2 Kɔrent 7:10 - mzwDBL

¹⁰ Nɛwɛnyini tea bini chɔɡɔ ɡɛ Korowii aa dɛ nyin kɛ wɛɛ ɛ aa, a ɡelɔ wɛɛ charɛ o liire. A ɡɛ waa nɔɔ dɛɛ ba Korowii mkpa ne. Anomanta, a ta chɛ kɛ ya ɡel ya tea bini chɔɡ a ta. Kɛ harɛ bonɔ tebinichɔɡ te, seo nee aa ba.

2 Kɔrent 7:10 Referans Kwoze

We-ɛɛla 3:19

Anomanta, hé charɛ he liire le he wechɔɡa ta dɛ́ kpɔ he te tɛ Korowii ásɛ o kpɔ he wechɔɡa kɛ heya, dɛɛ tɛ heyaa bambisɔɔhna, dɛɛ do heyaa ɡbemba.

We-ɛɛla 11:18

Baa no ɡɛ la, ba nyoa sɔɔhnɔ, asɛ ba jam Korowii dɛ ŋɔ, “Amɔ te Korowiirii tɛ nɛra baa wola Juu tena ɛɛ la ɡe ŋwɛnɛ, ásɛ ba charɛ ba liire, dɛ́ le ba wechɔɡa ta, dɛ́ dɔ ba nyu!”

2 Samoɛl 12:13

Ate, Kooro Devid ŋɔ Netan be ŋɔ, “N ɛ wechɔɡa dɛ jo Korowii nɛ.” Asɛ Netan ɡe chaŋo ŋɔ, “Korowii kpɔ he wechɔɡa kɛɛ, haa sewɛ.

Amanesoma Luk Aa Chwera Tɔn 18:13

Toɔ lɛɛ la te cheɡɛ bojaŋ, o ta sie hae dɛ nyiŋi nyundua kwara, kɛ dɛ kpɔ nɔɔra dawɛ nyu dɛ ŋɔ, ‘Oo, N Naa Korowii, wechɔɡ-ɛɛree men. Na n sum dɛ́ kpɔ n wechɔɡa kɛ mɛ.’ ”

Amanesoma Luk Aa Chwera Tɔn 15:10

Kasinteŋ, ɡɛɛ aa ba Korowii doa ɡe doe. Wechɔɡ-ɛɛ beŋkpoŋ charɛ o liire dɛ le o wechɔɡa ta naa, Korowii ne o nyundua toroma sie ɛɛ lɛ o nɛɛ taeh.”

Jona 3:10

Belaa Korowii aa naa kɛ ba charɛ ba liire le ba wechɔɡa ŋwɛnɛre ta la, o tea domɛ ba nɛ, dɛ ɡel chɔɡa waa ŋɔa wɛɛ chɔɡ baa la.

Hibru 12:17

He nao kɛŋɔ waa bera baa nyin kɛŋɔ o mɛɛ swee tɛo ɡɛ baa sweera dɛɛ tɛ binomoa la, o ta ɡɛ dɔe kpa. O siwi swɛɛrɔ wɛɛ nyin o dɔ ɡɛ a fe aa chɛa kɛ o dɔ, hale dɛ wi. Kɛ waa o ɡbaɡba aa ɛa la, o ta wone bera a do ɡɛ a fa aa doa kpa.

Sɛɡla 17:22

Silɛɛ dɛɛ tɛ bokpeɡa, asɛ lokua ɡee sɔɔh nɛn.

Jona 4:9

Anee Korowii ŋɔ Jona be ŋɔ, “He dɔ ŋwɛnɛ kɛŋɔ he baah di juɡ nɔ wa aa?” Ate, Jona ŋɔ, “Ɔɔh. N baah diu kohona kɛŋɔ n sewɛ kwara.”

1 Samoɛl 30:6

Devid bambile chɔɡɔ kɛrɛdɛ, dɛkalkɛ dɛ a dɛ we o laa tena la nɛɛ kɛŋɔ baa lawɛ ba bii kaa la, asɛ dɛɛ nyin ba foɡre Devid bwea kpo. Kɛ Korowii waa dɛ tomɔ la doo ɡbemba.

2 Kɔrent 12:21

Maa nyin kɛ ń ba ba he be ásɛ N Naa Korowii koh he wechɔɡa waa dɛ́ ɡel n fɛɡre. N balɔ dɛ wechɔɡ-ɛɛra ta warɛ he bini, ba tea bini ta chɔɡɛ ba charɛ ba liire ba wedoŋa, ne ba jwamane, ne ba pɛlchɔɡa we-ɛɛla baa dɛɛ ɛ ta naa, n tea bini ɛɛ chɔɡoo.

