2 Webena 16:9 - mzwDBL

⁹ Korowii sie lɔ harɛ nɔ ta bwa, wɛɛ nyiŋi nɛra ba wa aa dɔ kasinteŋ tɛo, dɛ tɛɛ ba kpeɡri. He ɛ ɡɛnewa, le fini dɛɛ kaa, laa ɡboo hɛɛ ba dɛɛ yoi.

2 Webena 16:9 Referans Kwoze

1 Pita 3:12

A do ɡɛ, dɛkalkɛ nɛra ba wa aa toɡra dɛɛ su Korowii siwi la, Korowii dɛ nyiŋ ba, dɛɛ no ba wesoŋa. Kɛ nɛra baa dɛ ɛ wechɔɡa te, o ne baa jo.”

Sɛɡla 15:3

Korowii dɛ na bobɛlbwa, o dɛ nyiŋi wechɔɡ-ɛɛra ne wedɛɡ-ɛɛra bwa.

Jeremia 16:17

Korowii dɛ na waa bwa baa dɛ ɛ, a bwa chɔ o sie. Gɛɛ baa wola won kpɔ ba wechɔɡa ɡe sɔɔh.

Sɛɡla 5:21

Korowii dɛ na wobɛlbwa haa dɛ ɛ, o jemɛ he vala bini bwa.

Yela 34:15

Nɛra ba wa aa toɡra dɛɛ su Korowii siwi la, Korowii dɛ nyiŋ ba, dɛɛ no ba wesoŋa.

Job Tɔn 34:21

O sie lɔ nɛra we-ɛɛla ta, dɛɛ na ba naɡale bɛlbwa.

Hibru 4:13

Korowii kontaale bɛlbwa toole dɛ́ won kpɔ o te sɔɔh. Wobɛlbwa chɔ baŋ o be wɛɛ nao. Onee dɛ pɛɛ yaa waa bwa yaa baa ɛa harɛ nɔ ta.

Sekaria 4:10

Bame waa nyiŋi Korowii Dea la mumpar toma la dɛɛ vaɔh? Ba sie ɛɛ lɛo kɛŋɔ ŋwɛn baa kpɔa dɛɛ maɡɛ danjwɛɛ la aa lɔ Sɛrobabɛl nɔn ta, ba berɛ dɛɛ pa Dea la mun.” Korowii nyundua torome la ŋɔ, “Kandere anuanɛ nɔ cheɡɔ tɛ Korowii sibie anuanɛ waa kpɔa dɛɛ nyiŋi harɛ nɔ bwa.”

Jeremia 32:19

He dɛ vɔrɔwe vɔrɔwa aa wera dɛɛ ɛ wejena. He sie lɔ wobɛlbwa nɛn aa dɛ ɛ ta, dɛɛ bɔ ba kem ɡɛ bɛlbwa we-ɛɛla aa doa.

2 Webena 6:20

Dɛɛ daah Dea nɔ chɔɔ ne jwaana, bonɔɔ he le cheɡ ŋɔ baa tomɛ. Dɛ n kpɔ sie chaɡɛ Dea nɔ ta dɛɛ soŋe naa, no n be.

Yela 113:6

dɛ ba sie ne harɛ dɛɛ nyiŋi nyundua ne harɛ nɔɔ?

Yela 37:37

Hé nyiŋi nɛra ba wa aa toɡra na, ba dɔ deŋnesɔɔhna ba kerekere soɡa bini.

Galaasia 3:1

Ee, Galaasia tena, he ɡɛnoo! Ya ta heyaa baɡlɛ ɡɛ aa ɛa Yeesu Kristo sewɛ daɡaɡre ta bwa naa? Aah bɔkwaa bera neɡre heyaa jaɔ?

Amanesoma Luk Aa Chwera Tɔn 12:20

Anee Korowii ŋɔ o be ŋɔ, ‘Gɛne! Fini jwaana nɔ ne hɛɛ sewɔɔ, ásɛ kwaa haa kwaara cheɡ la, lee hɛɛ ba a bɔr nae jaɔ?’ ”

1 Webena 21:8

Belaa Kooro Devid ŋɔ Korowii be ŋɔ, “Waa maa ɛa nɔ ɡelɔ n ɛ wechɔɡa kohona. N dɛ soŋe, laa bolchɔɡe men maa ɛ he bonɔɔ aa dia nɔ kpɔ n nɛ. N ɛ ɡɛnewa tenten.”

2 Koranar 20:3

“N Naa Korowii, n poori, lii ɡɛ maa ta tea bwa tɛɛ, dɛ tomɛ kasinteŋ ne, dɛ ɛ waa haa dɛ nyin.” Dɛ wi lokua ne kohona.

1 Samoɛl 13:13

Samoɛl ŋɔ o be ŋɔ, “He ɛ ɡɛnewa. He ta Korowii haa dɛ tomɔ doe waa doe la kpɔe ɛ toma ɡɛ aa chɛa. He fe teŋɛ ɡɛ waa doe la ta naa, o fe ɛɛ ɡeloo he ne he naanar di kora Israel harɛ saŋ bɛlbwa dɛɛ la.

1 Koranar 15:32

Dɛ yoi lɔ Kooro Asa ne Israel Kooro Baasa baah ta ba kora dii saŋ bwa.

