2 Kɔrent 10:5 - mzwDBL

⁵ Nɛwɛnyina wejema baa dɛ maŋkuraa dɛɛ tɔŋle waa la, a ne webaɡla baa dɛ maŋkuraa kohona dɛɛ tɔŋle waa asɛ nɛra jemɛ Korowii kahonɛ la do kɛ dekpeɡa yaa dɛ ba wona paɡre la. Ya berɔ dɔ kpeɡri dɛ won berɛ nomɛlbwa liire, asɛ ba no Yeesu Kristo be.

2 Kɔrent 10:5 Referans Kwoze

Hibru 4:12

Korowii waa waa bola do kɛ kon o siwi aa lole, dɛɛ ɛ toma. A nyɛɡre ɡe ɡwaa naŋɡɔse bɛlbwa, hale dɛ́ fe won pere hweera le lileo ta, dɛ́ won jo sema bini, hale dɛ́ fe won pere hoɡa ne fɔɔla baah. A wono dɛɛ jemɛ nɛwɛnyini liire ne o wesɔɔhla bwa.

Aesaya 55:7

Nɛnchɔɡe ɡel wechɔɡa ɛɛ, dɛ́ charɛ o liire, dɛ́ berɛ ba Korowii yaa dɛ tomɔ be. O dɛ sune nɛn nɛ, dɛ kpɔ wechɔɡa dɛɛ kɛ o bambile bwa ne.

Tɔn Pɔɔl Aa Chwerɛ Rom Tena 7:23

kɛ n bwadabii ɡe berɔ do dor bɛl. O dɛ vuuɡi n bambile. N bwadabii aa Korowii Mmara la aa lɔ n bambile bini la ta teŋa nyin. Liichɔɡaa ɡela n bwadabii aa wola Korowii Mmara la ta teŋa nyin nɔ. A ɡɛ liire nɔ yaɡ mɛ yom.

Matiu 15:19

Liichɔɡa ne nɛŋkpoa, ne jwamane ne ŋwɛɛ wa, ne nyosone teŋa ne nɛra ŋwala, dɛ anɔ aa jaa bwa, bambile binii a le.

Tɔn Pɔɔl Aa Chwerɛ Rom Tena 1:21

Nɛwɛnyini jemɔ kɛŋɔ Korowii lole, kɛ baa on duu ɡɛ aa chɛ kɛ baa duuru. Baa jam kpɔe dɛɛ tɛo. Nɛwɛnyini wechɔɡa ɡelɔ ba wili, ba ta liire dɔe kpa.

1 Kɔrent 3:19

Harɛ nɔ ta wejema ɛ wesale Korowii be. Ba chwerɛ Korowii Tɔn bini dɛ ŋɔ, “Nɛra kpɔ wejema ŋwɛnɛ ta dɛɛ ɛ wechɔɡa, kɛ Korowii dɛ laɡ ba.”

Jeremia 4:14

Jerusalam tena, hé ɡel wechɔɡa ɛɛ ásɛ Korowii lɛ heya. Saŋ besoo hɛɛ ba he nyubinikpeɡ vɔrɔwa nɔ ɡela ɔ?

Yela 139:2

He jemɛ n harɛ soɡa ne n ira dɛ che bwa bini, n ne he baah jaŋne kwaraa naa, he jemɛ n nyu bini liire bwa.

1 Kɔrent 1:19

Ba chwerɛ Korowii Tɔn bini ŋɔ Korowii ŋɔ, “Mɛɛ ɡeloo nɛra wejema ne tɔn jema ɛ pɛɛpɛɛ.”

Sɛɡla 15:26

Korowii kii nɛnchɔɡa liire, nɛndɛɛɡa liiree dɛɛ lɛ o sie.

Yela 10:4

Nyubinikpeɡ tena waane laa Korowii wa, ba mbarafo, dɛɛ lii kɛŋɔ, Korowii waa ta hiaih.

Hibru 5:9

Waa wona teŋɛ o Mɛɛ ŋwɛnɛ ta kɛrɛdɛ ka tonɛ la, o berɛ nɛra baa dɛ teŋɛ o Yeesu ŋwɛnɛ ta bwa Lɛɛ, bá che o nɛɛ dɛ́ dɔ lɛɛ aa wola jaɡa dɔe bwa.

