2 Timoti 4:5 - mzwDBL

⁵ Kɛ he te, dɛɛ lawɛ he te wobɛlbwa ta. Wekpeɡa pui naa, lawɛ bambile. Dɛɛ lɔ Amanesoma la dawuro, ásɛ dɛɛ ɛ he toma bwa kɛ Korowii bonɔɔ.

2 Timoti 4:5 Referans Kwoze

2 Timoti 1:8

Bɛ ɡel a ɛɛ sihiih kɛ haa dɛ bol ya Dɔɔ Yeesu Kristo waa dɛɛ baɡle nɛra. Bɛ ɡel n ɡe waa dɔe sihiih kɛ baa koh Yeesu Kristo waa dɛ do mɛ dea la. Kɛ hé ɡe che Korowii kpeɡri waa kpɔa tɛɛ la ta, dɛɛ na waa Amanesoma la wa.

1 Pita 1:13

Anomanta, hé ir nyu ne dɛ́ ɡel he sie chɔ harɛ. Hé kpɔ he hwɛɡa bwa do chae Yeesu Kristo aa cha heyaa awola waa ba nɛra bwa nao la ta.

2 Timoti 2:3

Dɛ wekpeɡa pui toma nɔ ta naa, ɡel he bwara nyɛɡ kɛ Yeesu Kristo sooja ɡbaɡba.

Kolosi 4:17

Hé ŋɔ Akipus be ŋɔ ó do sie dɛ́ ɛ toma ya Dɔɔ Yeesu aa kpɔa tɛo la bwa kɛrɛdɛ ken.

1 Timoti 4:12

Bɛ ɡel nɛra koh kɛ he ɛ bechala nomanta, dɛɛ ɛɛ sisawa, kɛ ɡel nɛra baa yarada Yeesu la na ɡɛ haa dɛ bol wa, ɡɛ he da aa doa, ɡɛ haa dɛ nyin nɛn, ɡɛ haa yarada Yeesu dɛ kpɔ he te tɛo, ne ɡɛ haa laa he te kpɔ wedoŋa ta, ásɛ dɛ hweli waa le a ta.

We-ɛɛla 21:8

Tɔ aa pera la, ya le bela dɛ ba Sisaaria, dɛ ba choɡ Felep. Dɛ o ɛ nɛra banuanɛ ba fa aa lee ba Jerusalam ŋɔ báa nyiŋi suuɡa waa ta la bɛl. Dɛ o dɛ ɡaaɡe dɛɛ bol Korowii Wa.

1 Timoti 4:15

Swɛɛ siwi dɛ́ kpɔ he te tɛ ɡɛ waa nɔ dɛɛ ɛa, ásɛ nɛra bwa na ɡɛ he toma aa dɛ kaa kɛrɛdɛ.

1 Tesalonika 5:6

Anomanta, ya bɛ bɔhwaah ɛ kɛŋɔ bane aa dɛ ɛ la, kɛ hé ɡel ya sie chɔ harɛ yaa nyiŋi kɛrɛdɛ.

Wepila 3:2

Anomanta, hé ir nyu ne dɛ́ kwaa a ɡɛ waa a nyoa aa dɛ sɔɔh la, á won che kɛrɛdɛ, dɛkalkɛŋɔ n ta he we-ɛɛla bɛlbwa nae a do wer dɛ toɡre n Mɛɛ Korowii be.

Ɛfesos 4:11

Onee kɛ nɛra kwaa la. Kwaa waa kɛ nɛra laanee nɔ. O cha bane ba won che o kpeɡri ta dɛ ɛ o toroma, dɛ cha bane ba won che o kpeɡri ta dɛ bol o wa, dɛ cha bane ɡe baa bol o Amanesoma la. O cha bane ɡe baa nyiŋi o nɛra nɛɛ dɛɛ baɡ ba o ŋwɛnɛ ta teŋa.

Hibru 13:17

Hɛ́ɛ no nɛra baa dɛ tɔ he sie la nyoa wa, dɛɛ ɛ waa baa ŋɔa hɛ́ɛ ɛ la, dɛkalkɛŋɔ ban dɛɛ nyiŋi heya. Ba dɔ nkontaa dɛ bu Korowii sie dɛ baɡle ɡɛ bwa baa nyiŋi heya. Hɛ́ɛ no ba nyoa wa, ásɛ ba won ɛ toma silɛɛ ne. Dɛ haa ba nyoa waa no aa, baa ɛa tebinichɔɡ nee, aa wola tɔnɔ bɛlbwa lee ba dɛ́ tɛ heya.

