2 Pita 2:7 - mzwDBL

⁷ Dɛ Lɔt te ɛ nɛndɛɛɡe waa dɛ ɔmɛ Korowii bela, asɛ wedoŋa bwɛɛre la tena aa wola Korowii ɔmɛ dɛɛ ɛ la ɛɛ hao. O te, Korowii lɛo.

2 Pita 2:7 Referans Kwoze

Mumpar 19:16

Dɛ waa too dɛ́ le warane, anomanta, ba lawɛ o ne o haah ne o bihaahna la nɔɔra, dɛ kpɔ ba le bwɛɛ la ta. Dɛkalkɛ Korowii na ba te sum.

Mumpar 19:29

Gɛɛ a do Korowii aa chɔɡ bwɛɛre aa lɔ deŋɡarere dor harɛ waa chɔa kaa la ta bwa la, o lii Abraham waa dɛ le Lɔt ne bela mɔɔ dɛ chɔɡa.

2 Pita 3:17

Anomanta, n dandɛɛɡa, haa dɔa na ken nɔ, hɛ́ɛ nyiŋi kɛrɛdɛ ásɛ dɛ bɛ ba ɡel nɛra baa wola Korowii ɔmɛ ba neɡre heyaa he lɔ naa he yarada la ta, dɛ́ ba choɡli.

1 Kɔrent 10:13

Nomɛlbwa dɛ na wekpeɡa. Anomanta, dɛ he dɛ na wekpeɡa aa, he laa bɔ bere. Korowii waa dɔ yarada. Waa ɡel wekpeɡa bɛlbwa ɡwaa he nɛɛ ásɛ he horɛ. Wɛɛ baɡle heyaa ŋwɛnɛ haa kpɔ dɛ́ won lawɛ bambile ka tel kɛŋɔ haa le a nyoa.

Jeremia 23:9

A ɡɛ waa nɔ ɛ Korowii keamere wa. N loo kuu a kpɔ bochela ta n nɛ, n hoɡa bini bwa ɛɛ wee mɛ. N do kɛŋɔ sennyɔdɛɛ ken, kɛ nɛn waa nyɔ sen kohona, Korowii waa aa do ɡoroŋ o bol n be la wa.

Mumpar 13:13

A ɡɛ Sodom tena nɔ, dɛ ba nyubini kpeɡri ba wechɔɡa do kan Korowii be.

Mumpar 19:22

Ɛ warane, dɛ́ chwa kaa. Dɛ he ta bela telaa, maa won ɛ wobɛlbwa.” A waa ba pa bwɛɛ la sɔn Soar.

Yela 120:5

N na waa kɛŋɔ maa soɡe Mɛsɛk ne Keda tena baa ɛ nyubinikpeɡ tena baah.

Mumpar 19:5

Asɛ ba ba bɔɔ Lɔt ŋɔ, “Leperaa hɔɔhra baa baa choɡe jɔmɔra nɔ ne la dɔɔ? Le ba ne tɛ yaa yá laɡ ba ka chɔ.”

2 Pita 2:2

Nɛndamanta ɛɛ teŋɛ ba wedoŋa baa dɛ ɛ la taa, ásɛ a che a ta nɛra bol kasinteŋ ŋwɛnɛ wobochɔɡa kɛ waa were.

2 Pita 2:18

Ba nyoa wobol kan taeh, kɛ ɡɛnewaa a bwa. Ba kpɔ bwadabii pɛlchɔɡa waa ne wedoŋa nɛra sie aa dɛ lɛ a ta, dɛ neɡre nɛra dɛɛ kaa wechɔɡa ta. Nɛra baa pa mun dɛɛ le wechɔɡ-ɛɛra bini baa wola cheɡɛ kiŋkiŋ mɔɔ laanee ba neɡre dɛɛ kaa wechɔɡa ta.

Tɔn Jud Aa Chwera 1:4

Nɛra bane sɔɔh dɛ ba koo he baah haa wola jemɛ. Baa Korowii tomɛ, dɛɛ bol ŋɔ nɛra ɛɛ wonoo dɛɛ ɛ wedoŋa, dɛkalkɛ Korowii dɛ sune nɛra nɛ. Ba dɛ ɛ ɡɛ ásɛ dɛ fe dɔ bɔr che dɛ́ɛ ɛ wedoŋa baa dɛ nyin. A ɡɛ nɛra nɔ vɛh ya Nomoa beŋkpoŋ Yeesu Kristo waa dɔ yaa la kɛŋɔ ba Dɔɔree on. Saŋ la bwaa Korowii Tɔn baɡle ɡɛ Korowii aa pa ba bolchɔɡe dɛɛ ba ba deŋne tɛra.