2 Timoti 3:15 - mzwDBL

¹⁵ He bechale saŋ bwaa he le jemɛ Korowii Tɔn bini waa aa dɛ ba wona ɡel he dɔ wejema, dɛ che yarada haa dɛ yarada Yeesu Kristo la ta Korowii lɛɛ.

2 Timoti 3:15 Referans Kwoze

Amanesoma Luk Aa Chwera Tɔn 24:45

Anee o kpɔ lii ba, ba no Korowii Tɔn la mun.

Sɛɡla 22:6

Do he bie kɛrɛdɛ waa aa wera ta, ásɛ dɛ o baa kpeɡ aa, o bɛ an ɡel.

Amanesoma Luk Aa Chwera Tɔn 24:27

Asɛ Yeesu baɡ ba o bwara waa aa lɔ Korowii Tɔn la bwa bini. O pa mun le anɔ la aa lɔ Mosis Tɔne la bini dɛ baɡle kaa anɔ la aa lɔ Korowii keamere kwaa la ta.

Matiu 22:29

Anee Yeesu chaŋ ba ŋɔ, “He kono kwaraa! Haa wola Korowii Waa baa chwera ne o kpeɡri waa jemɛ la waa.

2 Timoti 1:5

N dɛ lii ɡɛ haa kpɔ kasinteŋ dɛɛ yarada Korowii ɡɛ he naa Lowis ne he nya Yunis fa aa dɛ yaradao la. N jemɔ kɛ ɡɛ ba fa aa yarada Korowii dɛ kpɔ ba te tɛo la, ba luɡe taa he den teŋɛ la.

Amanesoma Luk Aa Chwera Tɔn 2:40

Yeesu kpeɡo, dɛ do kpeɡri, dɛ dɔ liire, asɛ Korowii chao wɛɛ ɛ wedɛɛɡa.

Yela 19:7

Korowii Mmara wer, dɛɛ tɛ bokpeɡfale, Korowii waa waa dɛ do yaa a ta chɛ kɛ yá kpɔ ya te dɛɛ dawɛ a ta, a ɡelɔ banɔ la baa wola wobɛlbwa jemɛ la ɛɛ jemɛ wa.

Tɔn Pɔɔl Aa Chwerɛ Rom Tena 16:26

kɛ taraken te, o cheɡɛ o keamere waa baa chwera la ta, dɛ le a bwa ne baŋ. Korowii waa lole saŋ bɛlbwa la tɛ ŋwɛnɛ taraken ŋɔ nɛ́ra bol o waa la. O ɛ ɡɛ ásɛ ba bola dɛɛ baɡle nɛra bwa ásɛ ba yaradaa dɛ́ teŋɛ a ta.

Tɔn Pɔɔl Aa Chwerɛ Rom Tena 1:2

A ɡɛ Amanesoma nɔ waa o che o keamere waa lee ba nɛɛ dɛ baɡɛ nɛwɛnyina nyoa a saŋ la. A waa ba chwerɛ Korowii Tɔn bini la.

We-ɛɛla 10:43

Korowii keamere la bwa bol Yeesu waa ŋɔ nomɛlbwa waa yarada o waa la, o nomanta, Korowii ɛɛ kpɔ naate wechɔɡaa kɛo.”

Amanesoma Luk Aa Chwera Tɔn 24:32

Asɛ ba ŋɔ, “A waa laa wɛɛ baɡle Korowii Tɔn la waa ŋwɛnɛ ta asɛ a jo ya bini ɡɛ la aa?”

Sɛɡla 8:17

N dɛ nyin nɛra baa dɛ nyin mɛ, nomɛlbwa waa dɛ nyin n bɔr dɛ́ na mɛ.

Yela 71:17

N bechale saŋ bwaa he le baɡ mɛ he nyokpowe-ɛɛla wa, n ta ɛɛ bola dɛ ba le fini.

We-ɛɛla 17:2

Pɔɔl la cheremi dea bela ɡɛ o yon dɛɛ ɛ bwɛɛre bwa ta la. Waa lɔ bela la, o yawanyoa atoro bwa dɛ o ne Juu tena la dɛ bol waa dɛɛ tɔŋle dɔŋa Korowii waa baa chwera la ta.

1 Samoɛl 2:18

Gɛ saŋ dɛ Samoɛl ta ɛ bechala dɛ do sɔfo batakaarebora efɔd baa kpɔ yapondɛɛɡe nyarɔ dɛɛ ɛ Korowii toma.

Wepila 19:10

Belaa n ɡuŋi o sie, dɛ fee ŋɔ n duuru, asɛ o ŋɔ n be ŋɔ, “Bɛ ɡɛ ɛ. N ne hen ne he bala la baa lawɛ Yeesu waa bini la bwa ɛ o bonɔɔna. Korowiirii chɛ kɛ he duu. Yeesu waa waa baɡla laanee ɛ keamere la bwa wobol.”

We-ɛɛla 13:29

Baa ɛo ɡɛ Korowii Tɔn aa baɡla ŋɔ baa ɛo bwa tonɛ la, ba kpɔɔ le daɡaɡre la doa dɛ ka huɡo.

