2 Webena 26:23 - mzwDBL

²³ Kooro Ussia baa sewɛ asɛ ba huɡo bɛne o naawa koo bɛl koranar harɛ ta, dɛkalkɛ ba ŋɔ o we wee. O bibaa Jotam chiɡ o naa ta dɛ di kora.

2 Webena 26:23 Referans Kwoze

2 Webena 28:27

Kooro Ahas sewɔ, asɛ ba ka huɡo Jerusalam waa ɛ Kooro Devid Bwɛjen ta. Kɛ ba ta on koranar huɡribɔr huɡe, asɛ o bibaa Hɛsɛkea ba chiɡ o naa ta, dɛ di kora.

2 Webena 21:20

Kooro Jehoram aa di kora dɛ o di bene fifraatoro dɛ anɛ. O soɡe Jerusalam di kora bene anuatoro. O seo ta nomɛlbwa nɛɛ weɛ. Ba huɡo Jerusalam waa ɛ Kooro Devid Bwɛjen ta, kɛ bela baa dɛ huɡe koranar la laa.

Aesaya 6:1

A bena Kooro Ussia aa sewa, men Aesaya na Korowii chaahna ta, dɛ o soɡe kookara waa daŋa dɛ ɡwaa komɛlbwa ta, asɛ o laala tɔ Korowii Dea bela harɛ bwa.

2 Webena 33:20

Kooro Manasɛ sewɔ ka pu o naawa, asɛ ba huɡo o koodem. Asɛ o bibaa Amɔn chiɡ o naa ta, dɛ di kora.

2 Webena 26:18

Asɛ ba la o be ka bɔɔro ŋɔ, “N naa kooro, he ta ŋwɛnɛ dɔe kɛŋɔ he fuh daawiile a sɔɔh aa soma tɛ Korowii. Sɔfore baa ɛ Arɔn naanar baa sɔ ba doŋa ta, ba do ɡoroŋ Korowii be pera la, banee dɔ a ŋwɛnɛ kɛ bá ɛ ɡɛ toma nɔ. Le Korowii Dea bonɔ kaa, dɛkalkɛ he waa ta kasinteŋ dɔe o sie, waa andɛɛɡaa swee tɛɛ kpa.”

2 Webena 27:1

Kooro Jotam aa di kora dɛ o dɔ bene fifraanɛ dɛ anue. O soɡe Jerusalam di kora bene fi dɛ anumɛl. O nya sɔne Jerusa, asɛ o nya ɡe mɛɛ sɔne Sadɔk.