2 Webena 20:12 - mzwDBL

¹² Henee Korowii yaa dɛ tomɛ. Tɛr ba deŋne, dɛkalkɛ ya ta kpeɡri dɔe dɛ́ won che laa tena baa wara dɛɛ ba ya nɛɛ nɔ sie. Yaa jemɛ ɡɛ yaa ɛ, he siwi taa yaa nyiŋi.”

2 Webena 20:12 Referans Kwoze

Yela 25:15

N sie dawɛ Korowii nɛɛ saŋ bɛlbwa kɛ ó cha mɛ, onee dɛ́ lɛɛ mɛ le wekpeɡa ta.

Yela 141:8

Kɛ hen Nemenɛ Korowii nɛɛ mɛɛ hwɛɡɛ, henee n chwa baa marɛ, bɛ ɡel n sewɛ.

Mmarare 32:36

Korowii ɛɛ lɛ o nɛraa ɡɛ saŋ ba bokpeɡa aa ba tonɛ. Wɛɛ dɔ tedomaa tɛ nɛra baa dɛ tomɔɔ, ɡɛ saŋ baa wola nomɛlbwa dɔe ó cha ba.

Yela 9:19

N Naa Korowii, ir nyu ne. Bɛ ɡel nɛwɛnyini nyiŋi he nyubaah. Ba voɡtoroma ne he sie, dɛ́ pa ba bolchɔɡe.

Yela 43:1

N Naa Korowii, pa mɛ boldɛɛɡe, che n habɔɔ, dɛ́ bol n waa tɛ mɛ, nɛra baa wola hen Korowii tomɛ nɔ be, lɛɛ mɛ le nyosonteŋna, ne nyubinikpeɡ tena nɔn ta.

Jona 2:4

N liiro kɛ he doŋ mɛ le he sie, dɛ ŋɔ maa he Dea waa do ɡoroŋ laanee na kpa.

2 Samoɛl 14:11

Haah la ŋɔ, “Amɔ soŋe Korowii haa dɛ tomɔ, ásɛ n lole waa chɛ kɛ ó kpo nɛn waa kpo o dɔŋ bɔ kem la, o bɛ wechɔɡa kohona ba ɛ, n binɛɛte la kpoe wa.” Anee kooro chaŋe ŋɔ, “N ŋwɛɛ Korowii waa lole kɛŋɔ, wobɛlbwa aa he bie la ɛɛ ba.”

1 Samoɛl 3:13

N tɔ sie ɡel o jemɛ kɛŋɔ mɛɛ tɛr o ne o dem tena deŋnee o bibaala waa baa bola yaɡ mɛ la wa, dɛkalkɛ o ta ban kasinteŋ dii.

Sitɔɔla 11:27

N ta hen wechɔɡa ɛɛ, he tenee dɛɛ ɛɛ mɛ wechɔɡa, dɛ vɔrɔwe n yoi vɔrɔwa. N dɛ soŋe kɛŋɔ Korowii waa dɛ pa bole la pa waa aa lɔ Israel tena ne Amɔn tena baah ta nɔ bole fini.”

Wepila 19:11

Asɛ n na kɛŋɔ nyundua aa pila, jaaɡɔpoŋ bɛl le. Nɛn waa soɡe o ta la, ba dɛ yerɔ Kasinteŋ Te, o waa do Goroŋ. O dɛ bol nɛra waa kasinteŋ ne, dɛɛ yo laa aŋwɛnɛ ta.

Yela 7:8

Henee bol nɛwɛnyina bwa waa dɛɛ pa bole. Nemenɛ Korowii, cha mɛ, dɛ́ bol n waa tɛ mɛ. He jemɔ kɛŋɔ n tea too.

Joel 3:12

Harɛre ta nɛra bwa ir nyu ne, dɛ́ ba kaa Jehosafat Fɛlembɔjen la bini. Belaa men Korowii ɛɛ ba bala dɛ́ ba so, dɛ́ bol harɛre nɛra baa bara cheme bwa waa dɛ́ pa bole.

2 Koranar 6:15

Tɔ aa pera chɔmbibi la, Korowii keame Elaesa bonɔɔ iro dɛɛ le buse dɛ na kɛŋɔ, laa tena kpɔ jaɡre dɛ kwaa aa do kɛ torɔɡore bar bwɛjen la cheme. Anee o ka ŋɔ o dɔɔ be ŋɔ, “N dɔɔ, akwe! Ya na wa. Ɛrɛɛ yaa ba ɛɛ yɔ?”

Aesaya 42:4

Waa koh, waa ɡwɛɡre ɡe, dɛ́ ka tel kɛŋɔ harɛ nɔ nɛra bwa aa ba jemɛ kasinteŋ ŋwɛnɛre la. Nɛra baa lɔ bojaŋ harɛre ta ɛɛ dɔ hwɛɡa o webaɡla taa.”

Aesaya 2:4

Wɛɛ bol harɛre nɛra waa dɛ́ pa bole, dɛ́ kwaa ba baah. Baa beɡre ba kerii a ɛ para, dɛ́ beɡre ba lampeare ɡe ɡoori. Harɛre nɛra aa dɔŋaa yo, a ba ɛ kɛŋɔ baa hweli laa waa kpa.

Yela 7:6

N Naa Korowii, ɡel he baah di. Kpɔ ba che n dɔma ba baah aa di n nɛɛ kohona la nɛ. Ir nyu ne tɛ mɛ, dɛ́ pa bole.

1 Samoɛl 14:6

Jonatan ŋɔ o bonɔɔ waa cheɡɛ o dɔmkwa la be ŋɔ, “Ba yá ɡale kaa Filisti tena baa wola Korowii tomɛ nɔ be. Korowii ken ɛɛ cha yaa. Komɛlbwa aa won tɔ Korowii ŋwɛnɛ yaa wola won pɔ ba nɛ, ya warɔ kɛɛ ya ta warɛ kwara noo.”

2 Webena 20:13

Dɛ Juda harɛ ta baala ne ba haahna ne bii bwa cheɡɛ Korowii Dea la sie.

Aesaya 45:22

Harɛre nɛra bwa, hé ba n be, dɛ́ ba dɔ he nyu. N ɡboo Korowii, Dɔɔ bɛlbwa toole kpa.

1 Koranar 1:20

N naa, Israel tena bwa dɛ nyiŋi he siwi ta, kɛ he baɡle nɛn waa di kora he habɔɔ.

Yela 94:2

Henee bol nɛra bwa waa dɛɛ pa bole, ir dɛ́ bɔ mbarafo tena kem ɡɛ aa chɛa.