Daneɛl 10:21

kɛ anɔ la aa tɔ sie la, mɛɛ baɡle waa aa lɔ Kasinteŋ Tɔn la binii. Nomɛlbwa toole dɛ́ che n habɔɔ n ne o yo, atane nyundua torome Maekel waa dɛ di kpeɡri Israel harɛ la ɡbo.”

2 Webena 34:3

Kooro Josia aa di kora bene anuatoro la, dɛ o ta ɛ bonɔmbi, asɛ o pa mun dɛɛ tomɛ Korowii o nabaa Kooro Devid aa tomɔ la. Bene fi dɛ anɛ ta la, o pa mun dɛɛ chɔɡ bela Juda harɛ ne Jerusalam tena aa dɛ tomɛ voɡa, ne voɡ Asera dajaŋa ne voɡare baa sɛah ne anɔ la bwa aa jaa.

2 Pita 3:16

Pɔɔl dɛ bol a ɡɛ waa nɔ o tɔne bwa bini. Ane ta Pɔɔl tɔne waane mun noe kpeɡri taeh. Anomanta, nɛra baa wola wobɛlbwa jemɛ baa wola cheɡɛ kiŋkiŋ la, ba dɛ berɛ waa la sie. Gɛɛ a ɡɛ nɛra nɔ ɛɛ baɡle Korowii Tɔn bini waa la ane ɡe. Kɛ ba ɡbaɡba nyu taa ba ɛ dɛɛ dawɛ.

Wejereme 12:1

He taa lɔ he bonɔɔne saŋ ta la, dɛɛ lii Korowii waa tae wa, mɔɔ tɔpechɔɡa haa wola won ɛ wobɛlbwa la ba. Ásɛ tɔpere bɛl habɔɔ mɔɔ he lii ŋɔ, “N sie aa n soɡa ta lɛ kpa,”

Amanesoma Luk Aa Chwera Tɔn 1:15

Wɛɛ ɛ nɛnjen Korowii bee. Waa sen kɛɛ kwaa aa dɛ dɛɛ te bɛlbwa nyɔe ba. Waa lɔ o nya tea bini kwaraa la, Korowii Domadɛɛɡe la dɛ ba o nɛɛ soɡa kpeɡri nɛ.

Mmarare 4:6

Hé noa kɛrɛdɛ dɛɛ teŋɛ a ta. Anee dɛɛ ba ɡela harɛre nɛra no he waa kɛŋɔ he ɛ wejerema. Dɛ ba no Mmarare nɔ naa, ba ŋɔ ɡɛ nɛra baa dɔ sɔn kohona nɔ ɛ wejerema dɛɛ no waa mun.

Amanesoma Jɔn Aa Chwera Tɔn 5:47

Haa wola waa waa chwera yaradae nɔ, ɛrɛɛ hɛɛ ba wona yarada n waɔ?”

We-ɛɛla 16:1

Pɔɔl baa le Dɛɛbe ne Lestra dɛ ba na asɔre te bɛl baa dɛ yerɔ Timoti la bela. Dɛ o nya ɛ Juu te dɛɛ yarada Yeesu wa. Asɛ o mɛɛ te ɛ Grik te.

We-ɛɛla 26:24

Pɔɔl aa dɛ bol waa ken la, Koojen Fɛstɔs kɔro ŋɔ, “Pɔɔl, choɡlaa dɛɛ wee kɛɛ? He tɔn jema kohona laanee dɛɛ wee choɡla la!”

Tɔn Pɔɔl Aa Chwerɛ Rom Tena 2:27

He Juu tena te jemɛ Mmara nɔ dɛɛ teŋe he pena, kɛ he bane aa Mmara la ta teŋɛ. Asɛ nɛra baa wola Juu tena ɛɛ la ɡe, baa ba pena teŋe, kɛ ba bini bane dɛ teŋɛ Mmara la ta. Ba we-ɛɛla ɛɛ ɡeloo Korowii pa heyaa bolchɔɡe.

1 Kɔrent 1:21

Ba ɡbaɡba wejema ɡelɔ baa Korowii jemɛ. Korowii kpɔ o wejema ɛa ɡɛ, dɛ ŋɔ a ɛo silɛɛ kɛ wɛɛ lɛ nɛra baa yarada Amanesoma yaa bola dɛɛ baɡle nɛra asɛ baa liira wesale la.

Ɛfesos 6:4

Mɛɛnanar, he bɛ he bii sibeɡra dɛ́ɛ do, ásɛ ba baah ɛɛ di. Hé kpoŋ ba kɛrɛdɛ dɛ́ɛ baɡ ba ŋwɛnɛre ne waa la bwa aa wera ya Dɔɔ be.

1 Timoti 4:13

Do sie kure Korowii Tɔn dɛɛ baɡ ba cheremibɔra, dɛɛ bol Korowii Waa la dɛɛ chaɡ ba a bini ka tel ɡɛ saŋ maa ba.

2 Timoti 1:1

Men Pɔɔl maa ɛ Yeesu Kristo torome la, men chwerɛ tɔn nɔ. A too Korowii tea o lee mɛ ŋɔ ń ka bol mkpa waa baɡɛ nyoa ŋɔ yá che Yeesu Kristo nɛɛ dɔ la wa.