2 Webena 15:9 - mzwDBL

⁹ Nɛra warɔ le Efrem ne Manasɛ ne Simeon deene ta dɛ ba ja Kooro Asa nɛ, dɛ so o harɛ ta, dɛkalkɛ ba nao kɛŋɔ Korowii ja o nɛ. Kooro Asa yerɛ ba bwa, ne Juda ne Bɛnjamen deene nɛra cheme.

2 Webena 15:9 Referans Kwoze

2 Webena 11:16

Nɛra baa le Israel deene bwa bini dɛ le ba bambile bini ŋɔ, baa tomɛ Korowii Israel tena aa dɛ tomɛ la teŋɛ Lewi dea tena nɛɛ ba Jerusalam, dɛ ba kpoo kwaa ɛ sarahare tɛ Korowii ba naawa aa toma.

We-ɛɛla 9:31

A habɔɔ la, asɔre tena baa lɔ Juda ne Galilia ne Samaria harɛre la bwara sɔɔh ba, asɛ Korowii Domadɛɛɡe la cha ba, nɛra baa ja ba nɛ, baa dɛ ɔmɛ Korowii dɛɛ teŋɛ o ŋwɛnɛ ta nomanta.

2 Webena 30:25

Anomanta, Juda tena baa cheme bela sie lɛo kohona, ba ne sɔfore ne Lewi dea tena, dɛ Israel tena baa ba bela bwa, ne hɔɔhra baa le Israel ne Juda harɛre ta bwa.

1 Webena 12:19

Manasɛ dea laa tena bane pere ba te, dɛ ba ja Kooro Devid nɛɛ ɡɛ saŋ o ne Filisti tena aa dɛ la ka yo Kooro Sɔɔl la. Kɛ o ne o laa tena ta Filisti tena la chae. Dɛ Filisti koranar la dɛ ɔmɛ kɛŋɔ wɛɛ le ba habɔɔ dɛ́ berɛ kaa o nomoa Sɔɔl be. Anomanta, ba ɡelɔ o berɛ ba Siklaɡ.

1 Koranar 12:19

Le a ɡɛ saŋee Israel tena baa lɔ weekaŋle nyunduabɔr ɛ Kooro Devid dem tena deŋnekpeɡ, dɛ pere ba te le ba nɛɛ dɛ ba le fini.

1 Koranar 3:28

Israel tena bwa aa no ɡɛ Kooro Solomɔn aa pa bole la, a ɛɛ ba nyokpoa, ba na kɛŋɔ Korowiirii tɛo wejema o kpɔ pa bole aŋwɛnɛ ta la.

1 Samoɛl 18:28

Kooro Sɔɔl aa naa kɛŋɔ Korowii ja Devid nɛɛ, asɛ o bihaah la ɡe ɛɛ nyinu la,

Mumpar 39:3

O nomoa la ɡe nao kɛŋɔ Korowii teŋɛ o nɛ dɛ ɡel o wobɛlbwa do wer tɛo.

2 Webena 15:10

Ba cheme Jerusalam ɡɛ saŋ Kooro Asa aa di kora bene fi dɛ anue, korobie atoro ta.

Ɛsekeɛl 37:16

“Nɛwɛnyini bie, kpɔ da ásɛ dɛ chwerɛ o ta ŋɔ, ‘Kon nɔ ɛ Juda ne Israel tena baa ja o nɛɛ la kon.’ Berɛ kpɔ danɛɛte dɛ́ chwerɛ o ta ŋɔ, ‘Kon nɔ ɛ Efrem kon, dɛ che tɛ Josef ne Israel tena baa ja o nɛɛ la kon.’

Mumpar 26:28

Ba chaŋo ŋɔ, “Ya nao kɛŋɔ Korowii teŋɛ he nɛ. Anomanta, ya liiro ŋɔ a chɛ kɛ ya ne he fɔwɛ fɔo. Gel ya ne he fɔwɛ fɔo,

2 Webena 19:4

Dɛ Kooro Jehosafat soɡe Jerusalam, kɛ o yon ir la harɛ la nɛra be, le Beɛseeba waa lɔ weekaŋle harɛbɔr, ne Efrem deŋɡarere harɛ waa lɔ weekaŋle nyunduabɔr, dɛ charɛ ba liire le Korowii ba naawa aa tomɔ la be.