2 Kɔrent 11:32 - mzwDBL

³² Maa lɔ bwɛjen Damaskɔs la, bwɛɛ la nomoa waa lɔ Kooro Aretas lɔɡa le nɛra ŋɔ báa daah doonyoone aa lɔ danjwɛɛ waa bar bwɛɛ la bwa cheme ta la, ásɛ dɛ laɡ mɛ.

2 Kɔrent 11:32 Referans Kwoze

2 Kɔrent 11:26

N ɡaaɡebala nɔ ta la, neerare suuɡo dɛ tɔ mɛ do, n do siswɛm ta ka, asɛ ŋwɛɛra baa dɛ kpo nɛra dɛɛ kpɔ ba laala ɡe fe ɛɛ nyin n kpoe. N bala Juu tena ne nɛra baa wola Juu tena ɛɛ bwa ɡe cheɡɛ n nɛɛ dɛ fe ɛɛ nyin n kpoe. Bwɛjena ta ne kpɔɡ baah ne mpo ta bwaa n na sibeɡrewa. N na sibeɡrewaa nɛra baa wola asɔre tena kpelakpela ɛɛ be.

We-ɛɛla 9:2

dɛ ka soŋo ŋɔ ó tɛo o nɔn bini tɔn ásɛ o kpɔ ɡaaɡe bwɛɛ la baa dɛ yerɔ Damaskɔs la cheremi deene ta, ásɛ dɛ o na Yeesu ŋwɛnɛfale tena la bɛlbwa naa, baalee yoo, haahnee yoo, ó laɡ ba dɛ́ vɔɡ ba, dɛ́ kpɔ ba ba Jerusalam.

We-ɛɛla 9:8

Sɔɔl iro che dɛ pili sie, kɛ dɛ waa na, asɛ ba lawɔ daa ba Damaskɔs.

We-ɛɛla 9:10

Dɛ asɔre te bɛl lɔ Damaskɔs baa yerɔ Ananias. O noɔ kɛŋɔ Yeesu aa dɛ yerɔ chaahna ta ŋɔ, “Ananias!” Asɛ o sɛh ŋɔ, “N Dɔɔ, menee la.”