2 Webena 26:10 - mzwDBL

¹⁰ O berɔ ɡel ba ma dejaŋa pua hɛŋle ɡbo harɛ ta, dɛ kwi bɔɔne aa won nee lɛɛ bwea lɔɡre, ne deŋɡarere harɛ aa chɔa kaa la ta, dɛkalkɛ o dɔ kondɛɛra kɛrɛdɛ. Dɛ o dɔ nɛra baa dɛ ɛ toma o kooni ne daa kooni aa lɔ deŋɡarere ne harɛpare andɛɛɡa ta, dɛkalkɛ dɛ o sie dɛ lɛ para ta.

2 Webena 26:10 Referans Kwoze

Aesaya 29:17

A ka tamaa Lɛbanɔn kɔr berɛ harɛpare ondɛɛɡe, ásɛ o ta kwaa do kɛŋɔ kɔr bini kwaa ken.

2 Koranar 19:23

He tomɛ he toroma ba ɛ mbarafo baɡ mɛ ŋɔ, he wono kpɔ torɔɡore teeh kaa bwejena aa lɔ Lɛbanɔn dor. He ŋɔ belaa he teŋni peleme daa aa jaŋa kohona, ne dadɛɛɡa bwa soo siwi, dɛ jo kaa kɔr la baah tenten.

2 Koranar 3:4

Dɛ Moab Kooro Mesa dɛ dɛɛ peera. Bena bɛlbwa, o yon kpɔ harɛ la ta kwaa kɛŋɔ pebiiri kaɡboŋa lafa, ne pebala pona kaɡboŋa lafa kaa tɛ Israel Kooro Joram.

Mmarare 3:10

Ya lɛ bwɛɛre aa lɔ harɛ aa chɔa kaa la bwa, ne Gelead ne Basan harɛ dɛ ka tel wee leebɔr bwɛɛre ane baa dɛ yera Saleka ne Edrei, Basan Kooro Ɔɡ faa di kora a ta bwa.

2 Webena 26:11

Dɛ o dɔ laa tena baa jemɛ yoi, dɛ́ kpɔ ba te saŋ bɛlbwa dɛ́ ka yo laa. O karakere banɛ Jeyɛl ne Maaseyaa chwerɛ waa aa dɛ chiɡ dɛɛ bil, asɛ kooro nomoa Hanania chɔ ba nyoa.

Josua 15:55

Ane ɡee Mayɔn ne Kaamɛl ne Sif dɛ Juta,

1 Samoɛl 15:12

Tɔ aa pera chɔmbibi la, Samoɛl iro la ka ɡaaɡe Kooro Sɔɔl bɔr, asɛ ba ŋɔ o be ŋɔ, “Ó kaa Kaamɛl. Asɛ o ma kon cheɡ bela o sɔn ta, dɛ kpɔ dɛɛ lii laa waa yoa dɛ pɔ nɛra nɛɛ la wa, dɛ berɛ kaa Gelɡal.”

2 Webena 17:12

Gɛ taa a che Kooro Jehosafat pa mun dɛɛ do kpeɡri kohona. O ma dekpeɡa aa jaŋa ne deene baa cheɡ kondikwaa a bini bwɛjena Juda harɛ ta,

2 Webena 17:13

dɛ dɔ kondikwaa kohona Juda harɛ bwɛɛre ta. O berɔ kpɔ laa tena baa jemɛ yoi kɛrɛdɛ ba so Jerusalam.

2 Webena 32:29

A habɔɔ la, Korowii ɡelɔ o dɔ suuɡa kɛrɛdɛ, dɛ dɔ nae ne peera taeh, asɛ dɛ vɔrɔwe bwɛɛre ɡe.

Wejereme 5:8

He na nomɛl waa nyaa, baa wola o waa bolɛ dɛɛ tɛo aŋwɛnɛ ta, dɛɛ fiiɡu harɛ la ta naa, bɛ ɡel á kpo he nyoa. Nomoa bɛlbwa lɔ o dɔŋ waa ɡwaalo lɔɡa, asɛ ba bwa habɔɔ, nomonome bane ɡe ɡwaa ba.