2 Pita 1:6 - mzwDBL

⁶ dɛ́ won dɛɛ lawɛ he te dɛɛ ja he wejema ta. Hɛ́ɛ lawɛ bambile dɛɛ ja he te lawa ta, dɛ kpɔ Korowii ɔma dɛɛ ja he bambile lawa ta.

2 Pita 1:6 Referans Kwoze

2 Pita 1:3

Yeesu dɔ Korowii kpeɡri la dɔŋ. Anee o kpɔ cha yaa, asɛ ya dɔ komɛlbwa yaa hiah dɛ won do le dɛɛ ɛ wedɛɛɡa. Yaa jemɛ Korowii waa le yaa ásɛ ya won dɔ o jirima ne o dadɛɛɡe la waa o ɛ ɡɛ.

Hibru 10:36

A hiaoh kɛŋɔ he lawɛ bambile dɛ́ won ɛ ɡɛ Korowii aa dɛ nyin, ásɛ dɛ won dɔ kwaa waa baɡɛ heyaa nyoa la.

Amanesoma Luk Aa Chwera Tɔn 21:19

He lawɛ bambile aa, hɛɛ dɔ he nyuu.”

Hibru 12:1

Ya te aa dɔ a ɡɛ nɛra nɔ bwa waa baa yarada Korowii dɛ ɛ aa baɡle yaa waa nɔ, a chɛ kɛ ya ɡe lawɛ bambile dɛ chwa ya chwae waa chɔ ya sie nɔ siswɛm ne. A chɛ kɛ ya laa komɛlbwa waa ɡel ya lɔ naa ya chwae ta la kpɔ, dɛ ɡel wechɔɡa aa dɛ tɔ yaa ŋwɛnɛ bwa.

1 Kɔrent 9:25

Nomɛlbwa waa jemɛ chwae, dɛɛ tɛɡre o te dɛ́ chwa lɛ komɛl la, o dɛ dɔ haŋra kwaa bwa ta dɛ́ ka chwa dɛ́ tɔ sie ásɛ ba kpɔ ɡbɛrɛ piu. Kpɔɡa nee ba sɔh ɡɛ ɡbɛrɛ la, waa biɡri dɛ o chɔɡɔ. Kɛ ya te chwae yaa dɛ chwa la, ya dɛ nyin ɡbɛrɛ waa wola chɔɡ bwa.

Taetos 2:2

Ŋɔ banjeni be báa lawɛ ba te, dɛɛ ɛ waa aa dɔ duure, dɛ́ dɔ nfɛrɛ, dɛɛ teŋɛ Korowii waa aa ɛ kasinteŋ kɛrɛdɛ la ta, dɛɛ nyin nɛn kɛrɛdɛ, dɛ́ dɔ bambile ɡe.

Galaasia 5:23

ne pwɛre doe, dɛ ɡel nɛn won o te lawa. Harɛ bɛlbwa toole dɛ ki a ɡɛ waa nɔ.

Wepila 14:12

Anɔ dɛ baɡle kɛ a chɛ kɛ Korowii nɛra ba wa aa toɡra dɛ teŋɛ o waa ta dɛɛ yarada Yeesu la lawɛ bambile dɛ́ che kiŋkiŋ.

Wepila 2:2

N jemɛ he toma haa ɛa, ne he koeh, ne he bambile haa lawa, dɛ jemɛ kɛŋɔ haa nɛnchɔɡa waa nyin. He fa kari nɛra ba fa aa dɛ yerɛ ba te n toroma la, dɛ na kɛŋɔ ba ta n toroma ɛɛ, dɛ na kɛŋɔ ba ɛ nyosonteŋna.

Taetos 1:8

A chɛ kɛ o ɛ nɛn waa dɛ nyin hɔɔhra lɛɛ, dɛɛ nyin wedɛɛɡa, dɛ dɔ nfɛrɛ kɛrɛdɛ, o waa do kaih, wedoŋa bɛlbwa aa wola toole o nɛ, wɛɛ lawɛ o te kɛrɛdɛ.

1 Tesalonika 1:3

Gɛɛ tɔpere bɛlbwa ɡe yaa bol N Naa Korowii waa bera ɛ ya Mɛɛ la be he yarada haa yaradao dɛ won kpɔ dɛɛ ɛ o toma, ne he nyina haa dɛ nyinu dɛ ɡel he sie beɡre o toma ta, ne hwɛɡa haa dɔa ya Dɔɔ Yeesu Kristo be dɛ won dɛɛ lawɛ bambile wobɛlbwa ta la.

