1 Webena 5:20 - mzwDBL

²⁰ Korowii cha ba dɛ ɡel ba pɔ ba nɛ, dɛ kpɔ Haɡri tena ne nɛra baa ja ba nɛɛ bwa do ba nɔn ta, dɛkalkɛ laa la ta la, ba wio no Korowii.

1 Webena 5:20 Referans Kwoze

Yela 9:10

N Naa Korowii, nɛra baa jemɛ kɛrɛdɛ bwa ɛɛ yaradae, haa banɔ la baa dɛ nyin he bɔr la vɛh.

2 Webena 18:31

Laa sitɔɔla la aa na Kooro Jehosafat la, ba liiro ŋɔ Israel kooroo, asɛ ba laa berɛ ŋɔ bá ka yoo. Kɛ waa dɛ dooɡe lɔŋɔre la, Korowii chao dɛ ɡel ba laa berɛ kaa.

1 Webena 5:22

asɛ dɛ kpoo nɛra baa wara keri ne, dɛkalkɛ dɛ Korowiirii yoa dɛɛ tɛɛ ba. Ate, ba so harɛ la ta ka tel kɛŋɔ baa laɡ ba kaa harɛfale ta.

Josua 10:42

Josua ne o laa tena kaa yo a ɡɛ koranar nɔ ne ba nɛra, dɛ ba harɛre la teŋɛ dɔŋa nɛ, dɛ pɔ ba nɛ. Korowii Israel tena aa dɛ tomɔ laanee yoa tɛɛ ba.

Josua 10:14

Waa nɔ dɔŋa ta chiɡe saŋ bɛlbwa bwa, kɛɛ Korowii no nɛwɛnyini wesoŋa ken bwa. Kasinteŋ, dɛ Korowiirii fa yoa dɛɛ tɛ Israel tena.

Neehum 1:7

Korowii wer, o kpɔ nɔn dɛɛ tɔ o nɛra nɛɛ ba wenaale tɔpere, dɛɛ nyiŋi nɛra baa dɛ yaradao nɛ.

1 Koranar 22:32

Laa sitɔɔla la aa na Kooro Jehosafat la, ba liiro ŋɔ Israel kooroo, asɛ ba laa berɛ ŋɔ bá ka yoo. Kɛ waa dɛ dooɡe lɔŋɔre la,

1 Samoɛl 19:15

Anee Kooro Sɔɔl berɛ tom ba Devid be ja ŋɔ, “Hé la ka kpɔɔ le o mpa ta ba tɛ mɛ, ásɛ n kpoo.”

Kaala 17:11

Mosis baa ir o nɔɔra aa, dɛ Israel tena dɛ pɔ ba nɛ. O ba nɔɔra ne harɛ naa, dɛ Amalɛk tena ɡe berɔ dɛɛ pɔ Israel tena nɛ.

2 Webena 20:12

Henee Korowii yaa dɛ tomɛ. Tɛr ba deŋne, dɛkalkɛ ya ta kpeɡri dɔe dɛ́ won che laa tena baa wara dɛɛ ba ya nɛɛ nɔ sie. Yaa jemɛ ɡɛ yaa ɛ, he siwi taa yaa nyiŋi.”

1 Samoɛl 7:12

Ate, Samoɛl kpɔ bwe bɛl pa Mispa ne Sɛn baah ta. Dɛ pa o sɔn Ɛbɛneesa dɛ ŋɔ, “Bonɔɔ Korowii cha yaa ya ba tel.”

Ɛfesos 1:12

ásɛ nɛra won nyiŋi ya banɔ la yaa fela dɔ hwɛɡa Yeesu Kristo waa ta la, dɛ́ kpɛɛro, dɛ́ tɛo jirima.

Yela 46:1

Korowiirii ya chwa kaa marɛ wɛɛ tɛ yaa bokpeɡa ya wenaale bwa ta, o ja ya nɛ.

Mumpar 25:21

Dɛ hambaraa. Asɛ Aesek soŋe Korowii o haah Rebɛka kpoŋe tea.

1 Webena 5:21

Ba lawɛ Haɡri tena kondɛɛra bwa kaa. Nyoɡmare lɔ kaɡboŋa fifraanue, ne peera kaɡboŋa lafraanɛ fifraanue, dɛ keeɡore kaɡboŋa anɛ. Ba lawɛ nɛra kaɡboŋa lafa laa la ta,

2 Webena 33:13

Korowii no o wesoŋa, a che a ta o ɡel ba berɛ kpɔɔ ba Jerusalam o ba di kora ja. Anɔɔ ɡela Kooro Manasɛ jemɛ kɛŋɔ Korowii ɛ kasinteŋ Korowii.

Ɛsra 8:23

Anomanta, ya vɔwɛ nyoa dɛ soŋe Korowii ŋɔ o lɛ yaa le ɡɛ waa nɔ ta. Asɛ o no ya wesoŋa, dɛ lɛ yaa.

Yela 37:40

O kpɔ nɔn dɛɛ tɔ ba nɛ, dɛɛ lɛɛ ba, o lɛɛ ba dɛɛ le nyubinikpeɡ tena nɔn ta, dɛkalkɛ, onee ba chwa kaa marɛ.

Daneɛl 6:23

Kooro sie lɛo kohona, o ŋɔ bá ka lawɛ Daneɛl le bɔɔ la bini. Asɛ ba la ka lawɔ le bɔɔ la bini, dɛ komɛlbwa ta o bobɛlbwa ɛɛ, dɛkalkɛ o yarada Korowii waa dɛ tomɔ.

Mumpar 49:19

Ŋwɛɛra ɛɛ bao dɛ́ ba yo Gad. Kɛ o ɡe ɛɛ berɔ teŋɛ ba nɛɛ dɛ́ yoo ba.

Josua 23:10

He bini beŋkpoŋ ɛɛ won doŋi kɛɛ dɛ́ pɔ laa tena kaɡboŋ nɛ, dɛkalkɛŋɔ Korowii haa dɛ tomɔ laanee yoa dɛɛ tɛ heya, ɡɛ waa baɡɛ heyaa nyoa la.

2 Webena 13:18

Gɛɛ Juda tena pɔ Israel tena nɛ, dɛ sɔɔh ba nyoa, dɛkalkɛ ba kpɔ ba te dawɛ Korowii ba naawa aa tomɔ nɛ.

2 Webena 26:7

Korowii chao o pɔ Filisti tena ne Arab tena baa soɡe Gur Baal, dɛ Meuni tena nɛ.

Yela 37:39

Korowii dɛ lɛ nɛra ba wa aa toɡra, dɛɛ lɛɛ ba ba wenaale ta.

Sɛɡla 29:25

Nɛwɛnyini ɔma do kɛŋɔ bel ken, nomɛlbwa waa dɛ yarada Korowii la, dɛ́ dɔ o nyu.

Jeremia 39:18

Mɛɛ kpɔ nɔnee tɔ he nɛ, baa wola won kpoe. Hɛɛ chwao dɛ lɛ he nyu, dɛkalkɛ he kpɔ he te dawɛ n nɛ. Men Korowiirii bola.’ ”