2 Timoti 2:25 - mzwDBL

²⁵ dɛɛ baɡle nɛra o ne ba liire aa wola beŋkpoŋ ɛɛ la waa taa ne. Bɛl lole naa, Korowii ɛɛ na ɡɛ nɛra la sumii, dɛ́ ɡel ba charɛ ba liire, ásɛ ba won jemɛ kasinteŋ waa la,

2 Timoti 2:25 Referans Kwoze

Galaasia 6:1

Yabala, dɛ he lawɛ he bini bɛl wechɔɡa bɛlbwa ta naa, he banɔ la haa dɔ Korowii Domadɛɛɡe la kɛrɛdɛ la, hé toɡro. Kɛ he bɛ o nɛɛ nyɛɡ te, hé toɡro sipwɛra ne. He ɡbaɡba ɡe la, a chɛ kɛ hɛɛ nyiŋi kɛrɛdɛ, ásɛ Bɔnsam bɛ heyaa ba neɡre do wechɔɡa ta.

We-ɛɛla 11:18

Baa no ɡɛ la, ba nyoa sɔɔhnɔ, asɛ ba jam Korowii dɛ ŋɔ, “Amɔ te Korowiirii tɛ nɛra baa wola Juu tena ɛɛ la ɡe ŋwɛnɛ, ásɛ ba charɛ ba liire, dɛ́ le ba wechɔɡa ta, dɛ́ dɔ ba nyu!”

1 Timoti 2:4

O te dɛ nyin kɛŋɔ nomɛlbwa dɔ o nyu, ásɛ dɛ ba jemɛ kasinteŋ waa la.

1 Pita 3:15

Hɛ́ɛ duu Yeesu Kristo dɛɛ ɔmɔ he bambile bini kɛŋɔ he Dɔɔree on. Hé kpɔ he te saŋ bɛlbwa, ásɛ nomɛlbwa bɔɔ heyaa he hwɛɡa haa dɔa nɔ wa aa, he won baɡlo a bini.

1 Jɔn 5:16

Dɛ he na he dɔŋ wɛɛ ɛ wechɔɡa aa, soŋe Korowii tɛo. Wɛɛ tɛo mkpaa. N ŋɔ ɡɛ naa, banɔ la baa wola seo wechɔɡa ɛɛ laanee n ŋɔ hé soŋe tɛ. Wechɔɡa ane lole, dɛ he ɛa aa, a chɛ kɛŋɔ hé sewɛ. N ta ŋɔe ŋɔ hé soŋe Korowii tɛ nɛn a te bɔr.

We-ɛɛla 8:22

Charɛ he liire dɛ́ le he wechɔɡa nɔ haa dɛ lii nɔ ta, dɛ́ soŋe Korowii ásɛ dɛ aa maɡroo waa, ó kpɔ he wechɔɡa haa liira nɔ kɛɛ.

2 Timoti 3:7

A ɡɛ haahna la dɛ hweli waa tɔperee te bɛlbwa, kɛ kasinteŋ waa aa lɔ waa la bini la te, baa won an jemɛ bwa.

Matiu 11:29

Gɛ baa kpɔ daa dawɛ nae anɛ nɛ a pɛ dɛɛ ɛ toma la, hé ɡel n ne he pɛ ɛ ɡɛ, ásɛ he hweli le n be, dɛkalkɛ n pwɛre, maa mbarafo ɡe ɛ. He ɛ ɡɛ naa, haa koeh ba.

Jems 1:17

Komɛlbwa waa wera la le Korowii be. Komɛlbwa waa ɛ kondɛɛɡe la, Korowiirii kpɔa kɛ yaa. Onee ya Mɛɛ waa ta kwaa bwa aa lɔ nyundua dɛɛ chaah harɛ. Gɛ kwaa nɔ dɛ chaah, ane ta ɡe aa chaah, kɛ Korowii te aa beɡre bwa.

Taetos 1:1

Men Pɔɔl maa ɛ Korowii bonɔɔ dɛ berɛ ɛ Yeesu Kristo torome la, men chwerɛ tɔn nɔ. Korowiirii lee mɛ dɛ ŋɔ mɛ́ɛ cha nɛra waa lee ba tɛ o te la, ásɛ ba yarada kaa sie ba won jemɛ o kasinteŋ la, dɛ́ che a ta tomɛ Korowii.

We-ɛɛla 20:21

Juu tena ne Grik tena bwa bee n bol, dɛ ja ba ŋɔ bá charɛ ba liire dɛ́ le ba wechɔɡa ta dɛ́ ba Korowii be, dɛ́ yarada Yeesu dɛ́ kpɔ ba te tɛo.

We-ɛɛla 5:31

Korowii iru seo ta dɛ kpɔɔ ka so nomombɔr o diɡ ta, dɛ ɛo nɛra bwa Sitɔɔ ne ba Lɛɛ, asɛ dɛ koh o waa dɛ kpɔ Israel tena baa charɛ ba liire le ba wechɔɡa ta la wechɔɡa kɛ ba.

