1 Webena 21:18 - mzwDBL

¹⁸ Belaa Korowii nyundua torome bɛl ŋɔ Gad be ŋɔ, ó ka ŋɔ Kooro Devid be ŋɔ ó la Jebus te Arauna mea lɔ bɔr bela dɛ́ ka ma kon baa dɛ ɛ saraha o ta tɛ Korowii.

1 Webena 21:18 Referans Kwoze

2 Webena 3:1

Kooro Solomɔn pa mun dɛ ma Korowii Dea la Jerusalam, Moria Bwejen ta. Dɛ Korowii fa kpɔ o te baɡle o mɛɛ Kooro Devid bela ka, Jebus te Arauna mea lɔ bɔr bela Kooro Devid fa aa yawa la.

2 Samoɛl 24:18

Awola tɔpere la, Gad la Kooro Devid be dɛ ka ŋɔ o be ŋɔ, “Ir la Jebus te Arauna mea lɔ bɔr bela, dɛ́ ka ma kon baa ɛ saraha o ta tɛ Korowii.”

1 Webena 21:15

Korowii le nyundua torome bɛl dɛ tɛo kpeɡri ŋɔ ó ba chɔɡ Jerusalam. Waa dɛ la ka chɔɡo la, Korowii berɔ charɛ o liire, dɛ ŋɔ torome la be ŋɔ, “Gel! A maɡre ɡɛ.” Gɛ saŋ dɛ torome la lɔ Jebus te Arauna mea lɔ bɔr.

1 Webena 21:11

Anomanta, Gad la Kooro Devid be ka bɔɔro ŋɔ, “Waa Korowii aa bola laanee nɔ, ‘Baɡle onla haa dɛ nyin.

1 Webena 21:19

Anomanta, kooro teŋɛ Korowii nyoa wobol Gad aa baa bol o be la ta, dɛ ka ɛ ɡɛ tenten.

1 Webena 22:1

Belaa Kooro Devid ŋɔ, “Korowii Dea la ne kon Israel tena aa dɛɛ fuh saraha kwaa o ta la chɛ kɛŋɔ ó che bonɔ.”