2 Kɔrent 10:12 - mzwDBL

¹² Yanee bamewa ya kpɔ ya te maɡɛ nɛra baa dɛ lii ba te nɛnjena ɔ? Yaa ya nyu kpɔe dɛɛ bɔ ba. Ba yon nyiŋi ba bala we-ɛɛla dɛ kpɔ maɡɛ ba kwaa dɛ ŋɔ ba kwaa toɡrɔ. Ba ɡɛnɔ te!

2 Kɔrent 10:12 Referans Kwoze

Sɛɡla 27:2

Bɛ he te kpɛɛ, ɡel nɛra kpɛɛre.

Sɛɡla 26:12

Nɛn waa ɡɛna kohona la, hwɛɡa lɔ o nɛɛ ɡwaa nɛn waa dɛ lii kɛ o jemɛ wa, kɛ o ɡe aa jemɛ.

Amanesoma Luk Aa Chwera Tɔn 18:11

Belaa Farisii te la ir che dɛ soŋe Korowii o nyu bini ŋɔ, ‘Korowii, n dɛ jaame kɛŋɔ maa wola doe kɛ n bala baa dɛ bɔ apoo, baa wola kasinteŋ bol, dɛɛ bɔ jwamane nɔ. N dɛ jaame kɛŋɔ maa wola doe kɛŋɔ banchɔɡe nɔ waa dɛ lɛ toɔ nɔ.

2 Kɔrent 10:18

Naate waa dɛ kpɛɛ o te la, o laa nɛndɛɛɡe. Naate Korowii aa dɛ kpɛɛro la, onee nɛndɛɛɡe.

Tɔn Pɔɔl Aa Chwerɛ Rom Tena 15:18

Waa Yeesu Kristo aa cheɡɛ n nɛɛ dɛ ɛ he nɛra haa wola Israel tena ɛɛ bini la, maa lii kɛŋɔ mɛɛ won bol anfala ane ja a ta. A ɡbo waa n jemɛ. Anee kɛŋɔ taraken haa yarada Korowii waa nɔ. Waa Yeesu aa cha mɛ mɛɛ bol dɛɛ baɡle heya, ne waa waa cha mɛ mɛɛ ɛ,

2 Kɔrent 3:1

Yaa dɛ ŋɔ ken nɔ, kpɛɛraa yaa kpɛɛ ya te ja kɛɛ? A hiaoh kɛŋɔ ya kpoŋe tɔne aa baɡle ya nɛnsoo ne ɡɛ ya toma aa doa mɔɔ he lɛ yaa aa? Kɛɛ a hiaoh kɛ ya dɔ ane le he be ásɛ nɛra won yarada yaa aa?

Sɛɡla 25:27

Tooh kohona dii aa were, ɡɛɛ aa wola were kɛ he nyin sɔn kohona.

2 Kɔrent 5:12

Anɔ dɛ baɡle kɛ kpɛɛraa ya kpɛɛ ya te dɛɛ baɡle heyaa ja kɛɛ? Akai! Ya dɛ nyin ya baɡle heyaa wa, ásɛ he che a ta dɛ́ won dɛɛ maŋkura yaa nɛra baa dɛ chɔɡ yaa la be. Waa nɛwɛnyina aa dɛ naa laanee baa maŋkura. Baa nɛn bambile bini waa nyiŋi.

Job Tɔn 12:2

“Kpelaa, heyaa bol waa nɛra ɛɛ no, he toole n be naa, nomɛlbwa toole dɛ́ bol wejema waa n be kpa.

2 Kɔrent 10:11

A ɡɛ tena nɔ, a chɛ kɛ ba jemɛ kɛŋɔ ya toole he be naa, waa yaa chwera dɛɛ ha heyaa ta korɛ, asɛ waa yaa lɔ he be dɛɛ ɛ ɡe korɛ.