1 Pita 1:22

Taraken nɔ haa sɛh kasinteŋ la ta teŋa, asɛ a che a ta he doŋa le he nɛɛ hɛɛ nyin dɔŋa kɛrɛdɛ nɔ, hé den dɛɛ nyin dɔŋa kohona bambile bwa ne,

Ɛsekeɛl 17:24

Daa aa lɔ harɛ la ta bwa ɛɛ jemɔɔ kɛŋɔ men Korowii, n ɡelɔ daa waa do jaŋne mule, dɛ ɡel daa waa mula do jaŋne. N ɡelɔ da-lwɛɛ hol, asɛ daa waa hola moɡɛ papooni dɛ do wer. Men Korowiirii bola, mɛɛ ɛo.”

2 Tesalonika 2:8

Dɛ kon waa tɔa ŋwɛnɛ la baa le aa, belaa Wechɔɡa Te la ɛɛ ba bochaah lee nɛra jemɔ. Kɛ ya Dɔɔ Yeesu Kristo bala jirima ne o nyoa peu ɡbo kwara ɛɛ won kpoo buɡ ta.

Sɛɡla 24:9

Gɛne wemaɡla bɛlbwa ɛ wechɔɡa, asɛ nɛn bɛlbwa ɡe hah bammuɡli nɛn.

Amanesoma Luk Aa Chwera Tɔn 1:51

O chaɡle o kpeɡri dɛ doŋi nɛra baa dɛ lii ba te nɛnjena la ba peɡre.

2 Tesalonika 2:4

Wɛɛ ɛ o tenee dɛ́ ɡwaa komɛlbwa nɛra aa dɛ toma dɛɛ yera ba dɔɔranar, hale wɛɛ kpɔ Korowii Dea berɛ sobɔr dɛ́ ŋɔ onee Korowii.

Daneɛl 4:37

Name, men Kooro Nebukadnesa, n dɛ kpɛɛ Korowii waa dɛ di kora nyundua, dɛɛ tɛo sɔn ne jirima dɛkalkɛŋɔ, o waa toɡrɔ o wobɛlbwa ɡe do wer. Nomɛlbwa waa dɛ ɡɔɔ o te la, o won naate ne harɛ bala.”

Aesaya 59:7

He ɡbaŋre wechɔɡa ɛɛ ne nɛn waa wola wechɔɡa ɛɛ kpoe ta. Wechɔɡa lɛ he liire bwa, dɛɛ chɔɡ kwaa bobɛlbwa haa dɛ la.

Aesaya 2:17

Nɛn nyanyini ɛɛ ba harɛɛ ɡɛ saŋ, ásɛ maŋkurae nɛwɛnyini aa dɛ maŋkura o te la tonɛ. Korowii ɡbo sɔnee dɛɛ ba lee awola tɔpere,

Mmarare 15:9

Dɛ benanyoa nɛn aa di he kem he ɡel a ta la dɛ tel, asɛ nomɛl ba dɛ ba kemɛ suuɡa he be naa, bɛ koh kɛŋɔ ɡɛ tɔpere la dɛ tel dɛ́ vɔmɔ. Bɛ ɡel ɡɛ liichɔɡa nɔ ba he nyu bini, ásɛ o bɛ ba wi no Korowii ta he nɛ, á ba ɛ wechɔɡa tɛɛ.

2 Kɔrent 9:13

He we-ɛɛla nɔ ɛɛ ɡeloo nɛra na he yarada haa dɔa, dɛ́ jam Korowii a wa. Baa jam Korowiirii kɛŋɔ haa dɛ teŋɛ Yeesu Kristo Amanesoma la haa ŋɔa he yaradaa la ta. Nɛra ɛɛ jam Korowiirii kɛŋɔ nomɛlbwa aa wola heyaa doe, asɛ he ɡbaɡba ta tea dɛ tɛ ba ne nomɛlbwa kwaa haa dɔa nɔ.

Tɔn Pɔɔl Aa Chwerɛ Rom Tena 16:26

kɛ taraken te, o cheɡɛ o keamere waa baa chwera la ta, dɛ le a bwa ne baŋ. Korowii waa lole saŋ bɛlbwa la tɛ ŋwɛnɛ taraken ŋɔ nɛ́ra bol o waa la. O ɛ ɡɛ ásɛ ba bola dɛɛ baɡle nɛra bwa ásɛ ba yaradaa dɛ́ teŋɛ a ta.

