2 Kɔrent 11:7 - mzwDBL

⁷ N fa aa baɡle heyaa Korowii Amanesoma la, n ta heyaa komɛlbwa sese lɛɛ. Maa pwɛr n te ɡɛ asɛ nɛra siwi ɛɛ su heyaa la, dɛ wechɔɡaa n ɛ aa?

2 Kɔrent 11:7 Referans Kwoze

2 Kɔrent 12:13

Bɔkwaa n ɛ tɛ asɔre tena baa kaa la maa wola ɛɛ tɛ heya ɔ? Anɔ la maa wola heyaa ɛɛ laanee kɛŋɔ, n ta heyaa hae suuɡa waa ta. Hé kpɔ n wechɔɡa kɛ mɛ!

1 Tesalonika 2:9

Yabala, haa ya toma ne ya koeh la waa lii kɛɛ? Ya ɛ toma chɔɔ ne jwaana bwa, ásɛ ya bɛ he bɛlbwa koeh do ɡɛ saŋ yaa lɔ he be dɛ bol Korowii Amanesoma la dɛɛ baɡle heyaa la.

2 Kɔrent 10:1

Men Pɔɔl, n dɛ soŋe heya. Ba ŋɔ n lɔ he be naa, n pwɛre, kɛ n le he be te naa, n waa kpeɡri. N dɛ soŋe heyaa kɛŋɔ hé nyiŋi ɡɛ Yeesu Kristo aa pwɛra o tea do som la,

1 Kɔrent 9:6

Kɛɛ n ne Banabas ɡboo chɛ kɛ ya koh mɔɔ dɛɛ di?

2 Tesalonika 3:8

Ya ta nomɛlbwa kondikwaa dii pɛɛpɛɛ. Ya ɛ toma chɔɔ ne jwaana dɛɛ koh kɛrɛdɛ, dɛ bɛ heyaa ha ya kondikwaa wa.

We-ɛɛla 20:34

He ɡbabir jemɔ kɛŋɔ ɡɛ saŋ maa lɔ he be la, bɔwɔbee n kwee mɔɔ n ne nɛra baa teŋɛ n nɛɛ la ɛɛ dɔ ya komɛlbwa.

1 Kɔrent 9:12

He dɛ tɛ bane ɡɛ. Dɛ ɡɛ nɛra la dɔ ɡɛ ŋwɛnɛ aa, amɔ dɛ ya te ta pɔeh yaa? Kɛ ya te aa ɡɛ kpeɡri la baɡle he nɛ, dɛ dɔ bambile wobɛlbwa ta dɛ bɛ Yeesu Kristo Amanesoma la ŋwɛnɛ tɔ.

We-ɛɛla 20:33

N sie ta nomɛlbwa suuɡa kɛɛ o yal ta beɡrɛ.

Tɔn Pɔɔl Aa Chwerɛ Rom Tena 1:1

Men Pɔɔl maa ɛ Yeesu Kristo bonɔɔ la, men chwerɛ tɔn nɔ. Korowiirii lee mɛ dɛ ɡel n ɛ Yeesu torome, dɛ kpɔ o Amanesoma tɛ mɛ ŋɔ mɛ́ɛ bol nɛra be.

2 Kɔrent 2:12

Maa baa tel Troas ŋɔ ń bol Yeesu Kristo Amanesoma la, n nao kɛŋɔ ya Dɔɔ pili ŋwɛnɛ tɛ mɛ kɛ ń ɛ toma bela.

2 Kɔrent 10:16

A taa yaa ba wona bol Amanesoma la harɛre aa lɔ sie la ta, ásɛ dɛ bɛ waa nɛra bane aa ɛa kpɔ maŋkura ya te.