2 Webena 2:8 - mzwDBL

⁸ N ɡbabir jemɛ ɡɛ he tom-ɛɛra aa dɔ daa teŋna wejema, anomanta, tɛ mɛ peleme daa ne dadɛɛɡa ane soo siwi aa lɔ Lɛbanɔn harɛ. N nɛra ɛɛ ba ja ba nɛɛ,

2 Webena 2:8 Referans Kwoze

1 Koranar 5:6

Anomanta, cha mɛ dɛ́ ɡel he nɛra ka teŋe peleme daa le Lɛbanɔn harɛ ta tɛ mɛ. Mɛɛ ɡeloo n nɛra ba ja he nɛra nɛ, ásɛ n bɔ he nɛra la kem ɡɛ bwa haa baɡle. He ɡbabir nao kɛŋɔ nomɛlbwa ta daa teŋa wejema dɔe ka ja he nɛra baa le bwɛjen Sidon ta nɔ nɛ.”

1 Koranar 10:11

Kooro Hiram stiimaere la Ofir harɛ ta, dɛ ka kpɔ suuɡaswɛm, dɛ kpɔ dadɛɛɡa ane, ne bwedɛɛɡa a bwa yoɡ aa kpeɡa ba.

2 Webena 2:9

bá nyin daa a warɛ ba tɛ mɛ, dɛkalkɛŋɔ Korowii Dea maa dɛ ba doe la chɛ kɛŋɔ ó do kan dɛ́ do wer kohona.

1 Webena 22:5

Belaa o lii ŋɔ, “N bie Solomɔn nɔn ta kao, waa wobɛlbwa jemɛ, Korowii Dea waa dɛ ba doe nɔ ɡe chɛ kɛ ó do wer kohona, dɛ́ lɛ sɔn harɛre bwa ta. Amɔ a chɛ kɛŋɔ ń nyiŋi dɛ́ kpɔ o laa kɛrɛdɛ.” Anomanta, o nyin laala waa kpɔ ma Dea la bil warɛ mɔɔ dɛ sewɛ.