2 Webena 10:15 - mzwDBL

¹⁵ Kooro la ta nɛra la waa la ta noɛ tɛɛ ba. Dɛ Korowiirii ɛa ɡɛ, dɛ́ ɡel waa waa cheɡɛ Silo te Ahija nɛɛ dɛ bol Nɛbat bibaa Jɛroboam be la, ɛ kpela.

2 Webena 10:15 Referans Kwoze

1 Samoɛl 2:25

Nɛn ɛ o dɔŋ wechɔɡa aa, Korowiirii dɛ́ won kwaa ba baah. Kɛ dɛ nɛn ɛ Korowii wechɔɡa aa, nɛn toole dɛ́ cha naate kpa.” Bii la ta ba mɛɛ kaeh waa kah ba la noɛ, dɛ Korowiirii ɛa ɡɛ dɛ́ kpoo ba.

Aesaya 19:14

Korowii perewi sibir ta ba nɛ, dɛ ɡel Ijipt tena ɛ sakaa ba we-ɛɛla ta, kɛŋɔ sennyɔdɛɛ yon chwɛɛ dɛɛ ɡbaɡre a ta la.

We-ɛɛla 4:28

Ba bwa chemo dɛ ɛ waa he ɡbaɡba aa kpɔ he kpeɡri ne he tetoora vɔrɔwe ŋɔ aa ɛo la.

We-ɛɛla 2:23

Korowii jemɛ Yeesu waa bwa wubwa dɛ cheɡa ken mɔɔ a tel nɔ. O ɛa kɛŋɔ wɛɛ kpɔɔ do he nɔn ta, ásɛ he ɡel wechɔɡ-ɛɛra kpaaro pɛl daɡaɡre ta dɛ́ kpoo.

1 Koranar 22:20

Ate, Korowii pɛɛ ŋɔ, ‘Umee dɛ́ neɡre Kooro Ahab ásɛ o la Ramɔt Gelead dɛ́ ka yoo ba ásɛ ba kpoo bela ɔ?’ Korowii dɔm baa cheɡa baro nyundua la bwa waa koɡrɔ. Bane ŋɔ ken, bane ɡe ŋɔ ken.

1 Koranar 12:24

‘He bɛ he bala Israel tena la ka pu yo. Bɛlbwa berɛ kaa o dem, menee ɛa ɡɛ.’ ” Ate ba no, ba ta Jɛroboam ka yoi kpa, ate dɛ bwa berɛ kaa ɡɛ Korowii aa ŋɔa la.

1 Koranar 12:15

Kooro la ta nɛra la waa la ta noɛ tɛɛ ba. Dɛ Korowiirii ɛa ɡɛ, dɛ ɡel waa waa cheɡɛ Silo te Ahija nɛɛ dɛ bol Nɛbat bibaa Jɛroboam be la ɛ kpela.

Sitɔɔla 14:4

O mɛɛ ne o nya ta wone jemɛ kɛ Korowii bee a le wɛɛ nyin ŋwɛnɛ waa kpɔ o ta Samsen won ka yo Filisti tena. Gɛ saŋ dɛ banee dɛɛ nyiŋi Israel tena nɛ.

Amanesoma Jɔn Aa Chwera Tɔn 19:24

Anomanta, soojare la ŋɔ dɔŋa be ŋɔ, “He bɛ ɡel ya kɛɛro. Hé ɡel ya ta chacha, naate waa di la ó kpɔ.” Ba chwerɛ Korowii Tɔn bini ŋɔ, “Baa kpɔ n laalaa bɔne dɔŋa, dɛ́ ta chacha dɛ́ na naate waa di n batakaare.” Gɛ baa chwera laanee soojare la ɛ, dɛ ɡel a ɛ kpela.

2 Webena 9:29

Waa ane ɡe Kooro Solomɔn aa ɛa o kora dii saŋ, le mumpar ba a jaɡa, ba chwera do Korowii Keame Netan tɔn bini, ne Silo Te Ahija, dɛ Ido waa dɛ na chaahna waa tɔne bini. Ba berɔ chwerɛ Nɛbat bibaa Israel Kooro Jɛroboam ɡe bwara waa do a bini.

Mmarare 2:30

Kooro Sihon ta yaa ŋwɛnɛ tɛɛ ya kpɔ o harɛ ta dɛ kaa. Dɛ Korowii ɡelɔ o deŋne do kpeɡri wɛɛ lɛ ɡaeh, ɡɛ aa ɛ ásɛ ya won pɔ o nɛɛ dɛ́ lɛ harɛ haa lɔ o ta fini nɔ.

2 Webena 10:14

O kpɔ o bala o ne baa ira la jae la dɛ ŋɔ, “N mɛɛ ɡelɔ he ɛ tomkpeɡa, kɛ n te ɛɛ ɡeloo a ɡwaa ɡɛ. Chweremi nee o tɛr he deŋne, kɛ n te ɛɛ kpɔ balansoo tɛr he deŋne!”

2 Webena 11:4

‘He bɛ he bala Israel tena la ka pu yo. Bɛlbwa berɛ kaa o dem, menee ɛa ɡɛ.’ ” Ate ba no, ba ta Jɛroboam ka yoi kpa, dɛ bwa berɛ kaa ɡɛ Korowii aa ŋɔa la.

2 Webena 22:7

Dɛ Korowiirii ɛa kɛŋɔ Kooro Ahasia ka na Kooro Joram dɛ kpoo. Waa laŋa la, o ne Kooro Joram laŋɔ ka cheme Nimsi bibaa Jehu, Korowii aa leo ŋɔ ó ba kpo Kooro Ahab dem nɛra la.

2 Samoɛl 17:14

Belaa Absalɔm ne Israel tena la bwa ŋɔ, “Husai waa ɛ Aaki te waa waa dɛ baɡle la ɡwaa anɔ la Ahetofɛl aa bola la.” Korowii ɡbabirii ɛa kɛŋɔ wedɛɛɡa Ahetofɛl aa bola la, ba bɛ a ta teŋɛ, ásɛ a ba wenaale ne ba ta Absalɔm nɛ.