2 Kɔrent 4:14 - mzwDBL

¹⁴ Ya jemɔ kɛŋɔ Korowii waa ir ya Dɔɔ Yeesu seo ta la, onee dɛɛ ba ya banɔ la ya ne Yeesu aa pɛa la seo ta ira, dɛ́ kpɔ ya ne heyaa kaa o be.

2 Kɔrent 4:14 Referans Kwoze

1 Tesalonika 4:14

Ya yaradao kɛ Yeesu sewɔ dɛ ir. Gɛ tentenee yaa yarada kɛŋɔ Korowii dɛ ba banɔ la baa yarada Yeesu mɔɔ dɛ serewe la kpɔe dɛ́ ja Yeesu nɛɛ ba ne o ba ɡɛ saŋ waa ba la.

Tɔn Pɔɔl Aa Chwerɛ Rom Tena 8:11

Korowii waa ir Yeesu Kristo seo ta la, dɛ o Domadɛɛɡe lɔ he nɛ aa, ɡɛ Korowii aa iru seo ta la, wɛɛ che o Domadɛɛɡe la taa, dɛ́ tɛ he bwadabii aa dɛ ba pɔeh kerekere nɔ mkpa.

Tɔn Jud Aa Chwera 1:24

Korowii waa wona dɔ kpeɡri dɛ lawɛ heyaa haa wola chole, dɛ laa he doŋa bwa kpɔ he nɛ, dɛ ɡel he dɔ silɛɛ dɛ che o sie dɛ na o jirima la,

1 Kɔrent 6:14

Gɛ Korowii aa kpɔ o kpeɡri ir ya Dɔɔ Yeesu Kristo seo ta la, ɡɛɛ wɛɛ ba o kpeɡri la kpɔe dɛ́ ir ya ɡe seo ta.

Ɛfesos 5:27

O ɛ ɡɛ dɛ́ won kpɔ asɔre tena berɛ o handɛɛɡe, doŋa bɛlbwa aa wola toole o nɛ, waa wola kirihiah bɛlbwa dii, o bobɛlbwa aa wola jweremɛ, dɛ do wer ka tonɛ.

2 Kɔrent 11:2

He waa dɛ we n bwara kɛŋɔ he wa aa dɛ we Korowii nɛɛ la. He do kɛ haah waa wola baa jemɛ bwa, asɛ n kpɔɔ tɛ baa bɛl yal ken. Yeesu Kristo ɡbaɡbaa a ɡɛ baa nɔ, o ɡboo chɛ kɛ ó ɛ he jaa.

Kolosi 1:28

Ya waa yaa dɛ baɡle bwaa Yeesu Kristo la. Ya dɛ ja nomɛlbwa, dɛɛ baɡle nɛra bwa wejema bwa ne, ásɛ dɛ ba won kpɔ bɛlbwa ba Korowii be kɛ ba kpeɡ Yeesu Kristo waa ta, pɛɛ ba ne waa pɛa la nomanta.

Kolosi 1:22

Kɛ name Yeesu Kristo aa baa ɛ nɛn dɛ sewɛ la, Korowii cheɡɛ o seo la ta dɛ kwaa he ne o baah, dɛ ɡel he won do kaih doŋa bɛlbwa aa wola toole he nɛ, nomɛlbwa aa wola he waa dɔe ba dɛ bol awola haa ba che Korowii sie la.

Aesaya 26:19

Kɛ he nɛra baa serewa la ɛɛ iruu, dɛ́ berɛ dɔ bwadabii ja. He banɔ la haa lɔ lalbɔɔne bini, hé ir, dɛ́ ɡo silɛɛ yela! Gɛ mɛn yon ta kwaa ta aa do wer chɔɔbɔr la, ɡɛɛ Korowii ɛɛ ba banɔ la baa serewa la mkpa tɛɛ.

We-ɛɛla 2:24

Asɛ Korowii lɛo seo nɔn ta dɛ iru seo ta, dɛkalkɛŋɔ seo ta kpeɡri dɔe o nɛɛ dɛ́ lawɔ o bɛ won ir.

Amanesoma Luk Aa Chwera Tɔn 21:36

Hé ɡel he sie chɔ harɛ hɛɛ kpa dɛɛ soŋe Korowii tɔpere bɛlbwa, dɛ dɔ bokpeɡa dɛ le a ɡɛ waa aa chiɡ la nyoa, asɛ dɛ won che Men Nɛn Bie sie.”

We-ɛɛla 2:32

A ɡɛ Yeesu nɔɔ Korowii ir seo ta la. Ya bwa kpɔ ya sie nao dɛɛ diu danseɛ.

Jems 5:15

Dɛ ba kpɔ yarada dɛ soŋe Korowii aa, weela te la ɛɛ dɔ bokpeɡaa. Ya Dɔɔ la ɛɛ ɡeloo o bwara do kpeɡri. Dɛ wechɔɡa anee o ɛ kwaraa naa, Korowii ɛɛ kpɔɔ kɛo.