Kolosi 1:11

dɛ́ won dɔ kpeɡri kɛrɛdɛ dɛ́ le o ɡbaɡba kpeɡri waa do kan dɛ dɔ jirima kɛrɛdɛ la ta. N dɛ soŋe Korowii ó cha heyaa ɡɛ hé won lawɛ bambile wobɛlbwa ta,

2 Kɔrent 6:4

Ya dɛ ɛ ya wobɛlbwa ɡɛ aa chɛ kɛ nɛra Korowii aa tom ba ɛɛ ɛ. Wekpeɡa dɛ pu yaa, ya lawɛ bambile dɛɛ so a ne. Ya dɛ na bambiwɔrɔbe wa, a won yaa hiaih kohona. Ya dɛ na sibeɡrewaa ɡe kɛrɛdɛ.

Tɔn Pɔɔl Aa Chwerɛ Rom Tena 8:25

Ya te la, kon waa wola ya nɔn ta joɛ mɔɔ la, o waa yaa hwɛɡɛ. Yaa too.

Tɔn Pɔɔl Aa Chwerɛ Rom Tena 2:7

Nɛra baa dɛ nyin jirima Korowii be, dɛɛ nyin kɛ Korowii kpɛɛ ba, dɛɛ nyin mkpa aa wola jaɡa dɔe, dɛ koh a waa dɛ lawɛ bambile dɛɛ ɛ wedɛɛɡa saŋ bɛlbwa la, Korowii ɛɛ tɛɛ baa mkpa aa wola jaɡa dɔe bwa.

We-ɛɛla 24:25

Pɔɔl aa ba dɛ bol ŋɔ a chɛ kɛ nomɛlbwa ɡel o waa do kaih, dɛ ŋɔ a chɛ kɛ nomɛlbwa ɛɛ nyiŋi o te kɛrɛdɛ wechɔɡa ɛɛ ta, dɛ ŋɔ Korowii ɛɛ ba bol nɛra bwa waa dɛ́ pa bole la, Fɛlekse berɔ ɔmɛ dɛ ŋɔ o be ŋɔ, “Gel mɔɔ. Dɛɛ la. N baa dɔ bɔr ja aa, mɛɛ yerɛɛ.”

Amanesoma Luk Aa Chwera Tɔn 8:15

Anɔ la ɡe aa lee harɛdɛɛɡe ta dɛ le dɛ do wer dɛ ma kohona la ɡee nɛra baa no Korowii Waa la dɛ kpoŋe a bini kɛrɛdɛ, dɛ dɔ bambile dɛ teŋɛ a ta, dɛ́ ɡel a dɔ tɔnɔ la.”

Yela 37:7

Hé lawɛ bambile, dɛɛ kpa Korowii, dɛ nyubinikpeɡ tena waa wer dɛɛ tɛɛ ba aa, he bɛ ɡel a we he nɛ kɛŋɔ aa chiɡ ba kɛrɛdɛɛ.

Tɔn Pɔɔl Aa Chwerɛ Rom Tena 15:4

Wobɛlbwa ba fa aa chwera la, dɛ yanee ba chwera tɛ kɛŋɔ yá hweli waa le a ta. A ɡɛ waa nɔɔ dɛɛ ja yaa bambile dɔe ta, dɛɛ do yaa ɡbemba, ásɛ a che a ta ya dɔ hwɛɡa.

Wepila 13:10

Dɛ Korowii ŋɔ bá lawɛ nomɛlbwa laa ta naa, baa lawɔɔ. Dɛ nomɛlbwa kweh kere dɛ kpɔ kpo nɛn aa, kere nee baa ba o ɡe kpoe. Anɔ dɛ baɡle kɛŋɔ a chɛ kɛ Korowii nɛra ba wa aa toɡra dɔ bambile, dɛ́ lawɛ waa baa dɛ yaradaa la bini kiŋkiŋ.

Wepila 1:9

Menee Jɔn maa ɛ he dɔŋ, dɛ koh pɛɛ ya bwa ne Yeesu Kristo aa pɛa la waa dɛɛ na wahala, dɛɛ tomɛ Korowii o Kora ta, dɛɛ lawɛ bambile wobɛlbwa ta la. N lɔ ekwi harɛ baa dɛ yerɔ Patmɔs la ta, bela baa koah kɛŋɔ n bol Korowii Waa dɛ ɛ Yeesu danseɛ dɛ laɡ mɛ ka ta la.

2 Pita 3:11

Kwaa nɔ bwa aa dɛ ba fuih ken nɔ, dɛ ɛrɛɛ chɛ kɛ he doɔ? A chɛ kɛ he do ɡoroŋ he soɡa bini, dɛ́ kpɔ he te tɛ Korowii,

Hibru 6:15

Abraham ɡe wono lawɛ bambile aaa, dɛ ba dɔ kon Korowii aa baɡɔ nyoa la.

