2 Webena 21:7 - mzwDBL

⁷ Dɛ Korowii aa nyin kɛŋɔ o chɔɡ Kooro Devid dem kora, dɛkalkɛ o ne Devid fɔwɛ fɔo o baɡɔ nyoa ŋɔ o naanar ɛɛ di kora saŋ bɛlbwaa dɛɛ la.

2 Webena 21:7 Referans Kwoze

1 Koranar 11:36

Mɛɛ kpɔ dea beŋkpoŋ nɛraa do o nɔn ta, ɡɛ aa ɛ ásɛ n dɔ n bonɔɔ Devid naa saŋ bɛlbwa wɛɛ di kora Jerusalam, bwɛjen maa lea cheɡ ŋɔ baa tom mɛ la ta.

Amanesoma Luk Aa Chwera Tɔn 1:79

ásɛ dɛ chaah ya banɔ la yaa lɔ biro ta dɛɛ ɔmɛ seo la, dɛ́ chaɡle yaa deŋnesɔɔhna ŋwɛnɛ.”

Amanesoma Luk Aa Chwera Tɔn 1:69

O tɛ yaa nɛnjen o le o bonɔɔ Devid dea, dɛ ŋɔ ó ba lɛ yaa.

1 Koranar 11:13

Kɛ mɛɛ koh n bonɔɔ Kooro Devid ne bwɛjen Jerusalam maa kpɔa ɛ n bwɛɛ la waa, maa kora la bwaa lɛ. Mɛɛ ɡel dea beŋkpoŋ nɛraa tɛ he bie.”

Yela 132:11

He baɡɛ Kooro Devid nyoa, haa wola nyoa charɛ, dɛ ŋɔ, “Mɛɛ ɡeloo he naanar bini bɛl ba di he kara.

Yela 89:39

He chɔɡ he ne he bonɔɔ fɔo haa fɔwa la, dɛ kpɔ o kooɡbɛrɛ ta harɛ.

2 Webena 22:11

Dɛ Kooro Ahasia mɛɛ bihaah bɛl sɔne Jehoseba, dɛ yalɛ sɔfo Jehoiada. O sɔɔh dɛ lɛ Kooro Ahasia bibaa Joas le koobii baa dɛ ba ba kpoora la bini, dɛ kpɔɔ ka sɔh o be dea, dɛ ɡel haah bɛl ɛɛ nyiŋi o nɛɛ Korowii Dea. O ɛ ɡɛ dɛ lɛo le haŋkooro Atalia kpoe o fe aa dɛ nyin o kpoe la nɔn ta.

2 Koranar 8:19

Kɛ ane a bwa, dɛ Korowii koh o bonɔɔ Kooro Devid waa dɛ ŋɔ waa Juda harɛɛ chɔɡ. Dɛ Korowii baɡɛ nyoa ŋɔ Kooro Devid naanar la bini bɛlee dɛ́ di kora Jerusalam saŋ bɛlbwa dɛɛ la.

2 Samoɛl 23:5

Gɛɛ Korowii ɛɛ ba n naanar andɛɛɡa sweera, dɛkalkɛ n ne o fɔwɛ fɔo waa do le saŋ bɛlbwa dɛɛ la, fɔo waa wola chɔɡ bwa, nyobaɡa waa wola charɛ. Waa bwa maa dɛ nyin laanee la, Korowiirii dɛ́ ɡel a bwa ɛ ɡɛ dɛ́ tɛ mɛ.

2 Samoɛl 21:17

Asɛ Seruya bibaa Abisae ba dɛ ba lɛ kooro. O baa yo Filisti te la dɛ kpoo. Belaa Kooro laa tena la ŋwɛɛ baɡlo ŋɔ, “N naa kooro, haa ya nɛɛ teŋɛ la laa kpa, ɡɛɛ dɛ́ ɡel hen haa do kɛŋɔ kandea dɛ tɔ ya Israel tena sie nɔ, ba bɛ hen ba kpo, ásɛ Israel kandea dime, ya paŋɛ.”

1 Koranar 15:4

Kɛ Korowii waa dɛ tomɔ koh Kooro Devid wa ɡɛ waa tomɔ nomanta, dɛ tɛo bibaa waa chiɡ o naa ta di kora Jerusalam, ásɛ Jerusalam won che.

2 Koranar 8:24

Kooro Jehoram baa sewɛ ka pu o naawa, asɛ ba ka huɡo Jerusalam waa ɛ Kooro Devid Bwɛjen ta. Asɛ o bibaa Ahasia chiɡ o naa ta, dɛ di kora.

2 Webena 23:3

Asɛ nɛra la bwa ne kooro bibaa Joas ba cheme Korowii Dea dɛ fɔwɛ fɔo. Anee sɔfo Jehoiada ŋɔ ba be ŋɔ, “Kooro Ahasia bibaa Joas ɛɛ di koraa, ɡɛ Korowii aa baɡɛ Kooro Devid naanar nyoa la.

2 Webena 6:16

Name, N Naa Korowii Israel tena aa dɛ tomɛ, teŋɛ he nyoa haa baɡɛ n mɛɛ Kooro Devid waa ɛ he bonɔɔ la ta, ɡɛ haa ŋɔa ŋɔ, dɛ o bii do sie dɛɛ teŋɛ he waa ta, ɡɛ he Mmarare aa dɛ baɡle la aa, o naanar bini bɛlee dɛ́ so Israel tena kora ta he sie.