2 Kɔrent 8:6 - mzwDBL

⁶ Anomanta, ya ŋɔ Taetos be ŋɔ tondɛɛɡa nɔ soo waa pa a mun la, ó den ba choŋi a ta, ásɛ dɛ cha heyaa he ɛ wedɛɛɡa haa dɛ ɛ kwaa kɛɛ bɔr la ka tonɛ.

2 Kɔrent 8:6 Referans Kwoze

2 Kɔrent 12:18

Men soŋe Taetos dɛ tomɛ o ne ya dɔŋ asɔre te la he be. Hɛɛ wonoo ŋɔ Taetos baa neɡre heyaa di aa? Dabeŋkpoŋ laa n ne o kpoŋaa? Ya bwa we-ɛɛla ta beŋkpoŋ ɛɛ yaa?

2 Kɔrent 8:19

A ɡbo laa, asɔre tena la bwaa leo ŋɔ ó ja ya nɛɛ ya kpɔ koŋkɛɛla nɔ kaa Jerusalam, ɡɛ aa ɛ ásɛ ya Dɔɔ Yeesu dɔ sɔn. Ya dɛ ɛ toma nɔ dɛ kpɔ dɛɛ baɡle kɛŋɔ ya dɛ nyin Korowii nɛra chae.

2 Kɔrent 8:4

Ba ɡbaɡbaa soŋe yaa sibeɡra ne ŋɔ yá ɡel ba ja Korowii nɛra ba wa aa toɡra la nɛ.

1 Pita 4:10

Kpeɡri bɛlbwa nomɛlbwa aa dɔa la, Korowiirii kpɔa chao ŋɔ ó kpɔ dɛɛ ɛ o Korowii toma. Anomanta, bɛ́lbwa nyiŋi o toma ta kɛrɛdɛ, dɛ́ kpɔ dɛɛ cha o bala.

Felepae 4:18

N dɔ komɛlbwa maa dɛ nyin la bwa ka ɡarɛ. N dɔ he haala haa ha mɛ la le Epafrodaetɔs be. He haala la ɛ sarahadɛɛɡe o sɔɔh aa soma dɛ tɛ Korowii dɛɛ su o siwi.

2 Kɔrent 9:5

A waa n na kɛŋɔ a chɛ kɛ n soŋe yabala nɔ ásɛ ba tɔ sie n nɛɛ dɛ́ ba he be, dɛ́ ba lɛ koŋkɛɛla la haa ŋɔa hɛɛ tɛo la bwa cheɡ, ásɛ ya ne bala la, dɛ a bwa chemo, ásɛ a baɡle kɛ nyinaa hɛɛ nyin dɛ tɛ, lao laa.

We-ɛɛla 24:17

Nomoa, maa le Jerusalam biɡro, asɛ n la bela ŋɔ ń kpɔ suuɡa ane ka tɛ n bala Juu tena ba soɡa bini aa kpeɡa tɛɛ ba, ásɛ dɛ ɛ n saraha ane.

Tɔn Pɔɔl Aa Chwerɛ Rom Tena 15:25

Taraken nɔ, kwaane nee mɛɛ ba ń ba kaa ka tɛ Korowii nɛra ba wa aa toɡra dɛ do Jerusalam.

2 Kɔrent 2:13

Kɛ maa wola ya dɔŋ Taetos ka pue bela la, n baah ta men sɔɔhnɛ. Anomanta, n kal bela tena dɛ kaa Makidoonia harɛ.

2 Kɔrent 8:10

Gɛ n te aa naa kɛŋɔ hé den tonɛ waa haa pa a mun bena ken la. Heyaa tɔ sie dɛ baɡle kɛŋɔ he dɛ nyin nɛra chae.

2 Kɔrent 8:23

Taetos te la, n ne onee dɛɛ ɛ toma nɔ dɛɛ cha heya. Yabala baa ja o nɛɛ la ɡe la, asɔre tenaa lee ba. Ba nɛɛ Yeesu Kristo che dɔ sɔn.