2 Kɔrent 10:4 - mzwDBL

⁴ Dɔmkwaa yaa dɛ yo a ne la, nɛwɛnyina kwaa laa. A ɛ Korowii dɔmkwaa o kpeɡri aa lɔ a ta, asɛ ya kpɔ dɛɛ paɡre dekpeɡa.

2 Kɔrent 10:4 Referans Kwoze

2 Kɔrent 6:7

ne kasinteŋ bola ta, ne Korowii kpeɡri waa kpɔa cha yaa ta, dɛɛ baɡle kɛ Korowii bonɔɔnaa yan. Waa aa dɛ su Korowii siwi laanee ya dɔmkwa. A nee yaa yo diɡ ne ɡal ne, a nee yaa tɔ ya te ɡbemɡbe.

Jeremia 1:10

Na, n lee fini dɛ tɛɛ kpeɡri harɛre nɛra bwa nɛ, hé fuɡri dɛ́ kuuɡi dɛ́ chɔɡ, dɛ́ berɛ laɡ ba ir dɛ́ du, bá kpeɡ kɛŋɔ konduula ken.”

1 Kɔrent 2:5

Anomanta, nɛn wejema ta laa a che hɛɛ yarada Yeesu Kristo dɛɛ teŋɛ o nɛ. Korowii kpeɡri la taa a che.

1 Timoti 1:18

N bie Timoti, n dɔ waane dɛ́ bol he be, ásɛ he lawɛ a bini he Korowii toma ta. Gɛ ba fa aa cheɡɛ Korowii Domadɛɛɡe kpeɡri ta dɛ bol o toma waa tɛɛ kpeɡri hɛ́ɛ ɛ nɔ waa la, ɡɛ waa la tenten taa mɛɛ doe la. Anomanta, ɡel ɡɛ waa la doe ɡbemba ásɛ he won yo kɛrɛdɛ,

Tɔn Pɔɔl Aa Chwerɛ Rom Tena 13:12

Tɔpere waa kaa bɔr chaah la aa kanɛ kpa. Tɔɔ perɔ tonɛ. Hé ɡel ya ɡel waa aa ɛ biro bini waa ɛɛ, dɛ́ kpɔ bochaah laala do dɛ́ won yo biro bini wa.

1 Tesalonika 5:8

Ya te yaa ɛ bochaah ta nɛra nɔ, hé ɡel ya sie chɔ harɛ, ásɛ dɛ kpɔ yarada ne nɛnnyin ɛ ya laa batakaare kɛŋɔ baa do laa batakaare dɛɛ yo laa la, dɛ́ berɛ kpɔ hwɛɡa yaa dɔa ya Dɔɔ Yeesu be kɛŋɔ wɛɛ lɛ yaa la ɛ buni ɡbɛrɛ dɛ́ kpɔ pi.

2 Kɔrent 4:7

Waa nɔ bwa yaa jema nɔ do kɛŋɔ baa kpɔ kondɛɛɡa do viine bini la. Yanee viine la. Yaa kpeɡe, kɛ Korowii kpɔ o toma tɛ yaa asɛ yaa ɛ. O ɛ ɡɛ dɛ́ won baɡle kɛŋɔ kpeɡri aa ɡwaa kpeɡri bwa la le o be. Ya be laa a le.

Tɔn Pɔɔl Aa Chwerɛ Rom Tena 6:13

He bɛ he bwadabii bobɛlbwa kpɔ dɛɛ ɛ wechɔɡa. A chɛ kɛŋɔ hé kpɔ he te tɛ Korowii kɛŋɔ nɛra baa sewa dɛ ir, dɛ charɛ ba soɡa ne ba dor. Hé kpɔ he bwadabii bobɛlbwa tɛ Korowii, dɛ kpɔa dɛɛ ɛ waa aa toɡra.

2 Kɔrent 3:5

A ta ɛɛ kɛŋɔ ya dɛ lii kɛŋɔ ya won waane ɛɛ ya ɡbaɡba kpeɡri ta. Korowii bee ya dɔ kpeɡri dɛɛ ɛ anɔ la bwa yaa dɛ ɛ.

Yela 110:2

Korowii ɛɛ tɛɛ kpeɡrii Saayɔn, ásɛ he di kora he dɔma baa bare cheme nɛ.

Hibru 11:30

Korowiirii Israel tena yarada waa ba bɔ nsara bar Jeriko tɔpera anuanɛ, asɛ danjwɛɛ waa bar bwɛɛ la bwa cheme la kuuɡi.

2 Timoti 2:3

Dɛ wekpeɡa pui toma nɔ ta naa, ɡel he bwara nyɛɡ kɛ Yeesu Kristo sooja ɡbaɡba.

We-ɛɛla 7:22

Mosis hweli Ijipt tena waa bwa dɛ dɔ ba wejema bwa. Dɛ o wobol dɛ jo deŋne, o berɛ won wejena ɡe ɛɛ ja.

Aesaya 30:25

Awola Korowii aa ba kpoo he dɔma kohona dɛ́ kuuɡi ba dejaŋa ta la, nee ɛɛ palɔɔ le bwejaŋa ne deŋɡarere aa kaa nyundua bwa ta.

Josua 6:20

Bɛle la aa sia la, nɛra la do lɔŋɔre kohona asɛ danjwɛɛ baa maa bar bwɛjen la den kuuɡi kwaraa. Ate, laa tena la den jo bwɛjen la ta dɛ lɛ bwɛɛ la bwa dɔɔh.

2 Kɔrent 13:10

A waa n chwerɛ heyaa tɔn nɔ dɛ n ta he be balɛ mɔɔ la. N dɛ ɛ ɡɛ ásɛ dɛ bɛ sinyɛɡa ba kpɔ dɛɛ bol waa he be kpeɡri ya Dɔɔ la aa tɛ mɛ la ne. Korowii ŋɔ ń kpɔ a ɡɛ kpeɡri nɔ cha heya, o ta ŋɔe ŋɔ ń kpɔ chɔɡ heya.

1 Kɔrent 9:7

Dɛ he ɛ sooja dɛɛ kaa laa laa, toma la ta laa hɛɛ di aa? He parɛ koo aa, haa koo la kondikwaa di aa? Nateɡre besoo wola o nae elnee nyɔɔ?

Jeremia 23:29

N waa la do kɛŋɔ nii, dɛ berɛ do kɛ hamba waa won bwea paɡra burbur ken. Men Korowiirii bola.

2 Kɔrent 10:8

Dɛ n dɛ maŋkura kpeɡri ya Dɔɔ aa tɛ yaa ŋɔ yá kpɔ dɛɛ cha heyaa la aa, sihiih aa men kpo. O tɛ mɛ kpeɡri ń won cha heya. O ta men kpeɡri tɛɛ ń kpɔ chɔɡ heya.