2 Timoti 1:6 - mzwDBL

⁶ A waa ɡela mɛɛ liiri kɛŋɔ hé ir nyu ne dɛ́ kpɔ Korowii kpeɡri awola maa kpɔ nɔn dawɛ he nɛɛ dɛ swee tɛɛ o kpɔ tɛɛ la ɛ toma,

2 Timoti 1:6 Referans Kwoze

1 Timoti 4:14

Kpeɡri Korowii Domadɛɛɡe aa chae he dɔ dɛ le awola nomonome la aa kpɔ nɔɔra darawe he nɛɛ dɛ che Korowii Domadɛɛɡe kpeɡri ta dɛ bol a waa la, bɛ ɡel a ɛ pɛɛ.

1 Tesalonika 5:19

He bɛ ɡel Korowii Domadɛɛɡe waa soɡe he nɛɛ la nyoa sɔɔh.

2 Pita 3:1

N dandɛɛɡa, tɔn nɔɔ n tɔn nɛɛte maa chwerɛ heya. N tɔne anɛ nɔ bwa bini la, n dɛ lii heyaa ásɛ he do wɔrɔbe waa nɔ ta, dɛ́ dɔ tepoŋ.

2 Timoti 4:2

hé bol Amanesoma la baɡle nɛra. A som oo, aa somoo, kpɔ he te kɛ saŋ te bɛlbwa hɛɛ bolaa. Eɡle sie ta ba nɛ, dɛ́ ɡel ba jemɛ wechɔɡa baa dɛ ɛ, ásɛ dɛɛ ja ba. Lawɛ bambile dɛɛ chaɡ ba.

2 Pita 1:12

Kasinteŋ waa la haa noa la, he dɔɔ jema kɛrɛdɛ dɛ che a ta kiŋkiŋ. Kɛ mɛɛ dɛɛ lii heyaa a waa saŋ bɛlbwaa.

We-ɛɛla 19:6

Pɔɔl kpɔ o nɔɔra dawɛ ba nɛ, asɛ Korowii Domadɛɛɡe ba so ba nɛ, asɛ baa bol wobofala, dɛɛ bol Korowii Wa.

Kaala 36:2

Ate, Mosis yerɛ Besalɛl ne Oholiab dɛ banɔ la Korowii aa tɛɛ ba liire ne wejema ba bambile lawɛ toma la ɛɛ bwa ŋɔ bá ba.

Kaala 35:26

Haahna la bwa ɡe baa jemɛ booh pona ne jise ɛɛ la ba a ne.

2 Timoti 2:14

Dɛɛ lii nɛra ɡɛ waa nɔ, dɛ kah ba sibeɡra ne Korowii sie ŋɔ ba bɛ waa dɛɛ tɔŋle. Wetɔŋla ta tɔnɔ bɛlbwa dɔe. Nɛra liiree aa chɔɡ.

1 Timoti 4:6

Dɛ he kpɔ ɡɛ waa nɔ baɡle he bala aa, anee dɛɛ ba chaɡla kɛŋɔ he ɛ Yeesu Kristo torome tenten haa teŋɛ Korowii waa haa yaradaa ne kasinteŋ la ta, dɛ́ kpɔ kpeɡ dɛ́ do kpeɡri.

Amanesoma Luk Aa Chwera Tɔn 19:13

Waa dɛ ba kaala la, o yerɛ o bonɔɔna fi, dɛ tɛ bɛlbwa suuɡaswɛm bwe, dɛ ŋɔ ba be ŋɔ bá kpɔ dɛɛ di bona ka tel ɡɛ saŋ waa ba.

Aesaya 43:26

Hé lii mɛ waa a fa aa chiɡa, ásɛ ya cheme dɛ́ bola, ásɛ he baɡle anɔ la haa di bole a ta.

Tɔn Jud Aa Chwera 1:5

N jemɔ kɛŋɔ he jemɔ, kɛ n dɛ nyin kɛ n lii heyaa ɡɛ Korowii fa aa lɛ Israel tena le Ijipt tena nɔn ta, asɛ a habɔɔ bane aa wola o waa yaradae, o kpoo ba la.

Hibru 6:2

Yaa berɛ bol Korowii nee sɔe wa, ne nɔɔra kpɔe dɛ dawɛ nɛra nɛ, ne ɡɛ lala bwa aa ba ir seo ta, ne ɡɛ Korowii aa ba bol nɛra waa dɛ́ pa bole dɛ́ bɔ ba ba wechɔɡa kem aa wola jaɡaa dɔ waa kpa.

We-ɛɛla 6:6

Nɛra la kpɔ a ɡɛ nɛra nɔ baɡle Yeesu toroma la, asɛ ba kpɔ ba nɔɔra darawe ba nɛɛ dɛ soŋe Korowii tɛɛ ba.