2 Kɔrent 13:10 - mzwDBL

¹⁰ A waa n chwerɛ heyaa tɔn nɔ dɛ n ta he be balɛ mɔɔ la. N dɛ ɛ ɡɛ ásɛ dɛ bɛ sinyɛɡa ba kpɔ dɛɛ bol waa he be kpeɡri ya Dɔɔ la aa tɛ mɛ la ne. Korowii ŋɔ ń kpɔ a ɡɛ kpeɡri nɔ cha heya, o ta ŋɔe ŋɔ ń kpɔ chɔɡ heya.

2 Kɔrent 13:10 Referans Kwoze

2 Kɔrent 10:8

Dɛ n dɛ maŋkura kpeɡri ya Dɔɔ aa tɛ yaa ŋɔ yá kpɔ dɛɛ cha heyaa la aa, sihiih aa men kpo. O tɛ mɛ kpeɡri ń won cha heya. O ta men kpeɡri tɛɛ ń kpɔ chɔɡ heya.

2 Kɔrent 2:3

A waa n chwerɛ heyaa tɔn la. Dɛ maa nyin kɛ he nɛra haa chɛ kɛ he ɡel n sie lɛ la, n ba he be ásɛ he berɛ ba ɛɛ mɛ tebinichɔɡ wa, dɛkalkɛŋɔ n jemɛ he bwa waa kɛ n silɛɛ he silɛɛ.

Taetos 1:13

Kpelaa o bol, anomanta, di ba kasinteŋkpeɡ ba jemɛ, ásɛ dɛ ɡel ɡɛ da la, dɛ́ baa teŋɛ Korowii waa aa ɛ kasinteŋ la ta.

2 Kɔrent 13:8

Yaa won ɛ wobɛlbwa dɛ́ jo kasinteŋ la nɛ, chae a chɛ kɛ yaa chao.

2 Kɔrent 10:2

ásɛ dɛ no n be. Mɛɛ baɡle kpeɡri nɛra baa dɛ lii kɛŋɔ harɛ bonɔ waa ŋwɛnɛre taa ya teŋɛ dɛɛ ɛ ya waa la nɛɛ. Maa nyin kɛ n baɡle a ɡɛ kpeɡri la he nɛ.

1 Kɔrent 4:21

Ɛrɛ balaa hɛɛ nyin kɛ n ba he be nɔ? Hɛɛ charɛ he daa, ásɛ n nyin he waa dɛ́ ba bambisɔn ne kɛɛ, ń kpɔ chweema ba, dɛ́ ba tɛr he deŋne ɔ?

2 Kɔrent 13:2

N dɛ nyin n ŋɔ he banɔ la he fa aa ɛ wechɔɡa la, ne banɔ la baa kaa la be ŋɔ, n balɔ dɛ he ta ɡelaa, maa he ɡela ba, mɛɛ tɛr he deŋnee. N fa aa ba he be nɛɛtena la, n bolɔ, n kwaarɔ dɛɛ bol.

1 Kɔrent 5:4

Dɛ he baa cheme ya Dɔɔ Yeesu sɔn ta, o kpeɡri do he nɛ, n ɡe liire do he bini naa,

2 Kɔrent 6:6

Ya cheɡɛ ya ɡoroŋ yaa doa la ta, ne Yeesu Kristo ŋwɛnɛ la waa yaa jema, ne bambile yaa dɔa, ne ya tesom ta dɛ baɡle kɛ Korowii bonɔɔnaa yan. Ya cheɡɛ Korowii Domadɛɛɡe la yaa dɔa, ne ɡɛ yaa nyin nɛra tea bwa ne,

2 Kɔrent 10:4

Dɔmkwaa yaa dɛ yo a ne la, nɛwɛnyina kwaa laa. A ɛ Korowii dɔmkwaa o kpeɡri aa lɔ a ta, asɛ ya kpɔ dɛɛ paɡre dekpeɡa.