1 Kɔrent 15:36

Gɛne! Komɛlbwa haa du la, o dɛ pɔh mɔɔ dɛ́ le.

2 Webena 15:17

A lole kɛŋɔ Kooro Asa ta bela voɡtoroma aa soɡa dɛɛ tomɛ ba voɡa bwa chɔɡɛ le Israel harɛ ta te, kɛ dɛ o bambile cheɡɛ Korowii nɛɛ o soɡa bini bwa.

Matiu 5:22

Kɛ taraken, n dɛ ŋɔ he be, nomɛlbwa o baah aa di o dɔŋ nɛɛ la, o ɛ wechɔɡa kɛŋɔ bá bol o waa dɛ́ pa bole. Nomɛlbwa ɡe waa yerɛ o dɔŋ nɛnsala la chɛ kɛ ó che Juu tena nomonome bwa sie. Ásɛ nomɛlbwa o ɡe aa yerɛ o dɔŋ koŋɡɛne bɛl la, a chɛ kɛ bá tao Bɔnsam nii ta.

Jeremia 5:21

‘Hé cheɡ deŋne, ɡɛna haa wola liire bɛlbwa dɔe. He dɔ sibie kɛ haa na, he dɔ deŋna kɛ haa waa no.

2 Samoɛl 24:10

Kooro Devid aa kure laa tena la tonɛ la, o liire ɛo anebɛlbwa asɛ o ŋɔ Korowii be ŋɔ, “Waa maa ɛa nɔ ɡelɔ n ɛ wechɔɡa kohona. N dɛ soŋe, laa bolchɔɡe men maa ɛ he bonɔɔ aa dia nɔ kpɔ n nɛ. N ɛ ɡɛnewa tenten.”

2 Webena 16:10

Kooro Asa baah di Korowii keame Hanani nɛɛ kohona, asɛ dɛ lawɔ do dea. Dɛ berɛ le ɡɛ saŋ dɛɛ kaa la, Kooro Asa pa mun dɛɛ ɛ nɛra la bane hɔhɔrɔwa kohona.

Job Tɔn 31:4

Waa n we-ɛɛla jemaa? Waa n naɡale bɛlbwa na naa?

Yela 33:15

Onee tɛ nɛwɛnyina liire, dɛ jemɛ waa baa dɛ ɛ bwa.

Jeremia 5:1

Korowii ŋɔ, “Jeremia, ir la ka nyiŋi Jerusalam fɔɡbaahna. Nyiŋi o bini kɛrɛdɛ dɛ́ bar, ásɛ dɛ ɡaaɡe bela nɛra aa dɛ cheme bwa. Dɛ hɛɛ won dɔ nɛmbeŋkpoŋ kwaraa o wa aa wera dɛɛ di kasinteŋ aa, mɛɛ kpɔ Jerusalam tena wechɔɡaa kɛ ba.

Jeremia 5:3

Belaa n lii ŋɔ, “N Naa Korowii, kasinteŋ ɡbo laa hɛɛ nyin aa? He tɛr ba deŋne, kɛ ba ta weweele bɛlbwa nae, he do ba sibeɡra, kɛ ba ta wobɛlbwa hwele le a ta. Ba ɡelɔ ba bambile do kpeɡri kɛŋɔ bwe ken, dɛ vɛh kɛ baa charɛ ba liiree.”

Mumpar 31:28

He ta ɡelɛ n mo n bii ne naanar lwɛrɛme dɛ ta ba ŋwɛnɛ. Gɛnewaa he ɛ ɡɛ la!

2 Webena 15:19

Dɛ laa toole kpa, dɛ ka tel Kooro Asa kora dii bene fifraatoro dɛ anue ta.

2 Webena 19:9

O do ɡɛ nomonome la ŋɔ, “Hé kpɔ kasinteŋ ne bambidɛɛɡe, dɛ Korowii ɔma dɛɛ ɛ he toma.

Ɛsra 5:5

Kɛ dɛ Korowii baa dɛ tomɔ la sie lɔ Juu tena nomonome la nɛ, a ɡel Pɛɛsea nomonome la ta wone ɛ wobɛlbwa, ka tel kɛŋɔ baa chwerɛ tɔn ka tɛ Koojen Dareɔs, asɛ o chaŋ ba mɔɔ.

Job Tɔn 28:24

dɛkalkɛ o dɛ na harɛ jaɡa bwa, dɛɛ na komɛlbwa waa lɔ o ta.

Yela 33:14

O soɡe bela waa dɛ di kora, dɛɛ na nɛra baa lɔ harɛ nɔ ta bobɛlbwa.

Yela 33:18

Korowii sie lɔ nɛra baa dɛ teŋɛ o waa ta, nɛra baa dɛ hwɛɡɛ o nyina aa wola jaɡa dɔe ta la.

Aesaya 31:1

Banɔ la baa la Ijipt harɛ ta dɛ́ kaa nyin kɛŋɔ ba cha ba la, bá bwɛɛlɛ! Ba kpɔ hwɛɡa do torɔɡore aa wara, baa vɔwa pɛl jaɡre dɛɛ che a bini, ne bokpeɡa tena baa so jaɡre ta nɛ, dɛ laa sie kpɔ Korowii Israel Nɛŋɡoroŋ la nɛ. Baa o bɔr nyin ó cha ba.