2 Webena 10:4 - mzwDBL

⁴ “He mɛɛ fa ɡelɔ ya ɛ tomkpeɡa. Taraken yaa sɛh dɛɛ ɛ a ɡɛ tomkpeɡa la dɔŋa kpa. Gel a do korokoro, ásɛ yaa tomɛ.”

2 Webena 10:4 Referans Kwoze

1 Koranar 12:4

“He mɛɛ fa ɡelɔ ya ɛ tomkpeɡa. Taraken yaa sɛh dɛɛ ɛ a ɡɛ tomkpeɡa la dɔŋa kpa. Gel a do korokoro ásɛ yaa tomɛ.”

1 Jɔn 5:3

Dɛ ya dɛ teŋɛ waa Korowii aa kpɔa tɛ yaa ta naa, anee dɛ́ baɡle kɛŋɔ ya dɛ nyinu. O waa la ta teŋa ɡe aa kpeɡe kohona tɛ yaa,

Matiu 23:4

Ba kpɔ ba mmarare ɛ bontɔɡa, dɛ ɡel nɛra che dɛɛ koh, kɛ ba te ɡbaɡba aa berɛ ɛɛ nyin kɛ bá kpɔ nonii ɡba leɡa, ásɛ a ba ɛ kɛ baa choɡ baa ɡba.

Aesaya 47:6

N baah fa di n nɛra Israel tena nɛ, n tɛr ba deŋne kɛŋɔ n nɛra laa ban ken, dɛ kpɔ ba do hen Babelɔn nɔn ta. He ta ba nɛɛ sune, hale banɔ la baa hwɛɛhra kwaraa la, he do ba hɔhɔrɔwa.

1 Koranar 9:22

Kɛ Israel tena la te, Kooro Solomɔn ta bɛlbwa kpɔe ɛ yom. Bane ɛ laa tena dɛ yo dɛɛ tɛo, ne nomonnyuune ne laa sitɔɔla ne nomonome baa chɔ kwaa aa do kɛ torɔɡo ba vɔwɛ dɛɛ pɛl jaɡre, dɛ banɔ la baa dɛ so jaɡre ta bwa nyoa.

1 Koranar 5:15

Dɛ Kooro Solomɔn dɔ tom-ɛɛra kaɡboŋa fifraanuatoro ɡe ba do deŋɡarere harɛre ta dɛɛ pɛɡre bwea, asɛ nɛra kaɡboŋa fifraanuanɛ ɡe ɛɛ chea.

1 Koranar 4:25

O ta aa soɡe le la, dɛ nɛra baa soɡe Juda ne Israel harɛ bwa ta ɡɛ saŋ lɔ bosɔɔhna ta. Le Dan dea harɛ waa lɔ weekaŋle nyundua, dɛ́ ba kaa Beɛseeba o ɡe aa lɔ weekaŋle harɛbɔr. Dɛ dea bɛlbwa nɛra dɔ bosɔɔhna, dɛ dɔ fiɡ ne ɡrepo daa kooni.

1 Koranar 4:20

Kooro Solomɔn bere saŋ dɛ Juda ne Israel tena warɔ kɛŋɔ mpo nyoa hɛŋle ken. Kɛ dɛ bɛlbwa dɔɔ dɛɛ di dɛɛ nyɔ, ba sie ɛɛ lɛ.

Kaala 2:23

A biɡro tama, asɛ Ijipt kooro la ba sewɛ. Kɛ dɛ Israel tena ta dɛ ɛ ba tomkpeɡa la, dɛ wi dɛɛ yerɛ Korowii ŋɔ ó ba lɛɛ ba.

1 Koranar 5:13

Kooro Solomɔn kpɔ tom-ɛɛra kaɡboŋa fifraatoro le Israel harɛ ta bwa,

2 Webena 10:3

Ba tomɛ nɛra ba ka yerɛ Jɛroboam, asɛ o ne Israel tena baa lɔ weekaŋle nyunduabɔr la bwa la ka ŋɔ Kooro Rɛhoboam be ŋɔ,

2 Webena 10:5

Kooro Rɛhoboam ŋɔ ba be ŋɔ, “Hé kaa ń kpɔ a liire, ásɛ tɔpetooro wee he berɛ ba.” Asɛ ba bwa kaa.