2 Kɔrent 9:5 - mzwDBL

⁵ A waa n na kɛŋɔ a chɛ kɛ n soŋe yabala nɔ ásɛ ba tɔ sie n nɛɛ dɛ́ ba he be, dɛ́ ba lɛ koŋkɛɛla la haa ŋɔa hɛɛ tɛo la bwa cheɡ, ásɛ ya ne bala la, dɛ a bwa chemo, ásɛ a baɡle kɛ nyinaa hɛɛ nyin dɛ tɛ, lao laa.

2 Kɔrent 9:5 Referans Kwoze

1 Samoɛl 25:27

Koŋkɛɛla he tolo aa ba a ne nɔ, n dɛ soŋe kɛ he lɛa dɛ́ kpɔ tɛ he bonɔɔna baa dɛ teŋɛ he nɛɛ la.

Mumpar 33:11

N poori, sɛh dɛ́ lɛ kwaa maa kpɔa dɛɛ tɛɛ nɔ. Korowii cha mɛ kohona dɛ sune n nɛɛ asɛ dɛ tɛ mɛ komɛlbwa.” Ba bolɔ la sie kɛrɛdɛ mɔɔ Esɔ ta ba lɛ.

Felepae 4:17

Kasinteŋ, a ta ɛɛ kɛŋɔ komɛlee mɛɛ nyin he be, kɛ he tɔnɔ haa dɔ dɛ́ le chae haa cha mɛ la binii mɛɛ nyiŋi.

2 Kɔrent 8:6

Anomanta, ya ŋɔ Taetos be ŋɔ tondɛɛɡa nɔ soo waa pa a mun la, ó den ba choŋi a ta, ásɛ dɛ cha heyaa he ɛ wedɛɛɡa haa dɛ ɛ kwaa kɛɛ bɔr la ka tonɛ.

1 Kɔrent 16:2

Kwasiara bɛlbwa, hé bini bɛlbwa ɛɛ kpɔ suuɡa, ɡɛ bɛlbwa waa wona dɛ le anɔ la Korowii aa chao o dɔ la ta, dɛ́ kpɔ cheɡ. Hɛ́ɛ ɛ ɡɛ, ásɛ n balaa, he bɛ suuɡa dɛɛ ta kpa.

2 Koranar 5:15

Naaman ne o bonɔɔna la bwa berɔ ba Korowii keame Elaesa be, asɛ Naaman ka che o sie dɛ ŋɔ, “N nao kɛŋɔ Korowii bɛlbwa toole harɛ nɔ ta bobɛlbwa ka ja Israel harɛ ta. N dɔɔ, n poori lɛ koŋkɛɛla he bonɔɔ aa ba a ne ba tɛɛ nɔ.”

1 Samoɛl 30:26

Devid aa tel Siklaɡ la, o kpɔ laala la ane ka tɛ Juda nomonome baa ɛ o daamanar la dɛ ŋɔ, “Kwaa maa paa laa ta dɛ le Korowii dɔma be, dɛ kpɔ a bini ane dɛɛ ba ba tɛ heyaa laanee la.”

Sitɔɔla 1:15

Anee o chaŋe ŋɔ, “Nyiŋi n nɛ. He tɛ mɛ harɛ pua hɛŋle ɡbo harɛ Nɛɡɛv. Tɛ mɛ bela nee aa bula dɛɛ le ɡe.” Asɛ o ka tɛo harɛ nee aa bula dɛɛ le o ta. Bɛl do nyunduabɔr, bɛl do harɛbɔr pera.

2 Kɔrent 9:3

N dɛ tomɛ yabala nɔ he be. N dɛ nyin kɛ he kpɔ he te dɛ ta suuɡa ɡɛ maa ŋɔa he dɛ ɛ la, ásɛ nɛra maa kpɔ heyaa dɛɛ maŋkura n te ba be la jemɛ kɛŋɔ pɛɛ laa mɛɛ maŋkura n te.

2 Kɔrent 9:6

Hé jemɛ kɛŋɔ he du tama aa, tamaa hɛɛ ba koma, he du kohona ɡe aa, kohonaa hɛɛ ba koma.