2 Webena 2:7 - mzwDBL

⁷ Anomanta, tɛ mɛ nɛn waa dɔ wejema, dɛ́ won di ɡwine dawɛ suuɡaswɛm kɛɛ suuɡapoŋ kɛɛ ayaawa dɛ bune ta, dɛ́ berɛ won kpɔ jiseburum ne jisekɔl, dɛ onswɛm sɔh yal. Wɛɛ ba ja Juda ne Jerusalam nɛra baa dɔ kwaa sɛɛh wejema n mɛɛ Kooro Devid lee ba la nɛɛ baa ɛ toma.

2 Webena 2:7 Referans Kwoze

Aesaya 60:10

Korowii ŋɔ Jerusalam tena be ŋɔ, “Nɛŋhɔɔhraa dɛ́ berɛ ba kwaa ma he bwɛjen nɔ danjwɛɛre, ásɛ ba koranar ɛɛ tomɛ heya. N baahnee fa dia n tɛr he deŋne. Taraken te, mɛɛ dɔ tedomaa tɛ heya, dɛ́ sune he nɛ.

Aesaya 28:29

Gɛ liire nɔ bwa, Koranar Bwa Kooro bee a le. Baɡla waa baɡle nɛra waa dɔ nyokpoa, o wejema ta jaɡa dɔe.

Aesaya 28:26

O jemɛ o toma. Korowiirii baɡlo anɔ la aa wera.

1 Koranar 7:14

A ɡɛ Hiram nɔ, luhaah bɛl waa le Naftale dea biee on. Dɛ o mɛɛ le bwɛjen Taaya, dɛ dɔ ayaawa kpɔe dɛ́ ɛ kwaa wejema. O wejema ne liire waa dɔa dɛ kpɔ dɛɛ ɛ ayaawa kwaa bwa soo siwi kan taeh. O la Kooro Solomɔn yer la, dɛ ka ɛ toma bwa waa ŋɔa o ɛ.

1 Koranar 10:11

Kooro Hiram stiimaere la Ofir harɛ ta, dɛ ka kpɔ suuɡaswɛm, dɛ kpɔ dadɛɛɡa ane, ne bwedɛɛɡa a bwa yoɡ aa kpeɡa ba.

Ɛsekeɛl 27:5

Hɛmɔn Bwejen taa ba le dakpeɡa ne dɛ ba kwaare. Dɛ le peleme daa ne Lɛbanɔn dɛ ba kwaa dajaŋ yal waa baŋre he ta la ta.