2 Kɔrent 1:17 - mzwDBL

¹⁷ Maa lii ken la, dɛ n le nɛn o liire aa dɛ ɛo aahna-aahna kɛɛ? N dɛ maɡle maɡla aa, n ɡbo kɛrɛdɛɛ mɛɛ nyiŋi kɛŋɔ nɛwɛnyina aa dɛ ɛ, ásɛ a wer tɛ mɛ naa, n ŋɔ ɔɔh, dɛ buɡ ta n berɔ na kɛ aa were tɛ mɛ naa, n ŋɔ ɔɔhɔh kɛɛ?

2 Kɔrent 1:17 Referans Kwoze

Matiu 5:37

Ba dɛ bɔɔre waa dɛ a ɛ kpela aa, sɛh ŋɔ, ‘Ɔɔh,’ dɛ nyosone ɡee yaa, ŋɔ, ‘Ɔɔhɔh.’ He bol waane ja a ta naa, amɔ a te le Bɔnsam be.

Jems 5:12

Yabala, anɔ la aa jaa dɛ ɛ siswɛm waa laanee kɛ, he bɛ Korowii kɛɛ harɛ kɛɛ komɛlbwa dɛɛ ŋwɛɛ. Ba dɛ bɔɔ heyaa waa dɛ a ɛ kpela aa, hé sɛh ŋɔ, “Ɔɔh,” dɛ nyosone ɡee yaa, hé ŋɔ, “Ɔɔhɔh.” He bɛ ŋwɛɛ ja, ásɛ a bɛ wechɔɡa ɛ dɛ́ tɛ heya.

Amanesoma Jɔn Aa Chwera Tɔn 8:15

Harɛ nɔ ta liiree he kpɔ nyiŋi nɛn dɛɛ bol wa, kɛ n te aa bole pa.

Jeremia 23:32

Anomanta, n ne nɛra baa cheɡɛ chaahna ta, dɛ teŋe nyosone dɛɛ maŋkura ba te la dɔɔ. Ba bola dɛ ɡel n nɛra ɛɛ nyoɡre, dɛ n ɡe laa tom ba. Ba waa la aa nɛra nɔ cha tama bɛlbwa. Men Korowiirii bola.”

2 Kɔrent 1:12

Webeŋkpoŋii ɡela ya baŋa pa. Anee kɛŋɔ yaa wonoo ŋɔ bambile bwa ne kɛŋɔ wobɛlbwa yaa ɛa harɛ bonɔ la, tepoŋ ne bambile bwa nee ya ɛa Korowii ŋwɛnɛ ta, a laa kɛ waa yaa ɛa he be la. Korowiirii sune ya nɛɛ dɛ cha yaa ya ɛa. Harɛ bonɔ wejema ne laa ya ɛa.

Sefania 3:4

O keamere waa ta kasinteŋ dɔe, ba dɔ mbarafo. O sɔfore kpɔ doŋa dɛɛ kah kwaa aa do ɡoroŋ, dɛɛ ɡole Korowii Mmara ɡɛ baa dɛ nyin.

Sitɔɔla 9:4

Ba kpɔ suuɡapoŋa fifraanuanɛ le ba voɡ Baal Bɛret dea ba tɛo. O kpɔ ɡɛ suuɡa la bɔ nɛra ba siwi aa kpeɡa paa ba ba teŋɛ o nɛ.

1 Tesalonika 2:18

Yaa dɛ nyin he be bala la, ya takapɔ ɡɛ yaa ɛ dɛ na heyaa ja. Men Pɔɔl yon takapɔ kɛ n fe ɛɛ ba he bee. Kɛ Bɔnsam aa yaa ŋwɛnɛ tɛ.

Galaasia 2:2

Korowiirii ɡela n jemɛ dɛ la ba be. N tɔ sie la asɔre tena nomonome be n ne ba ɡbo so, n baɡle Yeesu Amanesoma maa dɛ bol nɛra baa wola Juu tena ɛɛ be la bwa ásɛ ba jemɛ n wa, ásɛ n toma maa ɛa ne anɔ la n ta aa dɛ ba ɛɛ la bɛ pɛɛ ɛ.

Galaasia 1:16

A ɛo silɛɛ kɛŋɔ ó ɡel n jemɛ o Bie la, dɛ́ won baɡle o Amanesoma nɛŋhɔɔhra baa wola Juu tena ɛɛ la be. Waa lee mɛ ɡɛ la, n ta taarɛ baɡle nomɛlbwa ŋɔ ó baɡ mɛ ɡɛ maa ɛ mɔɔ dɛ́ jo o toma la ta.

Matiu 1:19

Dɛ o jaa Josef la ɛ nɛndɛɛɡe o wa ɛɛ su Korowii siwi. Dɛ o fe aa nyin kɛŋɔ ó do Mɛɛre sihiih nɛnfuuh baah ta, dɛ fe ɛɛ nyin kɛŋɔ ó sɔh dɛ́ vɛoh.

2 Kɔrent 11:18

Bane aa koh harɛ bonɔ kwara waa dɛɛ maŋkura ba te nomanta, n ɡee maŋkura n tenee.