2 Kɔrent 5:1 - mzwDBL

¹ Ya harɛ nɔ ta bwadabii nɔ do kɛ pata ya do o ta. Ya jemɔ kɛ dɛ o chɔɡaa, Korowii ɛɛ tɛ yaa defale o ɡbaɡba aa doa waa wola chɔɡ bwa nyunduaa.

2 Kɔrent 5:1 Referans Kwoze

1 Jɔn 3:2

Yabala, taraken ya ɛ Korowii bii. Yaa jemɛ kɛrɛdɛ ɡɛ yaa dɛ ba doe. Kɛ ya jemɔ kɛŋɔ awola Yeesu Kristo aa forɛ le nɛra nao la, ɡɛ waa doa la, ɡɛɛ ya ɡe ɛɛ ba doe, dɛkalkɛ yaa nao dɛ́ na ɡɛ waa doa.

Hibru 9:24

Bela Yeesu Kristo aa joa la, Korowii Boɡoroŋ Tenten nɛwɛnyini aa mao o ɛ Korowii doa kon chaa la ɡbo bini laa o jo. Korowii doa ɡbaɡbaa o la, dɛ ka che Korowii sie ásɛ dɛ won cha yaa taraken.

2 Kɔrent 4:7

Waa nɔ bwa yaa jema nɔ do kɛŋɔ baa kpɔ kondɛɛɡa do viine bini la. Yanee viine la. Yaa kpeɡe, kɛ Korowii kpɔ o toma tɛ yaa asɛ yaa ɛ. O ɛ ɡɛ dɛ́ won baɡle kɛŋɔ kpeɡri aa ɡwaa kpeɡri bwa la le o be. Ya be laa a le.

Hibru 9:11

Taraken te, Yeesu Kristo balɔ dɛ ba ɛ Sɔfonomoa, dɛɛ ɛ wefala aa bala dɛ do wer ya jemɛ a waa taraken nɔ la toma. Korowii Tɛnte Dea waa dɛ ɛ toma o bini la dɔ jirima, dɛ do wer kɛrɛdɛ ɡwaa onɔ la. Nɛwɛnyini laa doo, harɛ bonɔ kon laa.

Job Tɔn 4:19

he dɛ lii kɛŋɔ wɛɛ dɔ hwɛɡa nɛn waa kpɔ teera mao nɛɛ ya? Wɛɛ won sewɛ warane kɛŋɔ baa dɛ kpo konɡaahle la!

1 Pita 1:4

Ya dɛ hwɛɡɛ kondɔɔh waa kwaara cheɡ yaa la ta kɛŋɔ aa ɛ ya kwaa. O kwaa a bwa cheɡ heyaa Korowii doa, belaa aa wola pɔh, aa wola chɔɡ, aa wola tu bwa.

2 Kɔrent 5:4

Ya taa lɔ ya bwadabii aa do kɛ patare ta nɔ, ya bwara dɛ nyɛɡ, yaa hime. Ya bwadabii nɔ kpɔe dɛ le ya nɛɛ waa laa dena swɛɛ ya siwi. Ya Korowii doa bwadabii la doe waa swɛɛ ya siwi kohona, ásɛ o chiɡ bwadabii waa won sewa nɔ naa ta ya dɔ mkpa.

Mumpar 3:19

Hɛɛ kwee bɔwɔbee mɔɔ dɛ́ di kwa ka tel kɛŋɔ haa berɛ kaa teera maa kpɔa mae la bini, dɛkalkɛ teera hen, teera binii he berɛ dɛɛ ba kaala.”

Amanesoma Mak Aa Chwera Tɔn 14:58

“Ya noɔ waa dɛ bol ŋɔ wɛɛ paɡre Korowii Dea nɔ nɛwɛnyini aa mao nɔɔ, dɛ́ berɛ kpɔ tɔpera atoro ma onla nɛwɛnyini aa wola mae.”

2 Pita 3:11

Kwaa nɔ bwa aa dɛ ba fuih ken nɔ, dɛ ɛrɛɛ chɛ kɛ he doɔ? A chɛ kɛ he do ɡoroŋ he soɡa bini, dɛ́ kpɔ he te tɛ Korowii,

Kolosi 2:11

He ne Yeesu Kristo aa pɛa la, o teŋe he dobene la ta. O ɡe penteŋaa la. He te teŋa nɔ ta ɡɛ nɛwɛnyini aa dɛ teŋe la ɛɛ.

1 Jɔn 3:19

Anɔ taa yaa ba wona jemɛ kɛŋɔ ya cheɡɔ tɛ kasinteŋ la. Anɔ taa yaa ba bambisɔɔhna dɔe Korowii sie.

1 Jɔn 3:14

Ya jemɔ kɛŋɔ ya le seo nɔn ta dɛ ba dɔ mkpa, dɛkalkɛ ya dɛ nyin dɔŋa. Nomɛlbwa waa wola o dɔŋ nyin la ta lɔ seo nɔn ta.

Hibru 11:10

Dɛ Abraham dɔ bwɛjen bɛl hwɛɡa. A ɡɛ bwɛɛ la, Korowii ɡbaɡbaa vɔrɔwo, o che kiŋkiŋ. Waa paɡre bwa.

1 Kɔrent 3:9

Korowiirii dɔ yaa, ya ne o pɛ dɛɛ ɛ toma. Asɛ he ɡe do kɛŋɔ o koo waa dɛ parɛ, ne o dea waa dɛ do.

Yela 56:9

Awola maa wi yerɛ la, n dɔma ɛɛ berɛ habɔɔ, waa maa jema laanee kɛŋɔ hen Korowii ja n nɛ.

Job Tɔn 30:22

He laɡ mɛ ir che, dɛ ɡel peu ta dɛ kpɔ mɛ dɛɛ kaa, he vuɡ mɛ dɛɛ ta peukpeɡ bini bobɛlbwa.

2 Timoti 1:12

A waa mɛɛ na waa maa dɛ na nɔ la. Sihiih ɡe aa men kpo, dɛkalkɛ n jemɛ naate maa yaradao dɛ kpɔ n te tɛo, asɛ dɛ jemɛ kɛŋɔ wɛɛ wonoo kpoŋe n ne toma waa kpɔa do n nɔn ta la sɔnɔnɔɔ ken dɛ́ ka tel o bala tɔpere.

Aesaya 38:12

Ba lɛ me mkpa le harɛ nɔ ta, kɛŋɔ baa boŋi tɛnte dea baa baŋro. Gɛ yasɔɔh yon sɔh yal tonɛ dɛ́ laa teŋe la, ɡɛɛ n ɡe ɛɛ ba teŋa sewɛ. N liiro ŋɔ Korowii fe lɛ me mkpa tonɛ.

We-ɛɛla 7:48

Gɛ Korowii keame la aa baɡla la, Nemenɛ Korowii aa deene nɛwɛnyini aa maa la ta so. Korowii keame baɡle ɡɛ Korowii aa ŋɔa ŋɔ,