2 Webena 23:2 - mzwDBL

² Ba la Juda harɛ bwɛjena ta, dɛ ka kpɔ Lewi dea tena ne nomonnyuune baa chɔ Israel deene nyoo bwa ba Jerusalam.

2 Webena 23:2 Referans Kwoze

Ɛfesos 5:15

Anomanta, hɛ́ɛ nyiŋi he soɡa bini kɛrɛdɛ dɛ́ ɛ wejerema dɛ bɛ ɡɛn.

Matiu 10:16

Yeesu berɔ ŋɔ, “Hɛ́ɛ no! N dɛ tomɛ heyaa kɛŋɔ peera hé ka koo he dɔma baa do kɛ ɡboli baah ta. Hé ɡel he sie pili hɛɛ do dɛɛɡɔ kɛ harɛkwa, ásɛ dɛ do pwɛre dɛ́ man kɛ borɔnomare.

Yela 112:5

Nomɛlbwa waa ta tea dɛɛ kemɛ o bala suuɡa dɛɛ di kasinteŋ o toma ta la, o na som.

2 Webena 21:2

Juda Kooro Jehosafat bibaa Kooro Jehoram dɔ nimanar bibaala banumɛl. Banee, Asaria ne Jehiel ne Sekaria, ne Asariahu ne Maekel, dɛ Sɛfatea. Kooro Jehosafat bibaalaa a ɡɛ nɛra nɔ bwa.

1 Webena 24:6

Nɛtanɛl bibaa Sɛmaya waa ɛ Lewi dea te, onee chwerɛ ba sɔna Kooro Devid ne o nomonome bwa sie. Sadɔk waa ɛ sɔfo ne Abiata bibaa Ahemɛlɛk, ne sɔfore dea ne Lewi dea nomonnyuune ɡe jao, ba chwerɛ sɔna la. Ba le dea beŋkpoŋ le Eliasa naanar bini, dɛ le bɛl le Itama naanar ɡe bini.

1 Webena 15:12

Dɛ ŋɔ Lewi dea tena la be ŋɔ, “Heyaa ɛ nomonnyuune, dɛ chɔ Lewi deene nyoo, hé ne he bala Lewi dea tena chɛ kɛ he sɔ he doŋa bɛlbwa ta Korowii be pera, ásɛ dɛ won ka kpɔ Korowii ya Israel tena aa dɛ tomɔ, Ne Nɛwɛnyina Fɔo Daka la ba cheɡ bɔr maa kwaara tɛ ŋɔ ó ba che la.