2 Koranar 19:22

Koojen Senakerib, umee hɛɛ lii he nyu bini kɛ onee hɛɛ chɛɡre dɛɛ ɛo nɛnhɛla nɔɔ? Men Israel Nɛŋɡoroŋ laanee hɛɛ ɛ sisawaa la.

Tɔn Pɔɔl Aa Chwerɛ Rom Tena 1:5

O nɛɛ Korowii che dɛ sune n nɛ, dɛ cha mɛ, dɛ ɡel mɛɛ ɛ Yeesu toma dɛɛ baɡle nɛwɛnyina te bwa o waa ásɛ ba yaradaa dɛɛ ɛa, ásɛ o dɔ sɔn.

Aesaya 60:14

Nɛra ba fa aa ɛ heyaa hɔhɔrɔwa naanar ne banɔ la ba fa aa hah he ya, dɛɛ nyiŋi he nyubaah ɛɛ ba ɡuŋi he siee. Baa yerɛ he bwɛɛ Korowii Bwɛjen, Saayɔn, Israel Nɛŋɡoroŋ la Bwɛ.

2 Koranar 19:28

N no he deŋnekpeɡ we-ɛɛla, ne mbarafo haa dɛ ɛ, a chole n deŋna ta. Mɛɛ kpɔ ɡoŋaa do he mee ta, dɛ́ kpɔ kabaɡrare do he nyoa, dɛ́ berɛ kpɔe kpɔ ŋwɛnɛ haa kpɔ o ta ba la ta kaa.’ ”

1 Pita 1:2

Korowii waa ɛ ya Mɛɛ cheɡɛ jema waa jemɛ heyaa wubwa la ta, dɛ le heyaa kɛŋɔ o nɛra dɛ tɛ o te. O Domadɛɛɡe laanee ɡela he do ɡoroŋ, dɛ ɡel hɛɛ teŋɛ Yeesu Kristo waa ta, asɛ o chal yaɡle he doŋa he nɛ. Kórowii cha heyaa dɛ tɛ heyaa bosɔɔhna kohona.

Yela 18:27

He dɛ lɛ nɛra baa pwɛra, kɛ mbarafo tena te, he dɛ ba ba ne harɛ.

Job Tɔn 42:6

Anomanta, sihiih kpo mɛ n charɛ n liire dɛ so bomboɡ ne tɔɔ ta, á baɡle kɛŋɔ n bambile chɔɡɔ.”

Yela 18:44

Baa dena no n waa ba no n be, nɛŋhɔɔhra pwɛr ba te dɛ baa ɡuŋi n sie.

Kaala 5:2

Anee kooro la ŋɔ, “Umee Korowii n duuru, dɛ́ tɛ Israel tena ŋwɛnɛ ba kaalɔ? Maa Korowii bɛlbwa jemɛ, anomanta, maa ban ŋwɛnɛɛ tɛ ba kaa.”

Mumpar 8:21

Ola baa fuah la sɔɔh do Korowii som kohona asɛ o ŋɔ, “Nɛwɛnyini le o wechɔɡa ne o bechale saŋ, anomanta, maa nɛwɛnyina ne komɛlbwa maa taa chɔɡ ɡɛ maa tɔ sie chɔɡ bane la kpa.”

Jeremia 23:29

N waa la do kɛŋɔ nii, dɛ berɛ do kɛ hamba waa won bwea paɡra burbur ken. Men Korowiirii bola.

2 Kɔrent 11:20

Nɛra kpɔ heyaa berɛ yoma, dɛ neɡre heyaa dɛɛ di, dɛɛ faah heya, dɛɛ nyiŋi he nyu baahna, dɛɛ kpaa he lwɛrɛme, kɛ he waane laa.

Felepae 4:7

Belaa ó ɡe tɛ heyaa o bambisɔn waa ɡwaa bambisɔn te bwa nɛwɛnyini be á cha heya, dɛ́ ɡel he bambile ne liire chɔ bobeŋkpoŋ pɛɛ he ne Yeesu Kristo aa pɛa la wa.