2 Webena 22:12 - mzwDBL

¹² Jehoseba kpɔ Joas sɔh Korowii Dea bela bene anumɛl, ɡɛ saŋ haŋkooro Atalia aa dɛ nyiŋi harɛ la ta la.

2 Webena 22:12 Referans Kwoze

Habakuk 1:12

N Naa Korowii, saŋ la bwa laa he le ɛ Korowii aa? Henee Korowii maa dɛ tomɛ, Korowii haa do ɡoroŋ la. N Naa Korowii, he le Babelɔn tena, dɛ tɛɛ ba kpeɡri ŋɔ bá ba tɛr ya deŋne, kɛ he do kɛ Bwetal dɛ kpɔ nɔn dɛɛ tɔ ya nɛ.

Jeremia 12:1

Jeremia ŋɔ, “N Naa Korowii, saŋ bɛlbwa maa kpɔ n waa bil he sie la, he konee dɛɛ do som. Mɛɛ bol he waa bola dɛ́ pa bole aŋwɛnɛ ta waa. Ɛrɛɛ nyubinikpeɡ tena wobɛlbwa yon dɛɛ chiɡ ba kɛrɛdɛ nɔɔ? Ɛrɛɛ nɛnchɔɡa ɛɛ dɔ bosɔɔhna nɔɔ?

Yela 73:14

N Naa Korowii, he ɡelɔ n bwara nyɛɡ mɛ tɔpebir bwa, chɔɔ bɛlbwaa hɛɛ tɛr n deŋne.

Yela 27:5

Hɛɛ lɛɛ mɛɛ n wenaale tɔpere, dɛ́ kpɔ nɔn tɔ n nɛ he Dea dɛ́ laɡ mɛ sɔh bela, dɛ́ kpɔ n naa cheɡ bodɛɛɡe.

Yela 12:8

Nyubinikpeɡ tena perɔ, dɛ valɛ dɛɛ ɡu, ba na waa aa wola were nɛra ɛɛ ɛaa, dɛ ba dɛ kpɛɛra.

2 Webena 22:11

Dɛ Kooro Ahasia mɛɛ bihaah bɛl sɔne Jehoseba, dɛ yalɛ sɔfo Jehoiada. O sɔɔh dɛ lɛ Kooro Ahasia bibaa Joas le koobii baa dɛ ba ba kpoora la bini, dɛ kpɔɔ ka sɔh o be dea, dɛ ɡel haah bɛl ɛɛ nyiŋi o nɛɛ Korowii Dea. O ɛ ɡɛ dɛ lɛo le haŋkooro Atalia kpoe o fe aa dɛ nyin o kpoe la nɔn ta.

2 Webena 23:1

Bene anuanɛ ta la, sɔfo Jehoiada baɡle o kpeɡri. O ne laa sitɔɔla baa chɔ laa tena lafare nyoo, ne Jɛroham bibaa Asaria, ne Jehohanan bibaa Ismael, ne Ɔbɛd bibaa Asaria, ne Adaya bibaa Maaseya, dɛ Sikri bibaa Elisafat fɔwɛ fɔo.

Sɛɡla 28:28

Nomonchɔɡa baa di kora aa, ɡɛɛ nɛra hɔrɔme, ba le bela tenaa, dɛ nɛra ba wa aa toɡra dɔ bɔr dɛ di kora.