Hibru 6:12

Yaa nyin kɛ he bwara hwah heya. Ya dɛ nyin he kpɔ nɛra baa lawɛ bambile dɛɛ yarada Korowii, ásɛ o tɛɛ ba kwaa waa baɡ ba nyoa la.

Taetos 1:1

Men Pɔɔl maa ɛ Korowii bonɔɔ dɛ berɛ ɛ Yeesu Kristo torome la, men chwerɛ tɔn nɔ. Korowiirii lee mɛ dɛ ŋɔ mɛ́ɛ cha nɛra waa lee ba tɛ o te la, ásɛ ba yarada kaa sie ba won jemɛ o kasinteŋ la, dɛ́ che a ta tomɛ Korowii.

2 Timoti 3:5

Baa dɛɛ ɛ ba we-ɛɛlaa kɛ nɛra baa dɛ tomɛ Korowii ken, kɛ dɛɛ vɛh kpeɡri waa lɔ Korowii toma ta la te. Laa he te kpɔ ɡɛ nɛra nɔ nɛ.

1 Timoti 6:11

Hei, Timoti! Haa dɛ teŋɛ Korowii nɛɛ nɔ, a chɛ kɛŋɔ hɛ́ɛ ke he te ɡɛ waa la te bwa ta, dɛ́ swɛɛ siwi dɛɛ ɛ waa aa dɛ su Korowii siwi, dɛɛ tomɔ, dɛɛ yaradao, dɛɛ nyin nɛn, dɛ́ won bambile lawa wobɛlbwa ta, dɛ́ do pwɛre.

1 Timoti 6:6

Nɛn haa dɛ tomɛ Korowii, he siwi ɛɛ su komɛlbwa Korowii aa tɛɛ la, he ɛ kondɔɔh tenten.

1 Timoti 6:3

Nomɛlbwa waa dɛ chaɡle Korowii Wa, asɛ a korɛ ya Dɔɔ Yeesu Kristo kasinteŋ waa la ta, ne ɡɛ yaa dɛ chaɡle nɛra ŋwɛnɛ baa kpɔa dɛɛ tomɛ Korowii la ta la,

1 Timoti 3:16

Ŋwɛnɛ yaa kpɔ o ta dɛɛ tomɛ Korowii nɔ, tɔŋla toole kɛ wesɔɔhla aa lɔ o ta, asɛ Korowii ɡel ya jemɛ la ɛ wejena kohona. Waa yaa lawɛ a bini kpoŋe laanee, Korowii baa berɛ o te nɛwɛnyini. O Domadɛɛɡe la ɡelɔ nɛra bwa jemɛ kɛ o waa toɡrɔ. Nyundua toroma nao. Nɛra bol o waa baɡle harɛ nɔ ta nɛra baa lɔ bobɛlbwa. Ba no o waa harɛ nɔ ta dɛ yaradao, asɛ Korowii kpɔɔ kaa nyundua o ka dɔ jirima.

1 Timoti 2:10

Kɛ báa ɛ wedɛɛɡa kɛ haahna baa dɛ tomɛ Korowii. Ba wedɛɛɡa ɛɛ laanee dɛ́ ɡel ba do wer toli.

1 Timoti 2:2

Hé soŋo dɛɛ tɛ koranar ne nɛra baa dɛ di nomonome bwa, ásɛ ya bwa so bosɔɔhna ta jeih ken, dɛɛ tomɛ Korowii ɡɛ aa chɛa, dɛɛ ɛ waa aa wera o be.

2 Tesalonika 3:5

Yá Dɔɔ Yeesu Kristo cha heya, ásɛ he won jemɛ nyina Korowii aa nyin heya, ne bambile Yeesu Kristo aa lawa o hɔhɔrɔwa la bini la.

2 Tesalonika 1:4

Ya ɡbaɡba dɛ bol he waa dɛɛ baɡle asɔre tena baa cheme bobɛlbwa dɛɛ tomɛ Korowii la, dɛɛ kpɛɛ heya. Ya dɛ ŋɔ ba be ɡɛ nɛra aa dɛ ɛ heyaa hɔhɔrɔwa, aa no heyaa saŋ bɛlbwa, asɛ he dɔ bambile haa wola habɔɔ le dɛ ta teŋɛ dɛɛ yarada Yeesu la.

Aesaya 57:1

Nɛra ba wa aa toɡra dɛ́ serewe, dɛ nomɛlbwa waane laa, hale nomɛlbwa aa a mun jemɛ. Ba serewaa, wenaale bɛlbwa aa ba nɛɛ ba kpa.

Mumpar 5:24

Waa kpɔ Korowii darame dɛ biɡri o soɡa bini nomanta, Korowii baa kpɔɔ kaa o be nyundua. Nomɛlbwa ta on nae kpa.