1 Webena 29:2 - mzwDBL

² N takapɔ nyin laala baa kpɔ do Korowii maa dɛ tomɔ Dea la. N dɔ suuɡaswɛm ne suuɡapoŋa ne ayaawa ne bune ne daa, ne bwedɛɛɡa ane a yoɡ aa kpeɡa baa yera onis ne tɛɛkoes, dɛ bwea bwa soo siwi, a warɔ kɛrɛdɛ.

1 Webena 29:2 Referans Kwoze

Kolosi 3:23

Wobɛlbwa haa dɛɛ ɛ la, hɛ́ɛ ɛa bambile bwa ne kɛŋɔ he Dɔɔ Yeesu Kristoo he ɛ dɛɛ tɛ. Nɛn laa he ɛ dɛɛ tɛ.

Wejereme 9:10

Do sie dɛɛ ɛ toma bokpeɡa bwa ne, dɛkalkɛ lalabwɛɛ haa dɛ ba kaala la, toma ɛɛ kɛɛ waane vɔrɔwa, kɛɛ waa mun noe, dɛ wejema toole bela.

2 Kɔrent 8:3

Mɛɛ wonoo ŋɔ ba ta tea tɛ yaa kwaa ɡɛ ba bokpeɡa aa tela, hale ba tɛo ɡwaa ba bokpeɡa del kwara. Ba ɡbaɡba tetooraa ba ɛ ɡɛ, nɛn laa do ba.

Job Tɔn 28:16

Haa won kpɔ suuɡaswɛm koŋkwaa dɔɔ, haa won kpɔ bwedɛɛɡa a yoɡ aa kpeɡa dɔɔ.

Kaala 39:13

naarɛte la ɛ solmen waa dɛ nyɛɡle kresolet, ne bwelwɛɛ onis dɛ bwelwɛɛ waa dɛ nyɛɡle jasepa. Ba cheɡa suuɡaswɛm kwaa ta a lawa kpoŋe.

Kaala 39:6

Ba cheɡ onis bwedɛɛɡa la suuɡaswɛm kwaa ta a lawa kpoŋe, dɛ ɛ Jekɔb bibaala sɔna dawɛ a ta. Nɛn waa dɔ a ɡɛ wejemaa ɛa.

Kaala 28:20

Naarɛte la ɛ bwe waa ɛ solmen dɛɛ nyɛɡle baa yerɔ kresolet, ne bwelwɛɛ onis dɛ bwelwɛɛ waa dɛ nyɛɡle baa yerɔ jasepa. Cheɡa suuɡaswɛm kwaa la ta á lawa kpoŋe.

Kaala 28:17

Bil bwedɛɛɡa a yoɡ aa kpeɡa bɔre anaarɛ á dawɛ o ta. Anɔ la aa tɔ sie la chɛ kɛŋɔ á ɛ bwe bɛl waa swɛɛra peihpeih baa yerɔ rubi, ne bweswɛm bɛl waa do kɛŋɔ solmen baa yerɔ topas, dɛ bwelwɛɛ bɛl baa dɛ yerɔ bɛrel.

Mumpar 2:12

Suuɡaswɛm tenten ne bwedɛɛɡa a yoɡ aa kpeɡa, ne konsɔɔhsoma a sɔɔh aa soma lɔ bela.

Matiu 4:24

O waa perɛ Siiria harɛ bobɛlbwa, anomanta, bela tena kpɔ ba weela tena baa dɛ we weela bwa soo siwi dɛ ba o be. Banɔ la kwaa aa dɛ ir ba nɛ, ne banɔ la baa dɛ we ɡbuŋɡbuŋri, ne banɔ la ba nɔɔra ne ba nakpale aa serewa bwaa ba kpɔ ba Yeesu be o chaah ba.

1 Webena 29:3

Anɔ bwa habɔɔ, maa dɛ nyin Korowii Dea la kɛrɛdɛ nomanta, n berɔ kpɔ n ɡbaɡba suuɡaswɛm ne suuɡapoŋa dɛɛ tɛ bá kpɔ ɛ o toma.

1 Webena 29:19

Gel n bie Solomɔn kpɔ o bambile bwa dɛɛ teŋɛ wobɛlbwa haa doo ta, ó won ma Korowii Dea maa kpɔ o laala tɛo nɔ.”

Kaala 28:9

Kpɔ onis bwedɛɛɡa a yoɡ aa kpeɡa anɛ, ásɛ dɛ chwerɛ Jekɔb bibaala sɔna dawɛ a ta.

2 Webena 3:6

Dɛ kpɔ bwedɛɛɡa a yoɡ aa kpeɡa ɛ Korowii Dea la bwa o do wer. Suuɡaswɛm waa yawa la le Paavaem harɛ ta.

Job Tɔn 28:1

Job berɔ ŋɔ, “Bela baa dɛ kwi suuɡapoŋa lole, bela baa laa doŋa dɛɛ kpɔ suuɡaswɛm ta ɡe do le.