2 Kɔrent 12:7 - mzwDBL

⁷ Korowii aa nyin kɛ n kpɔ wejena maa naa chaahna ta la dɛɛ maŋkura n te. Anomanta, o ɡelɔ Bɔnsam kpɔ waane do n nɛɛ aa ha mɛ, dɛɛ tɔɡ mɛ kɛŋɔ sɔɔh, n bɛ won dɛɛ ɛ mbarafo.

2 Kɔrent 12:7 Referans Kwoze

Nɛra Kura 33:55

Dɛ he ta bela tena la doŋe le aa, banɔ la haa ɡel ba ba so la ɛɛ ɛo kɛŋɔ daa waa dɛ ba he siwi tɔɡa, kɛɛ sɔɔh waa tɔɡɛ he kuɡri la ken. Baa tɛ heyaa waa, harɛ haa dɛ ba o ta soɡa la ta.

Sitɔɔla 2:3

Anomanta, n dɛ bol he be kɛŋɔ maa ban doŋi tɛ heya. Mɛɛ ɡeloo ba berɛ sɔɔhne dɛɛ tɔɡre heya, ásɛ ba voɡa ɡe berɛ do kɛŋɔ baa harɛ heyaa bela.”

Galaasia 4:13

Kɛ he dɛ lii waa aa ɡela n ba he be loɡla la dɛ ba bol Yeesu Kristo Amanesoma la waa laɔ? Dɛ n bwara dɛ wee mɛ.

Daneɛl 5:20

Kɛ waa baa ɛ deŋnekpeɡ o nyu bini do kpeɡri wɛɛ ɛ mbarafo la, Korowii iru kora ta, jirima waa dɔa la paŋɔ.

1 Kɔrent 5:5

hé kpɔ naate bwadabii do Bɔnsam nɔn ta ó chɔɡo, ásɛ awola tɔpere ya Dɔɔ aa ba la, ó ɡe ba lɛ o doma te.

Mumpar 32:31

Jekɔb aa le Pɛneɛl dɛɛ kaa la dɛ wee leɔ. O kɛɡra la aa sora nomanta, dɛ o dɛ chole o ta.

Job Tɔn 2:7

Anomanta, Bɔnsam le Korowii be bela dɛ ka kpɔ ŋwɛrchɔɡa ta Job nɛ, le o nyu ta ba ta o napaala ta.

1 Timoti 3:6

A chɛ kɛ ó ɛ nɛn waa kpɔ o te tɛ Korowii dɛ yaradao biɡri, ɡɛ aa ɛ nɛra waa tɔ ba sie la nomanta, o nyu bini bɛ on som ba do ó maŋkura o te kohona, ásɛ o ba jo Korowii nɛɛ ɡɛ Bɔnsam aa ɛa la.

2 Webena 26:16

Kɛ Kooro Ussia aa ba dɛ di kpeɡri la, mbarafo nomanta o cholo. O waa ta kasinteŋ dɔe tɛ Korowii waa dɛ tomɔ, dɛ ka jo Korowii Dea ŋɔ o ka fuh daawiile a sɔɔh aa soma kon baa dɛ fuah a ta la ta.

Mmarare 8:14

he bɛ he te maŋkura dɛ́ ba soh Korowii haa dɛ tomɔ o lawɛ heyaa le Ijipt harɛ ta somanjiri dii ta la wa.

Mumpar 32:25

Baa la aa baa na kɛŋɔ waa won ɡo Jekɔb la, o kpɔ nɔn lɔ Jekɔb kɛɡra asɛ o sor.

2 Kɔrent 11:20

Nɛra kpɔ heyaa berɛ yoma, dɛ neɡre heyaa dɛɛ di, dɛɛ faah heya, dɛɛ nyiŋi he nyu baahna, dɛɛ kpaa he lwɛrɛme, kɛ he waane laa.

1 Kɔrent 4:11

Lɔr ne nyɔɡre dɛ kpo yaa, yakwanee yaa tɔ, nɛra ɛɛ lɔɔ yaa, ya ta sobɔr dɔe dɛ kpoŋe ba le fini.

Ɛsekeɛl 28:24

Bwɛɛre aa bar Israel cheme, ba ne baa wola somɛ, baa lii ba ne wechɔɡa, dɛ do kɛ jabalnadaŋɛre ne sɔɔhne tɛɛ ba la aa lee do kpa. Baa jemɔɔ kɛŋɔ menee Nemenɛ Korowii.’ ”

2 Webena 32:31

A balɔ kɛŋɔ Babelɔn harɛ ta nomonome tomɛ nɛra Kooro Hɛsɛkea be ŋɔ, bá ba pɛɛro ŋwɛnɛ waa cheɡɛ o ta, dɛ ɛ nyokpowe-ɛɛla la o harɛ la ta. Asɛ Korowii le o habɔɔ, dɛ daahno na kɛ wɛɛ di kasinteŋii kɛɛ.

Mmarare 17:20

Gɛɛ dɛ́ ɡel ó jemɛ kɛŋɔ o ta o bala Israel tena ɡwaalɛ. O bɛ tɔn la waa la ane laa kpɔ, dɛ bɛ ane ɡe kpɔ ja, ásɛ a ɡel o ne o naanar di kora dɛɛ biɡri Israel harɛ ta.”

2 Kɔrent 10:5

Nɛwɛnyina wejema baa dɛ maŋkuraa dɛɛ tɔŋle waa la, a ne webaɡla baa dɛ maŋkuraa kohona dɛɛ tɔŋle waa asɛ nɛra jemɛ Korowii kahonɛ la do kɛ dekpeɡa yaa dɛ ba wona paɡre la. Ya berɔ dɔ kpeɡri dɛ won berɛ nomɛlbwa liire, asɛ ba no Yeesu Kristo be.

Amanesoma Luk Aa Chwera Tɔn 13:16

Haah nɔ, Abraham naa on. Bene fi dɛ anuatoroo la Bɔnsam aa soɡe o nɛɛ dɛ chɔɡo, aah aa were kɛ bá doŋi Bɔnsam la le o nɛɛ Ona Tɔpere dɛ́ lɛo ta aa?”

Matiu 26:67

Ba ta nentane ta o siebɔr dɛ lɔɔro, dɛ tɔɔ kande. Banɔ la baa dɛ kpaa o lwɛrɛme dɛɛ chuɡru kwɛɛrɛre la yon berɛ pɛɛro ŋɔ,

Job Tɔn 2:6

Belaa Korowii ŋɔ Bɔnsam be ŋɔ, “A wer ɡa, n kpɔɔ do he nɔn ta, kɛ na kɛ haa on kpo.”

Hosia 2:6

Anomanta, mɛɛ kpɔ sɔɔhnee tɔɔ ŋwɛnɛ. Mɛɛ tɔɔ do waa wola won dɔ bɔr le.

Matiu 4:10

Anee Yeesu kɔro ŋɔ, “Le n jwɛɛh kaa, Bɔnsam! Korowii Tɔn baɡlɔ ŋɔ, ‘Dɛɛ duu N Naa Korowii dɛɛ tomɛ o ɡbo.’ ”

2 Kɔrent 10:10

Bane ɛɛ ŋɔɔ, “Pɔɔl tɔne nyoa kpeɡri to. Kɛ he na o ɡbaɡba aa, waa kpeɡe. O wobol ɡba ta wale dɔe.”

2 Kɔrent 12:1

A chɛ kɛ n maŋkura n te. N jemɔ kɛ aa wobɛlbwa kwaa te. Mɛɛ baɡle chaahna Korowii aa ɡela n na, ne waa waa pila baɡ mɛ.