1 Webena 9:27 - mzwDBL

²⁷ Baa dɛ daah bela la nomanta, jwaana bwaa ba yon so dɛ bar, doonyoo la safoone do ba be ba kpɔ dɛɛ pila chɔɔ bɛlbwa.

1 Webena 9:27 Referans Kwoze

Tɔn Pɔɔl Aa Chwerɛ Rom Tena 12:7

Dɛ he dɔŋa toma kpeɡrii Korowii tɛɛ naa, a chɛ kɛ hɛɛ ɛ ɡɛ. Dɛ waa baɡla kpeɡri ɡee o tɛɛ naa, a chɛ kɛ hɛɛ baɡle.

Malakae 1:10

O berɔ ŋɔ, “N dɛ nyin kɛ he sɔfore la bini bɛl fee tɔɔɡe men Korowii Dea ɡbeni, bela haa joa dɛ kaa ɛ saraha la, ásɛ he bɛ won jo ka choŋi nii saraha kon la ta ɛ sarahasale. N sie aa he nɛɛ lɛ, maa he nɔn ta saraha kon bɛlbwa ɡee lɛ.

1 Samoɛl 3:15

Samoɛl chɔɔ asɛ tɔɔ per chɔmbibi o ir dɛ ka ya Korowii Dea ɡbeni la. Dɛ o dɛ ɔmɛ kɛ o bol waa waa noa le Korowii be la Eli be,

1 Webena 9:26

Kɛ nomonome banaarɛ baa ɛ Lewi dea tena dɛ chɔ doonyoo la nyoo la, ba nɔn taa ba kpɔ deene baa dɛ cheɡ laala a yoɡ aa kpeɡa a bini bela la do.

1 Webena 9:28

Ba bini bane chɔ laala baa kpɔa dɛɛ ɛ toma bela nyoa. Mɔɔ bá paa le kɛɛ dɛ́ paa baa jo dea la bini la, ba dɛ kura.

Yela 134:1

Hé kpɛɛ Korowii, hé nɛra haa ɛ o bonɔɔna bwa, hé banɔ la haa dɛ tomɔ o Dea jwaana.

Jeremia 35:4

dɛ ba ba ne Korowii Dea bela. N laɡ ba jo Iɡdalia bibaa Hanan waa ɛ Korowii keame, ne o habɔteŋra dea. Gɛ dea nɔ lɔ Salum bibaa Maaseya dea nyunduabɔr, dɛ Salum dɛ daah Korowii Dea doonyoa, asɛ nomonome la bini bane ɡe baa jaa kwaa teŋɛ.