2 Webena 26:15 - mzwDBL

¹⁵ O ɡelɔ nɛra baa dɔ wejema kpɔ bune kwaa kwaane nɛra aa dɛ ba wona che a ta dejaŋa dor, ne danjwɛkpeɡa aa bar bwɛjen Jerusalam loŋkoni ta, dɛɛ ta hɛma ne bwejena. O sɔn leɔ kaa bobɛlbwa, dɛkalkɛ Korowii chao kohona mɔɔ o dɔ kpeɡri.

2 Webena 26:15 Referans Kwoze

Matiu 4:24

O waa perɛ Siiria harɛ bobɛlbwa, anomanta, bela tena kpɔ ba weela tena baa dɛ we weela bwa soo siwi dɛ ba o be. Banɔ la kwaa aa dɛ ir ba nɛ, ne banɔ la baa dɛ we ɡbuŋɡbuŋri, ne banɔ la ba nɔɔra ne ba nakpale aa serewa bwaa ba kpɔ ba Yeesu be o chaah ba.

2 Webena 2:14

O nya le Dan dea, asɛ o mɛɛ le Taaya. O dɔ suuɡaswɛm ne suuɡapoŋ ne ayaawa dɛ bune ne bwea, dɛ daa kpɔe dɛ ɛ kwaa wejema. Dɛ jemɛ jisekɔl ne jiseburum, ne onswɛm ne ompoŋ bwa kpɔe sɔh yapondɛɛɡe. Wɛɛ di ɡwine bɛlbwa baa baɡlo dawɛ kon ta. Gel o ba ja he nɛra baa dɔ kwaa ɛɛ wejema, ne he mɛɛ Kooro Devid nɛra baa dɔ kwaa ɛɛ wejema la nɛ.

2 Webena 2:7

Anomanta, tɛ mɛ nɛn waa dɔ wejema, dɛ́ won di ɡwine dawɛ suuɡaswɛm kɛɛ suuɡapoŋ kɛɛ ayaawa dɛ bune ta, dɛ́ berɛ won kpɔ jiseburum ne jisekɔl, dɛ onswɛm sɔh yal. Wɛɛ ba ja Juda ne Jerusalam nɛra baa dɔ kwaa sɛɛh wejema n mɛɛ Kooro Devid lee ba la nɛɛ baa ɛ toma.

Kaala 31:4

wejema waa won kpɔ suuɡaswɛm ne suuɡapoŋa dɛ ayaawa dɛɛ ɛ kwaa á do wer.

2 Webena 26:14

Kooro Ussia tɛ o laa tena la kwaa baa kpɔa dɛɛ tɔ ba te ɡbemɡbe laa ta, ne lampeare ne bune ɡbɛrɛre, ne laa batakaani ne tori, dɛ vamtor bwea.

2 Webena 26:16

Kɛ Kooro Ussia aa ba dɛ di kpeɡri la, mbarafo nomanta o cholo. O waa ta kasinteŋ dɔe tɛ Korowii waa dɛ tomɔ, dɛ ka jo Korowii Dea ŋɔ o ka fuh daawiile a sɔɔh aa soma kon baa dɛ fuah a ta la ta.

Aesaya 29:14

Anomanta, mɛɛ ba nyokpowaa nee ba ta ba nɛɛ ja, ba bwara yɔr. Aa ɡeloo wejerema ɡɛn, ásɛ nɛra baa jemɛ waa bini waa ɛ pɛɛpɛɛ.”

Habakuk 1:5

Ate, Korowii bol o nɛra be ŋɔ, “Hɛ́ɛ nyiŋi harɛre nɛra baa bar heya cheme dɛ́ɛ pese ba. Hɛ́ɛ na waane ba binii a ɛ heyaa nyokpoa kohona. N dɛ ba waane ɛɛ he saŋ nɔ ta, háa wola lii kɛŋɔ aa bao. Dɛ ba bol he be ka kwaraa naa, haa yarada.

Mmarare 20:20

Daa baa wola a nɔna di kɛɛ aa wola tɔnɔ dɔe la te, hɛɛ won teŋna, dɛ́ pa darawe dɔŋa nɛɛ bar bwɛɛ la, dɛ́ yoo ba ka tel kɛŋɔ haa pɔ ba nɛ.”