2 Webena 14:3 - mzwDBL

³ O le harɛre ane kwaa baa dɛ ɛ saraha a ta, ne bela baa dɛ tomɛ voɡa deŋɡarere ta bwa ne. O paɡre bwea baa paaɡa dɛɛ duura, dɛ teŋe voɡhaah Asera dajaŋa ta.

2 Webena 14:3 Referans Kwoze

Mmarare 7:5

Waa aa chɛ kɛŋɔ hé ɛɛ ba laanee kɛŋɔ, hé paɡre bela baa kpoo kwaa dɛ fuah dɛɛ tɛ ba voɡare, dɛ́ kuuɡi bwea baa paaɡa dɛɛ duura la, dɛ́ teŋni voɡhaah Asera dajaŋa la ta, dɛ́ fuh ba voɡare.

2 Koranar 23:14

Kooro Josia ɡelɔ ba paɡre bwea baa paaɡa dɛɛ duura, dɛ kuuɡi voɡ Asera dajaŋa ta, dɛ pa nɛra hoɡa bil a buɡ ta.

Kaala 34:13

Hé paɡre bela baa kpoo kwaa dɛɛ tɛ ba voɡare, ne bwea baa paaɡa dɛɛ duura dɛ voɡhaah Asera dajaŋa la.

2 Webena 15:17

A lole kɛŋɔ Kooro Asa ta bela voɡtoroma aa soɡa dɛɛ tomɛ ba voɡa bwa chɔɡɛ le Israel harɛ ta te, kɛ dɛ o bambile cheɡɛ Korowii nɛɛ o soɡa bini bwa.

2 Webena 34:4

Kooro Josia ɡelɔ ba chɔɡ voɡ Baalre kwaa baa kpoo kwaa a ta dɛɛ ɛ sarahare, dɛ paɡre kwaa baa dɛ fuh daawiile a ta a bɛna la, dɛ kuuɡi Asera voɡare ne voɡare bwa soo siwi burbur ken, dɛ paa ka ta nɛra baa ɛ sarahare a ta mɔɔ dɛ serewe la ŋwama ta.

2 Koranar 23:6

Dɛ fuɡri voɡ Asera dajaŋa le Korowii Dea, dɛ kpɔ le Jerusalam dahare, dɛ ka fuah Kedrɔn Fɛlembɔjen ta o ɛ mohooh ken, dɛ pa ka ta nɛra ŋwama ta.

2 Koranar 18:4

O chɔɡ bɔra baa dɛ tomɛ voɡare, dɛ paɡre bwea baa paaɡa dɛɛ duura, dɛ teŋni voɡ Asera dajaŋa ta. O kuuɡi ayaawa Mosis fa aa kpɔa ɛ harɛkon baa yerɔ Nehustan la. Dɛ ba tel ɡɛ saŋ la, dɛ Israel tena dɛ fuh daawiile dɛɛ tɛ harɛkon la.

Mmarare 7:25

Hé fuh ba voɡare, he bɛ ɡel he pɛla lawɛ suuɡapoŋa ne suuɡaswɛm aa lɔ a ta la ásɛ dɛ ba kpɔa, dɛkalkɛŋɔ a do kɛŋɔ bela, dɛ́ won lawɛ heya. Korowii haa dɛ tomɔ nɔ kii.

Lewi Dea Tena 26:30

Mɛɛ chɔɡ bela haa dɛ tomɛ voɡa a do deŋɡarere dor laanee, ne he daawiile a sɔɔh aa soma fuih bɔra, ásɛ dɛ boa he lala nyoa dawɛ he voɡa aa wola mkpa bɛlbwa dɔe la ta, dɛ́ berɛ habɔɔ kpo heya.

2 Webena 14:2

Kooro Asa ɛ waa aa wera dɛ toɡre, Korowii waa dɛ tomɔ la be.

2 Webena 14:4

O do Juda tena bwa ŋɔ, baa ɛ waa Korowii ba naawa aa tomɔ la aa dɛ nyin, dɛɛ teŋɛ o Mmarare ne o webaɡla ta.

Mumpar 18:19

Onee n le kɛŋɔ wɛɛ do o naanaree ba no n deŋna waa dɛɛ ɛ anɔ la aa wera, ne anɔ la aa toɡra, ásɛ n wobɛlbwa maa baɡɔ nyoa la, ń ɛ tɛo.”

2 Webena 33:16

O berɔ ɡel ba kwaa ma kon baa ɛ saraha o ta dɛɛ tɛ Korowii la, asɛ o kpoo kwaa ɛ deŋnesɔɔhna ne jam sarahare o ta. O ŋɔ Juda harɛ nɛra be ŋɔ, bá tomɛ Korowii Israel tena aa dɛ tomɔ la.