡa.”

Mmarare 2:19

kɛ dɛ he tel Amɔn tena harɛ ta naa, he bɛ ba baah muɡli dɛ́ ba puu ba yo, dɛkalkɛŋɔ maa ɡel he dɔ ba harɛ la pera ó ɛ he kon bwa. N kpɔɔ tɛ Lɔt naanar kɛ ó ɛ ba harɛ.’

Mumpar 12:2

Mɛɛ ɡeloo he mun ya, dɛ́ warɛ su harɛ ta bwa, ásɛ dɛ tɛɛ hɛɛra. Mɛɛ ɡeloo he sɔn le ásɛ a che he nɛɛ nɛwɛnyina dɔ andɛɛɡa.

2 Webena 26:9

Kooro Ussia ɡelɔ ba ma dejaŋa aa do kpeɡri Jerusalam Loŋkora Doonyoa, ne bɛl baa dɛ yerɔ Fɛlembɔjen Doonyoa, dɛ bela danjwɛɛ baa maa bar bwɛɛ la loŋkora ta.

1 Webena 14:17

Kooro Devid sɔn le harɛre bwa ta, asɛ Korowii ɡel harɛre nɛra bwa ɛɛ ɔmɔ.

2 Webena 27:5

O kaa yo Amɔn kooro ne o laa tena, dɛ pɔ ba nɛ. O ham ba dɛ ɡel ba kpɔ harɛ la kwaa baa tɛo benanyoa bɛlbwa. Kwaa kɛŋɔ suuɡapoŋa a tɔɡre aa ɛ kilore kaɡboŋa atoro lafraanaarɛ, ne mea baaɡe a tɔɡre aa ɛ kaɡboŋa fifraanɛ, dɛ mea ane ɡe soo siwi baaɡe a ɡe tɔɡre aa ɛ kaɡboŋa fifraanɛ. Ba teŋɔ kpɔ ɡɛ tenten ba tɛo bennɛɛte ne bentooro te ta.