2 Webena 19:10 - mzwDBL

¹⁰ He bini bɛlbwa le bwɛjena nɔ ta, dɛ ba waa aa ɛ nɛŋkpoa kɛɛ Korowii Mmara la bini bɛlbwa ne naa, hé kah ba ŋɔ ba bɛ wechɔɡa ɛ dɛ́ jo Korowii nɛ, ásɛ o bandia bɛ he nɛɛ ba. He ɛ ɡɛ naa, haa bolchɔɡee di.

2 Webena 19:10 Referans Kwoze

1 Tesalonika 5:14

Yabala, ya dɛ soŋe heyaa kɛ hɛ́ɛ ja banɔ la baa ɛ bɔhwaahra la, dɛɛ do ɔmeera la ɡbemba, dɛ lawɛ banɔ la baa wola cheɡɛ kiŋkiŋ Korowii ŋwɛnɛ ta la kpoŋe, dɛ́ dɔ bambile tɛ nomɛlbwa.

We-ɛɛla 20:31

A waa n ŋɔ hɛ́ɛ nyiŋi kɛrɛdɛ ŋɔ he bɛ ba soh kɛ n fa aa lɔ he be bene atoro bwa dɛ yon dɛɛ ja heyaa Korowii waa ta tɔpebii te bɛlbwa, dɛ koh he waa dɛɛ wi la.

Ɛsekeɛl 33:6

Dɛ nɛn waa dɛ daah harɛ la na dɔma bala o ta bɛla la hoɛh nɛra la jemɛ, asɛ dɔma la ba kpo ba bini bɛlbwa naa, naate baa kpoo la sewɛ o wechɔɡa wa, kɛ mɛɛ pɛɛ naate waa sewa la chal waa le nɛn waa dɛ daah bɔr la be.

2 Webena 19:2

asɛ Hanani bibaa Jehu waa ɛ Korowii keame la ka cheme Kooro Jehosafat dɛ ŋɔ, “A chɛ kɛŋɔ hé cha nyubinikpeɡ tena, ásɛ dɛɛ nyin nɛra baa hah Korowii aa? Gɛ nomanta, Korowii bandia ba he nɛ.

Nɛra Kura 16:46

Belaa Mosis ŋɔ Arɔn be ŋɔ, “Kpɔ kon baa dɛ fuh daawiile o bini la dɛ́ do ane o ta, dɛ́ buh nii le saraha kon la ta do o ta. Ɛ warane kpɔ kaa nɛra la baah ta, dɛ́ ka soŋe ba wechɔɡa Korowii be ó kpɔ kɛ ba. Korowii baah di ba nɛ, weechɔɡa la pa mun ba bini.”

2 Webena 19:9

O do ɡɛ nomonome la ŋɔ, “Hé kpɔ kasinteŋ ne bambidɛɛɡe, dɛ Korowii ɔma dɛɛ ɛ he toma.

Ɛsekeɛl 3:17

“Nɛwɛnyini bie, n kpɔe kɛ hɛɛ daah n nɛra Israel tena. Anomanta, cheɡ deŋne kɛrɛdɛ dɛ́ no n waa nɔ dɛ́ kah ba tɛ mɛ.

Kaala 18:16

Dɛ bɛl ne o dɔŋ dɔ waane aa, n siee ba yon ba a ne, ásɛ n so a ta dɛ́ pa bole dɛ́ ɡel ba jemɛ Korowii Mmarare la wa.”

Nɛra Kura 17:11

Asɛ Mosis ɛ ɡɛ tenten Korowii aa doo la bwa.

Mmarare 21:5

Lewi dea tena baa ɛ sɔfore la tɔ sie, dɛkalkɛŋɔ Korowii haa dɛ tomɔ nɔɔ lee ba ŋɔ baa ɛ o toma dɛ́ soŋe andɛɛɡa dɛɛ tɛ nɛra o sɔn ta. Ba nyoa wobol taa bá che dɛ́ bol wobɛlbwa aa lɔ nɛra baah ta, ne dɔŋa lɔɔra waa bɛlbwa ta.