2 Webena 19:4 - mzwDBL

⁴ Dɛ Kooro Jehosafat soɡe Jerusalam, kɛ o yon ir la harɛ la nɛra be, le Beɛseeba waa lɔ weekaŋle harɛbɔr, ne Efrem deŋɡarere harɛ waa lɔ weekaŋle nyunduabɔr, dɛ charɛ ba liire le Korowii ba naawa aa tomɔ la be.

2 Webena 19:4 Referans Kwoze

Amanesoma Luk Aa Chwera Tɔn 1:17

Wɛɛ dɔ Korowii Domadɛɛɡe ne kpeɡrii kɛŋɔ Korowii keame Elaeja ken, dɛ́ tɔ ya Dɔɔ sie, dɛ́ ɡel eehnanar ne ba bii nyoa pɛ, dɛ́ berɛ deŋnekpeɡ tena liire ba nɛra ba wa aa dɛ su Korowii siwi ŋwɛnɛ ta. Gɛɛ wɛɛ ba ɛɛ dɛ́ nyin nɛra cheɡ ya Dɔɔ, ásɛ o balaa, ba won lɛo dɛ́ tomɔ.”

Malakae 4:6

Wɛɛ berɔ ɡel nyopɛo ba mɛɛnanar ne ba bii baah ta, dɛ ɡɛ laa tenaa, mɛɛ ba taah harɛ laanee ó chɔɡ.”

Sitɔɔla 20:1

Israel tena baa soɡe Dan dea harɛ ta dɛ kpoŋe kaa Beɛseeba, dɛ banɔ la baa soɡe Gelead harɛ ta bwa baa cheme Korowii sie Mispa kɛ nɛmbeŋkpoŋ.

Sitɔɔla 19:1

A saŋ la, dɛ kooro toole Israel harɛ ta. Dɛ Lewi dea te bɛl soɡe bojaŋ bwɛɛ bɛl ta, Efrem deŋɡarere harɛ ta, dɛ ka kpɔ haah Bɛtlɛham waa lɔ Juda harɛ ta o ne wɛɛ di nyoa sɛm.

Josua 17:15

Anee Josua chaŋe ŋɔ, “Dɛ he warɔ asɛ Efrem deŋɡarere harɛ la aa kanɛ tɛ heya aa, hé kaa Pɛrɛs ne Refa tena kɔne la bini, dɛ́ ka parɛ bela dɛ́ so.”

Mumpar 21:33

Asɛ Abraham chɔɔ daa bɛl Beɛseeba bela, dɛɛ tomɛ Korowii waa lole saŋ bɛlbwa la bela.

Mumpar 21:14

Anomanta, Abraham iro chɔmbibii dɛ kpɔ kondikwaa ne oltɔn pur, dɛ do nee o bini o su dɛ kpɔ chɔŋɛ Heeɡa vaama ta. O lawɛ bie la ja o nɛ, dɛ ta ba ŋwɛnɛ ba kaa. Heeɡa aa lea kaa la, bobɛl waa ɛ pua hɛŋle ɡbo harɛ baa yerɔ Beɛseebaa o ka do dɛɛ ɡaaɡe.

Matiu 25:16

A ta biɡre bɛlbwa onɔ la waa dɔ bɔre anue la den kpɔ o kwaa ka ɛ toma dɛ berɛ dɔ a dɔŋa ja a ta.