2 Timoti 2:20 - mzwDBL

²⁰ Dem waa kana la, konsiwi beŋkpoŋ ɡbo laa lɔ o ta. Suuɡaswɛm ne suuɡapoŋa kwaa lɔ o ta. Ane lole, daa nee ba sɛah, dɛ kpɔ choh ma ane ɡe. Ane lole, wejena ta ɡboo baa le a ne, asɛ ane ɡe ba kpɔa dɛɛ ɛ wesale bɛlbwa.

2 Timoti 2:20 Referans Kwoze

1 Pita 2:5

he ɡe do kɛ bwea aa dɔ mkpa. Hé ɡel o kpɔ heyaa ma Korowii Dea ásɛ he ɛ Korowii sɔfore haa do ɡoroŋ, ásɛ dɛ che Yeesu Kristo nɛɛ dɛɛ tomɛ Korowii bambile bwa ne a ɛ saraha dɛɛ su o siwi.

1 Timoti 3:15

ásɛ dɛ n baa biɡri aa, tɔ́n nɔ baɡle ɡɛ aa chɛ kɛ yá banɔ la Korowii aa kpɔ yaa ɛ o dem tena nɔ so dɛɛ ɛ ya wa. Yanee Korowii waa lole saŋ bɛlbwa la toroma, o kpɔ o kasinteŋ waa la tɛ ŋɔ yá lawɛ a bini kpoŋe kiŋkiŋ, kɛ pila yon lawɛ dea kpoŋe la.

1 Kɔrent 3:9

Korowiirii dɔ yaa, ya ne o pɛ dɛɛ ɛ toma. Asɛ he ɡe do kɛŋɔ o koo waa dɛ parɛ, ne o dea waa dɛ do.

Wiile 4:2

Na ɡɛ bwɛjen Saayɔn bonɔɔna ba fa aa do kɛŋɔ suuɡaswɛm a yoɡ aa kpeɡa aa doa, kɛ taraken, ba berɔ do kɛŋɔ vii baa kpɔ choh mao ken.

Ɛsra 6:5

Anɔ la aa jaa ɡee kɛŋɔ suuɡaswɛm ne suuɡapoŋa loɡa aa lɔ Korowii Dea, Koojen Nebukadnesa aa paa le Jerusalam ba Babelɔn la, a chɛ kɛ bá berɛ kaa ane a buɡ ta bela tenten a fa aa cheɡa, Korowii Dea Jerusalam.”

Ɛfesos 2:22

Pɛɛ he ne waa pɛa la nomanta, he ɡba ja dea la Korowii aa dɛ ma o ɛ o dobɔr la ta. O Domadɛɛɡe la aa soɡe he nɛɛ la nomanta, he ɛ o dobɔr.

2 Kɔrent 4:7

Waa nɔ bwa yaa jema nɔ do kɛŋɔ baa kpɔ kondɛɛɡa do viine bini la. Yanee viine la. Yaa kpeɡe, kɛ Korowii kpɔ o toma tɛ yaa asɛ yaa ɛ. O ɛ ɡɛ dɛ́ won baɡle kɛŋɔ kpeɡri aa ɡwaa kpeɡri bwa la le o be. Ya be laa a le.

Ɛsra 1:6

Ba bala la bwa cha ba, dɛ tɛɛ ba suuɡaswɛm ne suuɡapoŋa koŋkwaa, ne laala baa kpɔ ɛ toma ne kondɛɛra, ne koŋkɛɛla a yoɡ aa kpeɡa, dɛ kpɔ ja saraha kwaa bwa aa le ba bambile ta.

Daneɛl 5:2

Ba ta aa dɛ nyɔ sen la, Kooro Bɛlsasa tomɛ o bonɔɔna ŋɔ bá ka kpɔ suuɡaswɛm ne suuɡapoŋa numoli o mɛɛ Kooro Nebukadnesa fa aa paa le Korowii Dea waa lɔ Jerusalam la ba, ásɛ o ne o nomonjena ne o haahna dɛ o sɛnanar kpɔ nyɔ sen.

Kaala 27:3

Kpɔ ayaawa ɛ o kwaa bwa, o loɡa baa kpɔ dɛɛ pa o tɔɔ, ne soofire ne loɡa baa do chal kɛɛ nee a bini dɛ ɛ dɛɛ merɛ o ta, ne bune baa kpɔ toh ola dɛ kwaa baa kpɔ dɛɛ buh nii.

Amanesoma Jɔn Aa Chwera Tɔn 8:49

Anee o ŋɔ, “Kwa aa n nɛɛ ir, n Mɛɛ sɔnee mɛɛ kwaa, asɛ he te ɛɛ chɔɡ mɛ.

Tɔn Pɔɔl Aa Chwerɛ Rom Tena 9:20

Dɛ henee ume kɛŋɔ Korowii bol waa he chaŋe bɛl ɔ? Vii ɡee wonoo bɔɔ mamaa waa aa bala o mao ɡɛ waa mao wa aa?