2 Kɔrent 3:12 - mzwDBL

¹² Ya dɔ hwɛɡa ɡɛ waa nɔ ta, anomanta, yaa ɔmɛ.

2 Kɔrent 3:12 Referans Kwoze

2 Kɔrent 7:4

He waa dɔ kasinteŋ n be. He ɡelɔ n baŋa ɛɛ pa taeh. Ya wenaale yaa dɛ na bwa habɔɔ la, n bwara ta hwaeh. N sie ta dɛ lɛ taeh.

Felepae 1:20

Waa maa dɛ nyin n siwi swɛɛ a ta laanee kɛŋɔ, n bɛ n toma ba ɛ kahonɛ sihiih kpo mɛ, kɛɛ n won dɔ bambile kɛrɛdɛ taraken kɛŋɔ n fa aa dɔ bambile la, ásɛ Yeesu Kristo won dɔ jirima n we-ɛɛla bini. Dɛ ba ɡelɔ n so le noo, ba kpo mɛ noo, Yéesu Kristo dɔ jirima a bwa bini.

We-ɛɛla 4:13

Dɛ Pita ne Jɔn aa tɔn jemɛ kohona bɛlbwa, dɛ ɛ nɛmpɛɛne baa wola Korowii waa hwele kohona bɛlbwa. Nomonome la aa na bambile la soo baa wona kpoŋe dɛɛ bol waa la, dɛ a ɛɛ ba anebɛlbwa. Belaa ba sie chaah ba nɛɛ kɛŋɔ ba fa teŋɛ Yeesu nɛɛ dɛɛ hwelu. An ɡela ba jemɛ waa dɛ dɔ bambile ɡɛ la.

Amanesoma Jɔn Aa Chwera Tɔn 16:29

Anee o habɔteŋra la ŋɔ, “Taraken te haa yaa sɛɡle kpa. He dɛ pili waa bini chasee.

1 Timoti 3:13

Banɔ la baa dɛ ɛ ba toma kɛrɛdɛ la dɛ dɔ sɔn, dɛɛ do kpeɡri yarada baa dɔa dɛɛ teŋɛ Yeesu Kristo nɛɛ la ta.

1 Tesalonika 2:2

He jemɔ kɛ ba tɔ sie ɛ yaa hɔhɔrɔwa Felepae dɛ chɛɡre yaa taeh mɔɔ ya ba he be Amanesoma la ne la. Kɛ Korowii tɛ yaa bansua ya won bol o waa la.

Kolosi 4:4

Hɛ́ɛ soŋo ń won dɛɛ bola kɛrɛdɛ ɡɛ aa chɛ kɛŋɔ ń bol a bwa a bini chaah la.

2 Kɔrent 10:1

Men Pɔɔl, n dɛ soŋe heya. Ba ŋɔ n lɔ he be naa, n pwɛre, kɛ n le he be te naa, n waa kpeɡri. N dɛ soŋe heyaa kɛŋɔ hé nyiŋi ɡɛ Yeesu Kristo aa pwɛra o tea do som la,

2 Kɔrent 4:13

Ba chwerɔ do Korowii Tɔn bini ŋɔ, “Maa yaradaa waa n bol.” Gɛɛ ya ɡee yarada. Yaa yaradaa waa yaa bol.

1 Kɔrent 14:19

Kɛ dɛ n lɔ asɔre, dɛ bol n bwɛɛ wobol tama asɛ nɛra won no aa, a bɔ kɛŋɔ maa kpɔ wobofala bol waa kohona nɛra ta a mun noɛ.

We-ɛɛla 14:3

Pɔɔl ne Banabas soɡe bela biɡri. Baa lɔ bela la, dɛ ba dɛ bol Yeesu waa bansua ne, dɛɛ baɡle ɡɛ waa dɛ sune nɛwɛnyini nɛɛ dɛɛ cha ba. O cha ba asɛ ba won dɛɛ ɛ nyokpowaa ne wekpeɡa, asɛ nɛra na dɛ jemɛ kɛ o waa baa dɛ bol la ɛ kpela.

We-ɛɛla 9:29

O ne Juu tena baa dɛ bol Grik wobol la bol waa dɛ tɔŋle waa kɛrɛdɛ, asɛ baa nyin bɔr dɛ́ kpoo.

We-ɛɛla 9:27

Belaa Banabas tɔ o sie dɛ kpɔɔ ba Yeesu toroma la be, dɛ baɡle ɡɛ Sɔɔl aa dɛ ba ŋwɛnɛ ta dɛ ba na Yeesu asɛ o bol waa o be. Banabas baɡle ɡɛ Sɔɔl aa wona bol waa Damaskɔs bambile ne Yeesu sɔn ta.

Amanesoma Jɔn Aa Chwera Tɔn 16:25

Anɔ maa bola baɡle heyaa nɔ ɛ sɛɡla, kɛ tɔpere bɛl dɛ ba bala maa wola heyaa sɛɡle kpa. Mɛɛ bol n Mɛɛ la waa he bee dɛ́ pili a bini chasee ken.

Amanesoma Jɔn Aa Chwera Tɔn 10:24

asɛ Juu tena ba baro cheme dɛ pɛɛro ŋɔ, “Ɛrɛɛ he ta ɡel yaa ɛ he waa aahna aahna ken nɔɔ? Dɛ henee Kristo la aa, den ɡel ya jemɛ.”

2 Kɔrent 3:11

Waa aa ɛa tɔpera anɛ dɛ tonɛ la, dɛ a dɔ jirima aa, dɛ anɔ la aa wola jaɡa dɔe bwa la, a jirima ta ɡwaalaa?

Felepae 1:14

Asɛ n dea chɔe la berɛ ɡel yabala ɡalɡa ɡee yarada ya Dɔɔ Yeesu kohona, dɛ́ dɔ bambile dɛ́ɛ baɡle Korowii Waa la kɛrɛdɛ, baa wola ɔmɛ.

Faelemɔn 1:8

He nɛnnyin nomanta, n dɛ nyin kɛ n soŋe waane. N fe dɔ ŋwɛnɛ Yeesu Kristo be pera kɛŋɔ ń di kpeɡri he nɛɛ dɛ́ ŋɔ hé ɛ ɡɛ aa wera kɛŋɔ he ɛ, kɛ maa ɡɛɛ ɛ.