2 Timoti 2:10

Anomanta, n koh nɛra Korowii aa lee ba la waa dɛ lawɛ bambile wobɛlbwa ta, ásɛ Yeesu Kristo lɛ ba ɡe, dɛ berɛ tɛɛ ba jirima aa wola jaɡa dɔe bwa.

Amanesoma Luk Aa Chwera Tɔn 12:37

Bonɔɔna baa soɡa kpa ba dɔɔ, ba ta dom chɔe o ba puu ba la, ba sie dɛ lɛ. Kasinteŋ, n dɛ ŋɔ he be, wɛɛ kpɔ o tenee dɛ́ yer ba so tiɡ ta, ásɛ dɛ tɛɛ ba kwaa ba di.

Amanesoma Mak Aa Chwera Tɔn 13:37

Waa nɔ maa dɛ bol he be nɔ, nɛra bwa bee mɛɛ ŋɔ la. Hɛ́ɛ nyiŋu ŋwɛnɛ kɛrɛdɛ!”

Kolosi 1:25

N ɛ toma dɛɛ tɛ o asɔre tena. Korowiirii koh he chae waa dɛ tɛ mɛ a ɡɛ toma nɔ, dɛ ŋɔ mɛɛ baɡle o waa la bwa ásɛ nɛra bwa no.

Tɔn Pɔɔl Aa Chwerɛ Rom Tena 15:19

ne wekpeɡa ne nyokpowaa Korowii Domadɛɛɡe la kpeɡri aa ɡela mɛɛ ɛ la bwa ɡelɔ he yarada Korowii waa nɔ. Taraken nɔ, le Jerusalam ka le Ilirikum le bwa, n bol Yeesu Kristo Amanesoma nɔ bela.

Amanesoma Mak Aa Chwera Tɔn 13:34

Aa ɛo kɛŋɔ nomoa bɛl aa dɛ ba bobɛl kaala dɛ baɡle o bonɔɔna tomare, dɛ ŋɔ baa waa dɛ nyiŋi o dem ta la be ŋɔ wɛ́ɛ nyiŋi o ta kɛrɛdɛ la.

Ɛsekeɛl 33:2

“Nɛwɛnyini bie, bol he bwɛɛ tena la be ŋɔ dɛ n ba laa ne harɛ la ta, asɛ ba le ba bini bɛl ŋɔ wɛɛ daah harɛ la,

Ɛsekeɛl 3:17

“Nɛwɛnyini bie, n kpɔe kɛ hɛɛ daah n nɛra Israel tena. Anomanta, cheɡ deŋne kɛrɛdɛ dɛ́ no n waa nɔ dɛ́ kah ba tɛ mɛ.

Jeremia 6:17

Belaa men Korowii le nɛra baa dɛɛ daah heya dɛ ŋɔ, ‘Hé cheɡ deŋne dɛɛ no bɛla sii!’ Ate he ŋɔ, ‘Yaa ɡɛɛ sɛh.’

Aesaya 62:6

Jerusalam, n kpɔ nɛra ba so he danjwɛɛre ta baa daahne. Baa nyoa tɔ webaŋa ne jwaana bwa. Baa lii Korowii o nyobaɡa la waa, ásɛ o bɛ he waa soh.

Ɛsekeɛl 33:7

Nɛwɛnyini bie, henee n le ŋɔ hɛɛ daah Israel harɛ ta nɛra. No waa maa bola nɔ, dɛ́ kpɔ ja ba.

Ɛfesos 4:12

Gɛɛ o ɛ dɛ cha nɛra bá ɡe won ɛ o toma dɛ́ cha dɔŋa Yéesu Kristo bwadabii la won do kpeɡri,

2 Timoti 4:17

Kɛ ya Dɔɔ la cheɡɛ n habɔɔ dɛ tɛ mɛ kpeɡri n won bol Amanesoma la bwa, asɛ nɛra baa wola Juu tena ɛɛ la bwa no. Korowii lɛɛ mɛ le siswɛm ta kɛŋɔ nɛn baa lɛo le nyujente nyoa ta ken.

Matiu 25:16

A ta biɡre bɛlbwa onɔ la waa dɔ bɔre anue la den kpɔ o kwaa ka ɛ toma dɛ berɛ dɔ a dɔŋa ja a ta.