1 Webena 28:18 - mzwDBL

¹⁸ ne suuɡaswɛm tenten baa kpɔ ɛ kon baa dɛɛ fuh daawiile a sɔɔh aa soma o ta ne a tɔɡre. Kooro Devid kpɔ kon waa do kɛ torɔɡo baa kpɔ Kerobim baa kpɔ suuɡaswɛm tenten ɛa, a paɡri kena tɔ Korowii Ne Nɛwɛnyina Fɔo Daka la ta ne a tɔɡre ɡe baɡlo.

1 Webena 28:18 Referans Kwoze

Hibru 9:5

Ba kwaa kena kwaa anɛ ane baa dɛ yera Kerobim la chɔŋɛ Daka la ta a paɡri kena tɔ o ta a sie chaɡɛ dɔŋa. Belaa ba laa Korowii bandia dɛɛ kpɔ o nɛra nɛɛ la, aa baɡle kɛŋɔ Korowii jirima lɔ bela. Yaa won dɔ bɔr taraken dɛ baɡle kwaa nɔ waa bwa ka tonɛ.

Yela 99:1

Korowii dɛ di kora, asɛ harɛre nɛra bwara ɛɛ chel. O soɡe kookara ta nyundua Kerobim baah ta, asɛ harɛ ɛɛ jiɡri.

Yela 80:1

Israel Peteɡre, no ya wii. Henee tɔ Josef naanar sie kɛŋɔ peteɡre, dɛ so he kookara ta, Kerobim la baah ta.

Yela 68:17

Korowii dɔ kwaa aa do kɛ torɔɡore, baa wola won kura, dɛ le Sinai Bwejen ta, dɛɛ ba o Dea la ta.

Yela 18:10

Kerobim taa o so dɛɛ ɡah, peu kena taa o kpɔ ba.

1 Koranar 7:48

Kooro Solomɔn berɔ kpɔ suuɡaswɛm ɛ Korowii Dea la bini laala. Anee, suuɡaswɛm kon baa dɛ ɛ saraha o ta, ne teeburre baa kpɔ paanoo baa bil o ta Korowii sie,

1 Samoɛl 4:4

Anomanta, ba tomɛ baala ba la Silo, dɛ ka kpɔ Nemenɛ Korowii Ne Nɛwɛnyina Fɔo Daka le bela Korowii Waa Ɛ Koranar Bwa Kooro aa soɡe Kerobim la doa o kookara ta la ba. Eli bibaala banɛ, Hofni ne Fenehas, teŋɛ Daka la nɛɛ dɛ ba.

1 Webena 28:17

ne suuɡaswɛm tenten baa kpɔ ɛ bune baa kpɔa dɛɛ toh ola, ne loɡa baa do nee kɛɛ chal a bini dɛ ɛ dɛɛ merɛ kwaa ta, ne viine, ne suuɡaswɛm baa kpɔ kwaa loɡ bɛlbwa, dɛ suuɡapoŋ baa kpɔ kwaa loɡ bɛlbwa ne a tɔɡre,