Matiu 26:75

asɛ Pita lii ɡɛ Yeesu fa aa ŋɔ o be ŋɔ, “Jabal ne sii dɛ he tɔɔh ŋɔ haa men jemɛ kera atoro bwa” la. Waa lii a ɡɛ waa nɔ la, o le dahara dɛ ka wi lokua ne.

Jona 3:8

Nomɛlbwa tɔ lweyal, ásɛ dɛ pee ane do o kondɛɛra ɡe. Bɛlbwa ɡel o wechɔɡa ne dachɔɡe waa lɔ a ta, dɛ́ wi dɛɛ yerɛ Korowii.

Ɛsekeɛl 7:16

Banɔ la baa dɔ ba nyu dɛ chwa la ɛɛ ka so bwejena doree, dɛɛ wi kɛŋɔ fɛlembɔjena bini kwehre ken, bɛlbwa wechɔɡa waa ɛa wa.

Jeremia 31:9

Baa ba wii nee, dɛɛ soŋe men Korowii, ɡɛ saŋ maa laɡ ba dɛɛ ba. Mɛɛ laɡ baa kpɔ nenabɔɔne nyoo, harɛ waa chɔa kaa, baa wola naa lɔ o ta, dɛkalkɛ n ɛ Israel tena mɛɛ, Efrem ɡe ɛ n bibanloɡle.”

Sɛɡla 18:14

Liire haa dɔ he weela ta kɛŋɔ hɛɛ ɡbaŋroo la, dɛ ɛ ɡɛ, dɛ he ta ɡɛ liire dɔe yaa, dɛ hwɛɡa toole.

Sɛɡla 15:15

Nɛra baa lɔ wahala ta la soɡa bini aa were, kɛ nɛra ba sie aa dɛ lɛ la, do kɛŋɔ baa dɛ di kondikonjena saŋ bɛlbwa ken.

Sɛɡla 15:13

Nɛn sie lɛo waa, o dɛ mamɛ, o loo kuu tenaa, o bambile dɛ chɔɡ.

1 Koranar 21:4

Ate, Kooro Ahab kpɔ sum ne bandia kaa dem, waa Nabɔt aa bola baɡlo kɛŋɔ “Maa n naawa kapɛrɛ konee kpɔ tɛɛ” la wa. Asɛ bwaawee farɔ o ka chɔ dɛ vɛh kwaa dii.

2 Samoɛl 17:23

Ahetofɛl aa naa kɛŋɔ ba ta o waa la ta teŋɛ la, o pa laala dawɛ o keeɡo ta dɛ kpɔ sie pa o bwɛɛ dɛ kaa. O baa kwaa o dem wobɛlbwa tonɛ dɛ ka saɡɛ o te. Waa sewa la, o mɛɛwa huɡri bɔree ba ka huɡo.

2 Samoɛl 13:4

Awola bɛl, Jonadab bɔɔ Amnɔn ŋɔ, “He ɛ kooro bie, kɛ saŋ bɛlbwa n nae naa, a do kɛŋɔ he sie aa lɛ. Bɔkwa waa dɛɛ hae nɔ?” Anee o chaŋe ŋɔ, “N dɛ nyin Taama waa ɛ n dɔɔ Absalɔm nimambihaah la.”

Mumpar 30:1

Rakɛl aa naa kɛŋɔ o ta bie lolɛ tɛ Jekɔb la, o mee Lea dɛ ŋɔ Jekɔb be ŋɔ, “Gel n lolɛ bii, dɛ ɡɛ laa aa, amɔ te mɛɛ sewɔɔ.”

Yela 38:18

N dɛ bol n wechɔɡa, a ɡelɔ mɛɛ ɔmɛ kwara.

Wejereme 7:3

Suna dii ɡwaa mama, dɛkalkɛ suna dii ɡelɔ yaa hweli waa aa wera.

2 Kɔrent 7:9

Kɛ taraken te n sie lɛo. He tea bini aa chɔɡa waa laa n sie lɛ. He tebinichɔɡ la aa ɡela he charɛ da la, a waa n sie lɛ. Gɛɛ Korowii ɛɛ nyin kɛ nɛwɛnyini tea bini ɛɛ chɔɡ. Anomanta, ya ta heyaa wechɔɡe bɛlbwa ɛɛ.