2 Webena 14:12 - mzwDBL

¹² Korowii cha Kooro Asa ne Juda laa tena, asɛ ba pɔ Itiopia tena la nɛ. Ba chwao,

2 Webena 14:12 Referans Kwoze

2 Webena 13:15

asɛ Juda laa tena la do laa lɔŋɔ, asɛ Kooro Abija tɔ ba sie ba ka yoo ba. Korowii ɡelɔ ba pɔ Kooro Jɛroboam ne Israel tena nɛ.

1 Kɔrent 15:57

Korowii chɛ jam kohona. O tɛ yaa kpeɡri dɛ le ya Dɔɔ Yeesu Kristo be ásɛ ya pɔ seo nɛ.

1 Kɔrent 9:26

Anomanta, n dɛ chwa n sie dawɛ komɛl ta. Maa chwa pɛɛ. N do kɛŋɔ nɛn waa dɛ yo, maa nɔɔra ta pɛɛpɛɛ.

Yela 60:12

Korowii ja ya nɛ aa, yaa yoo, dɛ́ pɔ ya dɔma nɛ. Wɛɛ tiɡri ya dɔmaa do harɛ.

Josua 10:10

Ate, Korowii den ɡel Amɔre tena la wili Israel laa tena la sie, asɛ ba pɔ ba nɛɛ kohona dɛ kpoo ba Gebeɔn. Israel tena ti ba kaa bwɛɛ Bɛt Hɔrɔn ŋwɛnɛ ta, dɛ teŋɛ kpoo ba kaa bwɛɛre Aseka ne Makeda.

Mmarare 32:39

Dɛ berɛ ŋɔ, ‘Men, n ɡbosoo Korowii, voɡ bɛlbwa toole. Menee dɛɛ chɔɡ, dɛɛ tɛ mkpa, menee dɛɛ do nɛn bol, dɛ berɛ dɛɛ chah naate. Nomɛlbwa toole dɛ́ tɔ mɛ ŋwɛnɛ.

Mmarare 28:7

Korowii ɛɛ pɔ he dɔma nɛɛ tɛ heya. Baa kpɔ ŋwɛnɛ beŋkpoŋ taa dɛ́ ba yo heya, kɛ wɛɛ ɡeloo ba chwa peɡre.

Kaala 14:25

O ɡelɔ kwaa aa do kɛŋɔ torɔɡore la nakpale chɔɡ a tɛɡra do kpeɡri. Asɛ Ijipt tena la ŋɔ, “Hé ɡel ya ɡel Israel tena nɔ nɛɛ teŋa oo! Korowiirii cha ba dɛɛ yo yaa la.”

2 Webena 20:22

Baa pa mun dɛɛ ɡo yela la, Korowii ɡelɔ Amɔn ne Moab, dɛ Edom laa tena baa dɛ ba ba lɔ tɔ Juda tena nɛɛ dɛ́ yoo ba la wili.

2 Webena 12:3

O kpɔ kwaa aa do kɛ torɔɡore kaɡboŋ lafraanɛ, ne nɛra baa soɡe jaɡre ta kaɡboŋa fifraanumɛl, dɛ laa tena baa wola won kur ba, le Lebya ne Itiopia ne Suk tena ja o nɛɛ le Ijipt harɛ.

Emɔs 9:7

Korowii ŋɔ, “Israel tena, n dɛ nyin he waa kɛŋɔ maa dɛ nyin Itiopia tena waa la. Gɛ maa lawɛ he Israel tena le Ijipt harɛ ta la, ɡɛɛ n lawɛ Filisti tena le ekwi harɛ Kret ta, dɛ lawɛ Siiria tena le Kir. Men Korowiirii bola.

Mumpar 10:19

Asɛ a che a ta Keenan tena dɔ ba jwɛh dɛ le bwɛjen Sidon dɛ kpɔ ka le bwɛɛ bɛl sɔne Gerar ne bwɛjen Gasa, dɛ ka tel Sodom ne Gomoora ne Adma ne Seboiim dɛ ka tel Lasa.

Kaala 12:41

A ɡɛ bene lafraanaarɛ fifraatoro nɔ jaɡa taa Korowii nɛra baa lɔ Ijipt harɛ la bwa ir le bela.

Kaala 12:51

Awola tɔpere la tentenee Korowii lawɛ o nɛra Israel tena bwa le Ijipt harɛ denaa ta.

1 Webena 5:21

Ba lawɛ Haɡri tena kondɛɛra bwa kaa. Nyoɡmare lɔ kaɡboŋa fifraanue, ne peera kaɡboŋa lafraanɛ fifraanue, dɛ keeɡore kaɡboŋa anɛ. Ba lawɛ nɛra kaɡboŋa lafa laa la ta,

2 Webena 15:11

Awola tɔpere la, ba kpoo kwaa baa kpɔa le laa ta la ane ɛ sarahare tɛ Korowii. Nae lɔ lafraanuanɛ, asɛ peera ne boohna ɡe kaɡboŋa anuanɛ.