2 Kɔrent 5:16 - mzwDBL

¹⁶ Anomanta, fini habɔɔ, yaa nɛra nyiŋi ɡɛ nɛwɛnyina aa dɛ nyiŋ ba la. Ya fa dɛ nyiŋi Yeesu Kristo ɡba ɡɛ, kɛ yaa on ɡɛ nyiŋi kpa.

2 Kɔrent 5:16 Referans Kwoze

Kolosi 3:11

Anomanta, nɛra Korowii aa ɡela ba do ɡɛ dofale nɔ la, ba ta dɔe kɛ ba peɡri dɔŋa bini kpa kɛŋɔ onɔ ɛ Juu te kɛɛ onɔ nɔ ta Juu te ɛɛ nɔ. Nɛra bini peɡra toole kpa, kɛŋɔ onɔ teŋe o pen, kɛɛ onɔ nɔ ta o pen teŋe nɔ. Hɔɔh kɛɛ daamun te kɛɛ yom kɛɛ nɛn waa dɔ o te toole kpa, ba bwa ɛ beŋkpoŋ. Yeesu Kristo ɡbo waa hiah o nɛra.

Amanesoma Jɔn Aa Chwera Tɔn 6:63

Hé jemɛ kɛŋɔ Korowii Domadɛɛɡe ɡbosoroo dɛɛ tɛ mkpa. Nɛwɛnyini bokpeɡa te ɛ pɛɛpɛɛ. Waa maa dɛ bol he be nɔ dɛ ba Korowii Domadɛɛɡe la ne, asɛ dɛɛ tɛ heyaa mkpa.

Jems 3:17

Nɛn waa dɔ Korowii doa wejema la, kenii o da do, o waa do kaih, o waa dɔ deŋnesɔɔhna, o pwɛre, o dɛ no o dɔŋ wa, o dɛ na o dɔŋ sum, o ɛ nɛndɛɛɡe, o we-ɛɛla bwa wer, waa nɛra bane duure dɛɛ ɡwaa bane, o tea too.

Galaasia 5:6

Yeesu Kristo ŋwɛnɛ ta teŋa nɔ ta te, ba teŋe nɛn pen oo, ba ta o pen teŋoo, a laa ɛ wehiah. Waa aa hiah laanee kɛŋɔ nɛn aa dɛ yarada Yeesu Kristo, asɛ ɡɛ yarada nɔ won ɡel wɛɛ nyin o dɔŋa.

Amanesoma Jɔn Aa Chwera Tɔn 15:14

He dɛ teŋɛ n waa maa kpɔa tɛ heyaa la ta te naa, amɔ dɛ n daamanaree heya.

Amanesoma Jɔn Aa Chwera Tɔn 2:4

Anee Yeesu bɔɔ o nya ŋɔ, “N nya, aah ɛrɛ waa he berɛ dɛɛ nyiŋi n te siwi ta nɔɔ? Gɛ saŋ maa dɛ ba n toma ɛɛ la ta tele mɔɔ.”

Matiu 10:37

He naate haa dɛ nyin he nya ne he mɛɛ waa ɡwaa mɛ la ta chɛɛ kɛŋɔ he teŋɛ n nɛ, asɛ he naate ɡe haa dɛ nyin he bihaah ne he bibaa waa ɡwaa mɛ la ta chɛɛ kɛŋɔ he teŋɛ n nɛ.

2 Kɔrent 11:18

Bane aa koh harɛ bonɔ kwara waa dɛɛ maŋkura ba te nomanta, n ɡee maŋkura n tenee.

1 Samoɛl 2:29

Ɛrɛɛ n saraha kwaa ne kwaa baa dɛ kpoora, n lea cheɡ ŋɔ bá kpɔ baa tɛ mɛ bela maa lole la, he nyiŋa dɛɛ vah nɔɔ? He duu he bibaala dɛɛ ɡwaa mɛ, saraha kwaa n nɛra Israel tena aa kpɔa baa tɛ mɛ la, he kpɔ a bodɛɛɡa bɔra la di dɛ je faɡra.’

Mmarare 33:9

Banee lawɛ he waa bini kpoŋe ɡwaa ba nyare ne mɛɛnanar, ne ba dɔɔranar kɛɛ biirere. Ba teŋɛ he waa ta dɛɛ di kasinteŋ he fɔo he ne baa fɔwa la ta.

Amanesoma Jɔn Aa Chwera Tɔn 8:15

Harɛ nɔ ta liiree he kpɔ nyiŋi nɛn dɛɛ bol wa, kɛ n te aa bole pa.

Felepae 3:4

Dɛ bɔtɔn wa ɛɛ wonoo lɛ yaa aa, menee fe dɔ hwɛɡa kɛrɛdɛ. Dɛ nomɛlbwa ŋɔ a cheɡɛ o waa waa ɛa ta o dɔ hwɛɡa aa, menee dɔ hwɛɡa dɛ ɡwaa naate.

Nɛra Kura 10:30

Anee Hobab chaŋe ŋɔ, “Akai, maa la. Mɛɛ berɔɔ kaa n harɛ ta n nɛra be.”