We-ɛɛla 2:38

Anee Pita ŋɔ ba be ŋɔ, “A chɛ kɛŋɔ hé bini bɛlbwa charɛ o liire dɛ́ le wechɔɡa ta, dɛ́ ɡel ba sɔɔ Korowii nee ásɛ o teŋɛ Yeesu Kristo nɛ, ásɛ Korowii kpɔ o wechɔɡa kɛo. He ɛ ɡɛ naa, Korowii ɛɛ tɛ heyaa o Domadɛɛɡe laanee,

Amanesoma Jɔn Aa Chwera Tɔn 5:34

Maa n te kpɔe dɛɛ dawɛ nɛwɛnyini nɛɛ ó di mɛ danseɛ. N dɛ bol anɔ ásɛ he yarada Korowii ó won lɛ heya.

Amanesoma Mak Aa Chwera Tɔn 1:15

O bolɔ ŋɔ, “Tɔpere la telo! Korowii Kora pu heyaa tonɛ! Hé charɛ he liire dɛ́ le he wechɔɡa ta, ásɛ dɛ yarada Amanesoma nɔ!”

Ɛsekeɛl 36:31

Belaa hɛ́ɛ ba he wechɔɡa ŋwɛnɛre ne he nyubinikpeɡ we-ɛɛla bwa liira, ásɛ he baah di he ɡbaɡba nɛɛ wechɔɡa ne kii waa haa ɛa la.

Taetos 3:2

Ŋɔ ba be ba bɛ nɛra bwara wechɔɡe dɛɛ bol, ba bɛ dɛɛ naɡre, báa pwɛr ba te, dɛɛ tɛ nomɛlbwa duure kɛrɛdɛ.

1 Timoti 6:11

Hei, Timoti! Haa dɛ teŋɛ Korowii nɛɛ nɔ, a chɛ kɛŋɔ hɛ́ɛ ke he te ɡɛ waa la te bwa ta, dɛ́ swɛɛ siwi dɛɛ ɛ waa aa dɛ su Korowii siwi, dɛɛ tomɔ, dɛɛ yaradao, dɛɛ nyin nɛn, dɛ́ won bambile lawa wobɛlbwa ta, dɛ́ do pwɛre.

We-ɛɛla 5:21

Yeesu toroma la no nyundua torome la waa la, asɛ tɔ aa pera chɔmbibi ne la, ba ka jo Korowii Dea la bini dɛɛ bol Yeesu waa la. Awola chɔɔ ne la, Sɔfonomoa la ne o nɛra yerɛ Juu tena nomonome la bwa dɛ ba cheme, dɛ tomɛ nɛra ŋɔ bá la dea la baa lawɛ Yeesu toroma la do la bini, dɛ́ ka lee ba ba.

Ɛsekeɛl 11:19

Mɛɛ ɡeloo ba bambile che bobeŋkpoŋ, dɛ́ tɛɛ ba liifala. Mɛɛ laa ba bambikpeɡ waa do kɛŋɔ bwe laanee kpɔ, dɛ́ tɛɛ ba bambile waa pwɛra.

Jeremia 31:33

Fɔo n ne Israel tena aa fɔwɛ tɔpera aa lɔ sie la ta laanee nɔ. Mɛɛ kpɔ me Mmaraa do ba bambili bini, dɛ́ chwerɔ do ba nyuune bini, ásɛ n ɛ Korowii baa dɛɛ tom mɛ, ásɛ ba ɡe ɛ n nɛra.

Matiu 21:32

dɛkalkɛ Jɔn o fa aa dɛ sɔ nɛra Korowii nee la ba he be dɛ ba chaɡle heyaa ŋwɛnɛdɛɛɡe la ŋɔ hé kpɔ o ta, asɛ he vɛh o waa la yaradae. Kɛ toɔ lɛɛra ne jwamane tenaa bera yarada o waa la. Hale haa bera na ɡɛ la, he ta he liire charɛ dɛ berɛ ba yaradao.”

Sekaria 12:10

Mɛɛ ɡeloo sum nae ne Korowii soŋa Doma ba so Kooro Devid naanar, ne Jerusalam tena bane nɛ. Baa dɛɛ nyiŋi naate baa yaɡɔ lampea ne o sewɛ laanee, dɛɛ wiu kɛŋɔ nɛra aa dɛ wi ba bibeŋkpoŋ waa sewa, kɛɛ baa dɛ wi ba bibanloɡle waa sewa la ken.

Ɛsekeɛl 36:26

Mɛɛ tɛ heyaa bambifale ne liifalaa, ásɛ he won dɛɛ teŋɛ n waa ta. Mɛɛ laa he bambile waa do kɛ bwe laanee kpɔ, dɛ́ tɛ heyaa bambile waa pwɛra.

Ɛsekeɛl 12:3

Nɛwɛnyini bie, ɛ dɛ́ pa he laala bwa webaŋa nomɛlbwa siwi ta. Le bela kaa kɛŋɔ baa lawɛ dɛɛ kaa harɛfale ta he ka ɛ hɔɔh ken. Ba ɛ deŋnekpeɡ nɛra te, kɛ ba ken ɛɛ no a munii.