2 Kɔrent 1:10 - mzwDBL

¹⁰ O lɛ yaa le siswɛm a fe aa chɛ kɛ ya sewɛ a ta la ta. O ta dɛ lɛ yaa. Ya kpɔ ya sie dawɛ o nɛɛ kɛŋɔ wɛɛ teŋɔɔ dɛɛ lɛ yaa.

2 Kɔrent 1:10 Referans Kwoze

1 Timoti 4:10

Koeh yaa dɛ swɛɛ siwi dɛɛ ɛ o toma nɔ bwa, Korowii waa lole saŋ bɛlbwa la nɛɛ ya sie dawɛ. Onee dɛɛ lɛ nɛn te bɛlbwa. Nomɛlbwa waa yaradao dɛ kpɔ o te tɛo la, o dɛ lɛo.

2 Pita 2:9

He nyiŋo na naa, dɛ Korowii te jemɛ ɡɛ waa dɛ lɛ nɛra baa dɛ ɔmɔ dɛɛ le Bɔnsam daahna ta, dɛ jemɛ ɡɛ waa dɛ tɛr wechɔɡ-ɛɛra deŋne, dɛ́ ka tel awola waa ba bol nɛra bwa waa dɛ́ pa bole la.

Yela 34:19

Nɛra ba wa aa toɡra ɛɛ won na wahala kohona, kɛ Korowii lɛɛ ba dɛɛ le a bwa ta,

1 Samoɛl 17:37

Korowii waa lɛɛ mɛ le nyujente ne sisire nɔn ta la, wɛɛ lɛɛ mɛ le Filisti te nɔ nɔn ta.” Ate, Kooro Sɔɔl ŋɔ Devid be ŋɔ, “Kaa, Korowii ja he nɛ.”

Tɔn Pɔɔl Aa Chwerɛ Rom Tena 15:31

Hé soŋe Korowii tɛ mɛ ásɛ o kpɔ nɔn tɔ n nɛɛ Juda harɛ tena baa wola Yeesu yarada la bini, ásɛ waa maa dɛ la ka ɛ Jerusalam Korowii nɛra ba wa aa toɡra bini la, bá sie lɛ a ta,

2 Timoti 4:17

Kɛ ya Dɔɔ la cheɡɛ n habɔɔ dɛ tɛ mɛ kpeɡri n won bol Amanesoma la bwa, asɛ nɛra baa wola Juu tena ɛɛ la bwa no. Korowii lɛɛ mɛ le siswɛm ta kɛŋɔ nɛn baa lɛo le nyujente nyoa ta ken.

We-ɛɛla 26:21

Gɛ waa nɔ waa Juu tena laɡ mɛ ɡɛ saŋ maa lɔ Korowii Dea la, dɛ fe ɛɛ nyin n kpoe.

Aesaya 46:3

Israel tena haa kaa la bwa, hé no n be. Menee nyiŋi he nɛɛ le ɡɛ saŋ baa lolɛ bwa.

1 Samoɛl 7:12

Ate, Samoɛl kpɔ bwe bɛl pa Mispa ne Sɛn baah ta. Dɛ pa o sɔn Ɛbɛneesa dɛ ŋɔ, “Bonɔɔ Korowii cha yaa ya ba tel.”

Daneɛl 3:17

Dɛ ba kpɔ yaa ka do fononoo nijena aa dɛ hɔ kohona bini naa, Korowii yaa dɛ tomɔ la ɛɛ won lɛ yaa le o ta, dɛ́ won lɛ yaa he nɔn ta ɡe.

Daneɛl 6:16

Ate, Kooro Dareɔs ɡel ba lawɛ Daneɛl ba, dɛ kpɔɔ ka ta nyujentena be a bɔɔ bini. Kooro la ŋɔ Daneɛl be ŋɔ, “Kórowii haa dɛ tomɔ tɔpere bɛlbwa la lɛɛ.”

2 Kɔrent 1:9

Ya te fe jemɔ kɛŋɔ yaa sewɔɔ, kɛ ya ta sewɛ. Korowiirii ɛa ɡɛ ásɛ ya bɛ ya ɡbaɡba bokpeɡa ta dɛɛ hwɛɡɛ, ásɛ dɛ kpɔ hwɛɡa do on waa dɛ ir nɛra seo ta la nɛ.

2 Kɔrent 6:9

Baa yaa komɛlbwa yerɛ, kɛ nɛra bwa ɡe jemɛ yaa. A fe chɛ kɛ ya sewɛ, kɛ yan soɡe le la. Ba ɛ yaa hɔhɔrɔwa, kɛ ba ta yaa kpoe.